JOELI 2:18 - Biblia Ilagho Jiboie Kwa Wandu Wose

¹⁸ Niko BWANA ukajizighana isanga jake, ukawifuya wughoma wandu wake.

JOELI 2:18 ပူးပေါင်းရင်းမြစ်များ

2 WAZURI 19:31

angu agho masighariko gha wandu wichafuma Jerusalemu, na awo wivuvukagha, wichafuma Mghondi ghwa Sioni. Wudimi ghwa BWANA ghuchakatisha ilagho ijo.

ZABURI 103:13

Sa iji koni ndee wana uwiwoniagha wana wake wughoma, niko koni BWANA uwiwoniagha wughoma awo wimuobuagha.

ZABURI 103:17

Ela lukundo lwa BWANA lwadua kufuma kala hata kwa kala, kwa awo wimuobuagha, na wucha ghwake ghwadua kwa vivalwa vawo vose,

ISAYA 37:32

Huwo kuchakaia na masighariko gha wandu kufuma Jerusalemu, ee, kufuma Mghondi ghwa Sioni, kuchakaia na masighariko gha wandu. BWANA wa majeshi uchabonya huwo, kwa wundu ghwa iriso uko najo.

ISAYA 42:13

BWANA wafuma karakara na ing'oni, wawukwa ni mware na kukema kara kara na mundu wa wuda; kuwonyera ndighi rake kwa wamaiza wake.

ISAYA 60:10

BWANA waghuzera muzi ghwa Jerusalemu huwu, “Waghenyi wichaagha sena mawurigha ghako, na wazuri wawo wichakudumikia; angu nerekukabieghe kwa machu ghapo, ela kwa kukunda kwapo koni, nerekufueghe wughoma.

ISAYA 63:15

Kudizighane kufuma mlungunyi kwako ee BWANA, kufuma agho malalo ghako ghielie gha wubaa. Ugho wuing'oni na kudima kwako koko hao? Ghuao ugho wughoma na lukundo lwako kudikunde nalo?

ISAYA 63:9

Kwa matiriro ghawo ghose, uo moni oretiriroghe, na malaika uo orekirieghe imbiri kwake ukawikira. Kwa lukundo na wughoma ghwake orewikombueghe ukawidwa na kuwighenja matuku ghose gha kala.

JEREMIA 31:20

“Welee, Israeli si mwana wapo mkundwa? Welee, si mwana wapo, wa ngolo wapo? Kula ngelo nidedagha kiwiwi aighu yake, nadawuya nimkumbuke sena; kwa huwo ngolo yapo yakaia na bea nao, nani kwa loli nichamfuya wughoma.

KILILO CHA JEREMIA 3:22

Lukundo lwa BWANA lukatie ndelusiagha, na wughoma ghwake ndeghuwadie kutua kungi anduangi.

ZEKARIA 1:14

Niko uo malaika orekoghe ukidedanya nani ukanizera nighore kukaia BWANA Uwadie-Ndighi-Rose waghamba, “Neko na lukundo na msigo m'baa aighu ya Jerusalemu muzi ghwapo ghwa wueli;

ZEKARIA 8:2

“Nabwaghwa ni iriso kwa wundu ghwa lukundo niko nalo kwa Jerusalemu, na kwa wundu ugho, nakaia na machu kwa wamaiza wa Jerusalemu.

LUKA 15:20

Nao ukawuka ukazoya kuwuya kwa ndee. Hata iji orekoghe kula koni, ndee ukammbona ukangilwa ni wughoma, ukamkimbiria na kumshishidia; ukamsusugha.

WUKUMBUSO 32:16

Kutasa milimu kwawo korem'bonyereghe kuwadwa ni iriso, mabonyo ghawo ghizamie ghikamjosa machu.

WUKUMBUSO 32:36

BWANA uchawivuvua wandu wake, ukawona wameria kusirilwa ni ndighi putu. Uchakaia na wughoma kwa awo wawuyamdumikia.

WUKUMBUSO 32:43

“Suti muwikume wandu wa BWANA inyo mbari, wadawikaba awo wose wiwibwaghagha. Wadalipa kisasi kwa wamaiza wake na kuleka kaung'a ra wandu wake.”

JAKOBO 5:11

Ola isi dadawiwanga warasimilwa; kwa kukaia ni wandu werekoghe na irumaghio. Mwasikire malagho gha irumaghio ja Ayubu, nenyo mwawonie kutua kwa mpango ghwa Bwana aighu yake, na seji Bwana uko wa ishima na wughoma.

WATANYI 10:16

Wikainja milungu ya kighenyi kufuma kwawo, wikamdumikia BWANA; nao ukawawa kwa wundu ghwa wasi ghwa Waisraeli.