JOELI 2:27 - Biblia Ilagho Jiboie Kwa Wandu Wose

²⁷ Niko inyo Israeli mchamanya kukaia neko aghadi konyu, na kukaia ini BWANA ne Mlungu onyu hata mzima ungi ndeuko. Na jingi inyo wandu ndemchaafushwa waya sena anduangi.

JOELI 2:27 ပူးပေါင်းရင်းမြစ်များ

ZABURI 46:5

Mlungu wadakaia andenyi ya ugho muzi, na jingi ndeghuchaanoneka; wadaghutesia nakesho kio.

ZABURI 68:18

Orejokieghe aighu, ukiwilongoza wafungwa; ukawusa manosi kufuma kwa wandu, hata kufuma kwa waleghi; eri BWANA Mlungu upate kukaia aho.

MAKATANISHO 1:23

Ngamkania msikire; nichamneka njama ndicha, na kummanyisha agho nighiichi.

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 44:3

“Nichafunya machi kwa isanga jiomie, na meda ya machi kwa ndoe iomie. Nichadia Roho wapo aighu ya kivalwa chako, na wana wako nichawidiria marasimio ghapo.

ISAYA 44:8

Msakeobua, hata msebonye kiture; Welee, simghorieghe kufuma imbiri hata ngamtangazira? Na inyo moko washahidi wapo. Welee, oko Mlungu ungi kunichumba ini? Siichi ungi uko Igho kunichumba Ini.”

ISAYA 45:18

BWANA, uo oreumbieghe mlungunyi, (nao nuo Mlungu!) uo orebonyereghe ndoenyi na kuiumba, (hata ndereiumbieghe ikaie nduu, ela ipate kukailwa ni wandu!) uo waghamba huwu: “Ini ne Mlungu, hata ndekuwadie mzima ungi anduangi.

ISAYA 45:5

“Ini ne BWANA, hata ndekuwadie mlungu ungi mzima kuchumba ini anduangi. Nichakuneka ndighi, hata ngera oho ndekuniichi;

ISAYA 45:6

wandu wipate kumanya kufuma mashariki, na magharibi, kukaia, ndekuwadie mlungu ungi kuchumba ini; ini ne BWANA, hata ndekuwadie ungi mzima.

ISAYA 46:9

Rikumbukenyi maza ra kala, mmanye angu ne Mlungu ini, hata ndekuwadie ungi mzima; ini ne Mlungu, hata ndekuwadie ungi ufwanane nani.

ISAYA 49:23

Kuchachelwa ni wazuri sa weke ndeyo, na waka wawo wichakaia sa weke mayo. Wichakughoghomia na kudunga mawushu ghawo andonyi, nawo wichaleta teri ya maghunyi kwako. Niko aho oho kuchamanya angu ne BWANA, na kukaia, awo winiweseriagha niwitesie, ndewichaafushwa waya anduangi.”

ISAYA 53:6

Isi diwose dalagharie kara kara na ng'ondi, kula umu odu ukaighalukia chia yake moni; na BWANA ukamdukishira mawiwi ghedu ghose.

EZEKIELI 37:6

Nani nichammbikiria chugha na mighenu, na kufinikira nyama aighu yaro na kummbikiria mrongo; nani nichamfuria miruke, nenyo mchakaia moyo; nenyo mchamanya kukaia ini ne BWANA.”

EZEKIELI 39:22

Wandu wa Israeli wichamanya kukaia ini ne BWANA Mlungu wawo kufuma ituku ijo na noko imbiri.

EZEKIELI 39:28

Niko wandu wapo wichamanya kukaia, ini ne BWANA MLUNGU wawo, angu nerewibonyereghe widwalo wunyika kwa iro mbari ra wandu, sena ngawikwanya na kuwiwunja isangenyi kwawo koni; sichaasigha sena hata umweri wawo andenyi ya isanga ja iro mbari ra wandu,

EZEKIELI 39:29

hata sichaaleka kuwizighana sena, iji nadia Roho wapo kwa wandu wa Israeli. Ini Bwana MLUNGU naghamba.”

JOELI 2:26

Idana mchaja na kughuda, nenyo mchamkasa BWANA Mlungu onyu um'bonyere maza ra mashiniko. Na jingi inyo wandu wapo ndemchaafushwa waya sena anduangi.

JOELI 3:17

“Niko oho ee Israeli, kuchaamanya kukaia ini ne Mlungu wako; nadakaia aighu Sioni, ugho mghondi ghwapo ghwa wueli. Jerusalemu ichakaia muzi ghwapo ghwa wueli, na waghenyi ndewichaaghusima sena anduangi.

JOELI 3:21

Nichalipa awo wibwaghilo, hata sichaawifuya wughoma. Kwa kukaia ini BWANA nadakaia Sioni.”

ZEFANIA 3:11

Ngelo iyo, ndemchaafushwa waya wei morenileghieghe. Nichainja wandu wose werekukasagha na kukuduka, nenyo ndemchaanilegha sena aighu ya mghondi ghwapo ghwa wueli.

ZEFANIA 3:17

BWANA, uo Mlungu wako oko andwamweri na oho; kudima kwake kuchakuredia wusimi. BWANA uchaboilwa ni oho, nao uchakuneka irangi iwishi kwa lukundo lwake. Uchaboilwa na kuzuma aighu yako kwa kubora,

ZEKARIA 2:9

BWANA moni uchalwa nenyo, nenyo mchasokwa vilambo ni awo morewibonyereghe wadumiki wenyu.” Niko mchaamanya kukaia BWANA Uwadie-Ndighi-Rose wanidumie.

MITALO 11:29

Ela Musa ukamzera, “Kwawadwa ni iriso wulalo ghwa ini? Nawonagha nicha ngera Roho wa BWANA wadawiseria wandu wake wose wikaie walodi.”

MITALO 23:21

Uo ndewonie mzwana ghungi ghuzamie kwa Jakobo, hata kuwona wasi ghungi kwa Israeli anduangi. Uo BWANA Mlungu wawo oko andwamweri nawo, na mzuri m'baa wawuyaghora aghadi kwawo.

2 WAKORINTHO 6:16

Anguu, hekalu ya Mlungu yawadie mapatano gha indoki na milimu? Kwa kukaia isi de hekalu ya Mlungu uko moyo; sa iji koni ughorie, “Nichakaia andenyi kwawo, na kusela aghadi kwawo; nani nichakaia Mlungu wawo, nawo wichakaia wandu wapo.

WUKUMBUSO 23:14

Kwa kukaia BWANA Mlungu wako wadasela aghadi ya kambi yako, kukukira na kukubonya kuwisime wamaiza wako, suti kambi yako ikaie ielie; usechewona kindo chingi chiseboie aghadi yako, na kukusigha.

1 PETRO 2:6

Angu yaandikilo: “Ola niawika igho aighu ya Sioni, igho ja mbembenyi, jisaghulo, ja zoghori mbaa; na uo ose uchaarumiria kwake, ndechaafushwa waya anduangi.”

WUFUNUO 21:3

Ngasikira lwaka lubaa kufuma kwa icho kifumbi cha nguma lukighamba, “Ola wulalo ghwa Mlungu ni andwamweri na wadamu. Nao uchakaia andwamweri nawo, nawo wichakaia wandu wake; Mlungu moni uchakaianya nawo.