JOELI 2:28 - Biblia Ilagho Jiboie Kwa Wandu Wose

²⁸ “Konyuma nichawidiria wandu wose roho wapo; wana wenyu wa womi na wa waka wichafunya ilagho japo. WAGHOSI wenyu wichaloda ndodo, na wandu wenyu wa irika wichawona mawono.

JOELI 2:28 ပူးပေါင်းရင်းမြစ်များ

MAKATANISHO 1:23

Ngamkania msikire; nichamneka njama ndicha, na kummanyisha agho nighiichi.

ISAYA 32:15

Maza richakaia huwo hata Mlungu udie Roho wake aighu kodu, na kireti chiwuye mbuwa inorie na kubusa vindo vingi sa msidu.

ISAYA 40:5

Niko wubaa ghwa BWANA ghuchafunukulwa, na kula mdamu uchaghuwona; kwa kukaia BWANA waghorie.”

ISAYA 44:3

“Nichafunya machi kwa isanga jiomie, na meda ya machi kwa ndoe iomie. Nichadia Roho wapo aighu ya kivalwa chako, na wana wako nichawidiria marasimio ghapo.

ISAYA 49:26

Nichawibonya awo wikukorongagha wije nyama ra mimbi yawo, na kunywa bagha yawo sa divei. Niko wandu wose wichaamanya kukaia Ini ne BWANA Mkiri wako, na Mkomboli wako; Uja Uwadie Ndighi wa Jakobo.”

ISAYA 49:6

Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

ISAYA 54:13

Nichawifundisha wana wako wose, nawo wichawona nicha na sere.

JEREMIA 23:25

Namerie kusikira malagho gha walodi wifunyagha wulodi ghwa tee kwa irina japo wikighamba, ‘Nalodere ndodo! Nalodere ndodo!’

JEREMIA 23:28

Uo mlodi uko na ndodo yake, ndeghore ndodo yake; na uo mlodi uko na ilagho japo, ndeghore ilagho japo kwa wuloli. Kwani mafozi ni kilamboki kwa ngano.

EZEKIELI 36:27

Nichangira roho yapo andenyi konyu, na kumghenja kwa kunugha sharia rapo, nenyo mchailindia na kuitala memu yapo.

EZEKIELI 37:14

Nani nichangira Roho wapo andenyi konyu, nenyo mchakaia moyo; nichammbunja andenyi ya isanga jenyu jeni, nenyo mchamanya kukaia ini BWANA namerie kughora na kughibonya; waghamba BWANA.”

EZEKIELI 39:29

hata sichaaleka kuwizighana sena, iji nadia Roho wapo kwa wandu wa Israeli. Ini Bwana MLUNGU naghamba.”

DANIELI 7:1

Mwaka ghwa imbiri ghwa kubonya nguma kwake Belshazari mzuri wa Babuloni, Danieli orelodieghe ndodo na kuwona mawono iji orekoghe ulale wulinyi kwake. Niko ukaiandika iyo ndodo na kuwonyera maza raro.

ZEKARIA 12:10

“Nichawichura wandu wa nyumba ya Daudi na awo wikaiagha Jerusalemu roho ya wughoma na kulomba. Wichamzighana mundu were'bwahieghe kwa kumdunga na ndagha nawo wichamlilia mwana wa ititi; wichalila na ndighi seji mundu uliliagha mwana wake wa imbiri.

MITALO 11:17

Nani nichasea aho nidedanye na oho, na kuwusa ifungu jimu ja roho yako, nijingire kwawo, nawo wichakutesia kuduka msigo ghwa awa wandu, eri kuseghudukeghe kuekeri.

MITALO 12:6

Nao BWANA ukaghamba, “Sikirenyi malagho ghapo; Ikakaia oko mlodi ungi aghadi konyu, ini BWANA nadakumanyisha kwake kwa chia ya mawono, nadadedanya nao kwa ndodo.

LUKA 1:67

Niko Zakaria ndee uja mwana, ukachulwa ni Roho Mweli ukaloda ukighamba;

LUKA 3:6

na kula mundu uchawona kukia kwa Mlungu.’”

JOHANE 7:39

(Agho oreghighorieghe kwa wundu ghwa uo Roho wechaampata awo wirumiriagha kwake. Angu Roho nderefunyiroghe kwa kukaia Jesu nderekasiroghe kande anduangi.)

MABONYO GHA WADUMI 2:33

Nao moni, umeria kujoswa kwa mkonu ghwa kiwomi ghwa Mlungu, na kuwusa kufuma kwa Aba ijo ilaghiro ja Roho Mweli, niko wachidia ichi mchiwonagha na kuchisikira wori.

MABONYO GHA WADUMI 2:39

Angu ilaghiro iji ni jenyu, na ja wana wenyu, na awo wose wiko kula; awo wose Bwana Mlungu uchaawiwanga wiche kwake.”

MABONYO GHA WADUMI 21:9

Orekoghe na wai bana wiselowolo werekoghe walodi.

WAGALATIA 3:28

Ndekuwadie Myahudi, angu Mgriki; ndekuwadie mzumba, angu mkitina; ndekuwadie mndwawomi, angu muka anduangi; angu inyo mmbose moko wandu wamweri andenyi ya Kristo Jesu.

WAEBRANIA 1:1

Kufuma kokala, Mlungu oreghorieghe mando malazi na weke aba wedu kwa chia zima-zima, ukitumia walodi.

1 SAMUELI 19:20

Ukaduma wandu wiendemuonda Daudi. Nao iji wawona izungu ja walodi wikifunya wulodi, na Samueli uko aghadi kwawo sa m'baa wawo, Roho wa BWANA ukawiseria awo wandu wa Sauli, nawo weni wikazoya kufunya wulodi.

1 SAMUELI 19:21

Sauli uendaghorelwa huwo, ukaduma wandu wazima; nawo weni wori wikafunya wulodi. Sauli ukaduma wandu wamu indo ja kadadu; nawo weni wori wikafunya wulodi.

1 SAMUELI 28:6

Hata iji wakotia njama kwa Mlungu, nderepatireghe matumbulio kwa ndodo hata kwa Urimu hata kwa chia ya walodi.