JOELI 3:11 - Biblia Ilagho Jiboie Kwa Wandu Wose

¹¹ Shashirenyi muche inyo mbari rose ra wandu muko mbai mbai; kwanyikenyi aho vololonyi.’” Duma ijeshi jako jisee jiwikabe ee BWANA.

JOELI 3:11 ပူးပေါင်းရင်းမြစ်များ

ZABURI 103:20

Mkasenyi BWANA inyo weke malaika wake mmbwadie ndighi, msikiragha malagho ghake, na kuwada agho ughoragha.

ISAYA 10:34

BWANA uchadema visachi va msidu kwa isoka, midi iboie ya Lebanoni ichaghushwa.

ISAYA 13:3

BWANA moni wawilaghira masikari ghake uwiwikie na kuwirumiria, awo wandu wake wiko na ndighi, wipate kuwikaba awo wandu uko na machu nawo.

ISAYA 37:36

Nao malaika wa BWANA ukaghenda kambinyi ya Waashuru, na kuwibwagha wandu elfu ighana na mirongo wunyanya na wasanu. Hata iji wandu werewukieghe nakesho, wikakua awo wandu wose wifue.

JOELI 3:2

Nicharikwanya mbari zima, na kusea nawo cha Vololo Etanya. Nichawitanya aho kwa wundu ghwa maza rose wiwibonyere wandu wapo. Wawisasarie wandu wa Israeli aghadi ya masanga gha kighenyi, na kujiwagha isanga japo Israeli.

MIKA 4:12

Ela mbari iri nderimanyagha maghesho gha BWANA. Ndewiwuetambukilwa wei weetumbanywa chiaimweri wipate kukabwa, seji viro viredwagha vipate kusheghwa.

ZEFANIA 3:8

“Kwa huwo weseria ituku niwukagha kushitakia iro mbari ra wandu. Nakatire shauri ekwanya iro mbari na mawuzuri niriwonyere ndighi ya machu ghapo. Ndoenyi kose kuchatoteshwa ni modo ghwa lubio lwapo.

2 WATHESALONIKE 1:7

na kumneka kuhora chiaimweri nesi, inyo mwawuyakorongwa; iji Bwana Jesu wafunukulwa kufuma mlungunyi andwamweri na weke malaika wake wiwadie ndighi, andenyi ya modo ghuakagha.

WUFUNUO 19:14

Majeshi gha mlungunyi, ghirwae kitani ndicha ya chokwa choo ghijokagha farasi, ghikamnugha.