JOELI 2:3 - Biblia Ilagho Jiboie Kwa Wandu Wose

³ Riameria miwalwa yose sa modo; imbiri risechee isanga jedeeka sa Mbuwa ya Edeni; nyuma yawo isanga jikaawuya ikara. Ndekuwadie kindo chingi chisighilo chisejilo.

JOELI 2:3 ပူးပေါင်းရင်းမြစ်များ

KUZOYA 13:10

Loti ukazighana kose, ukawona vololo yose ya Jordani hata kuvikia Soari yanyoshere machi kula andu sa mbuwa ya BWANA, karakara na isanga ja Misri; aho ni imbiri BWANA useinonie Sodoma na Gomora.

KUZOYA 2:8

Nao BWANA Mlungu ukawa mbuwa chia ra mashariki ya Edeni; ukammbika aho uo mundu orem'bonyereghe.

ZABURI 50:3

Mlungu odu uacha, ela ndechagha kima; modo ghulunguragha ghoko imbiri kwake, na kiremba kibaa chammara mbai mbai.

ZABURI 97:3

Modo ghwamkiria, na kuwikora wamaiza wake chia rose.

KUFUMA 10:15

Kwa kukaia rerefinikireghe isanga jose hata jikasera kira; naro rikaja kula muwalwa isangenyi, na matunda gha midi eresigharikieghe ngelo ya vua ya magho; ndekorekoghe na ilemba jingi iwishi, hata mudi, angu muwalwa ghungi ghwa mbuwenyi ghoresigharikieghe isanga jose ja Misri.

KUFUMA 10:5

naro richafinikira isanga jose, hata jileme kuwoneka. Richaja kula kilambo cheresighiloghe ni ija vua ya magho, na kula mudi ghuko mbuwenyi kwako.

ISAYA 14:17

Uhu nuo oreghubonyereghe wurumwengu kuwuya sa ikara, na kuinona mizi yaro; uo userewilekerieghe wafungwa wake wighale?’

ISAYA 15:6

Machi gha Nimrimu ghaomie, nyasi reeoma na zima nderiwuebuka, hata mghina ghungi ndeghuko.

ISAYA 33:4

Mali rawo rawadwa seji shimandu riwadwagha, wandu wichariwada seji zighe riwadwagha.

ISAYA 51:3

Angu ini BWANA nichaghuwonia wughoma na kughuhoresha muzi ghwa Jerusalemu, nichareda wuhoreshi andenyi ya muzi ghuwunjiro kukaia ighacho, na ikara jawo jichawuya sa Edeni, sa iyo mbuwa ya BWANA. Muzi ugho ghuchachulwa ni iseko na kuboilwa, na chwaka ra kubora na kufunya chawucha richasikirika.

ISAYA 9:18

Wuwiwi ghwa wandu ghuakora sa modo ghukoragha visachi va minjwa ghuakagha sa modo ghwa msidunyi, ghujosagha mosi sa ikungughu.

ISAYA 9:19

BWANA wajikora isanga kwa wundu ghwa machu ghake, na wandu wakaia sa mbande, hata ndekuwadie mndungi ummboniagha mruna wughoma anduangi.

JEREMIA 5:17

Wichaja makuwido ghako na vindo vako; wichabwagha wana wako wa womi na wa waka; wichachinja ng'ondi rako na ng'ombe rako; wichanona mizabibu yako na mitini yako; wichanona mizi yako ya ngome kuirumirie, kwa wuda.”

EZEKIELI 36:35

Nawo wichaghamba, ‘Iji isanga jeresighiloghe iduu, hoku idana jawuya sa mbuwa ya Edeni, mizi eresighiloghe maghacho, na andu koresighiloghe kuduu na kunoneka, idana kwaaghilo na kukailwa ni wandu.’

AMOSI 7:4

Bwana MLUNGU ukaniwonyera mawono ghamu: Ngawona Bwana MLUNGU uwangagha wandu uwikabe kwa modo; nagho ghukakora bahari mbaa machi ghikaoma na kuzoya kukora isanga.

HABAKUKI 1:6

Nichareda Wababuloni, ija mbari ibirie, iangue kubonya malagho. Wadaghenda wurumwengunyi kose, kuwusa malalo ghiseko ghawo.

ZEKARIA 7:14

Ngawifunya sa kudukwa ni kiremba ngawisaghisa aghadi ya mbari ra wandu wa masanga gha kighenyi. Iji isanga jiboie jikasighwa iduu jisena wandu.”