JOELI 2:17 - Biblia Ilagho Jiboie Kwa Wandu Wose

¹⁷ Wakohani wimdumikiagha BWANA ghadi na ghadi ya madhabahu na mnyango ghongia Hekalunyi ndewilile na kughamba, “Kuwifuye wughoma wandu wako ee BWANA; kusakesigha wandu wa mbari zima widiseke na kudimenya wikighamba, ‘Oke Mlungu onyu oko hao?’”

JOELI 2:17 ပူးပေါင်းရင်းမြစ်များ

1 WAZURI 6:3

Lukumbi lwa Hekalu, loresighaneghe na iaghi kwa meta inya na pointi isanu, na wulacha ghwaro meta ikenda ghukatane na wushapa ghwa Hekalu.

1 WAZURI 9:7

niko nichawiinja wandu wapo Israeli isangenyi ijo nerewinekieghe, na iyo Hekalu nereiwikieghe wakfu kwa wundu ghonitasira nichaiinja niseiwoneghe. Wandu wa Israeli wichamenyeka na kuwuya wesekwa ni wandu wose.

2 MALAGHO GHA NGELO 7:20

niko nichamfunya isangenyi ijo nimnekie, na ihi Hekalu niiwikie wakfu ikaie andu konitasira, nichaisigha noko niseiwoneghe, nayo ichakaia kilambo chimenyero wandunyi kose.

2 MALAGHO GHA NGELO 8:12

Niko Solomoni ukamfunyira BWANA vizongona vekora aighu ya madhabahu iyo oremuaghieghe BWANA naimbiri ya waza,

NEHEMIA 9:36

Zighana idana dakaia wazumba andenyi ya isanga kudinekie; isanga jinorie jidinekagha vindo.

ZABURI 115:2

Kwaki iro mbari ridizeragha, “Mlungu onyu oko hao?”

ZABURI 42:10

Wamaiza wapo wanidukana na kunivavira sa kunibara maindi, wikinikotia ngelo rose, “Mlungu wako oko hao?”

ZABURI 42:11

Kwaki nijagha wasi huwu na kusumbuka? Nichawika isuwirio japo kwa Mlungu, nani nichamkasa sena Mkiri wapo na Mlungu wapo.

ZABURI 42:3

Naawuyalila kio na dime, na mbori rawuya vindo vapo wandu wikinizera, “Mlungu wako oko hao?”

ZABURI 42:4

Nakumbuka niko na wasi ngolonyi, seji niduelongoza izungu ja wandu kughenda nyumbenyi kwa Mlungu. Longo lwa wandu wengi wiwadiagha mizango ya ndima; wikibora na kuzuma na kufunya chawucha kwa Mlungu.

ZABURI 74:10

M'maiza ukuseka hata lii ee Mlungu? Welee, m'maiza uajisholia irina jako matuku ghose?

ZABURI 79:10

Kusakesigha iro mbari zima righambe, “Damsima Mlungu wawo oko hao.” Kudineke kuwona kukikaba iro mbari zima, kwa wundu ghwa kudia bagha ya wadumiki wako.

ZABURI 79:4

Wandu wa mbari zima wiko mbai-mbai yedu waawuyadisholia; waawuyadimenya na kudiseka.

ZABURI 89:41

Wandu wose wiidagha waawuyaiwa vilambo vake; wambao wose waawuyamseka.

ZABURI 89:51

Wamaiza wako waawuyamdukana Msaghulwa wako ee BWANA! Waawuyamdukana andu kose ughendagha.

KUFUMA 34:9

Nao ukaghamba, “Ikakaia loli kuboilwagha ni ini ee BWANA, nakulomba kughendanye andwamweri nesi; awa ni wandu wighilikie loli, ela kudileke mawiwi ghedu na kaung'a edu; kurumirie kudiwusa dikaie wandu wako weni.”

ISAYA 22:12

Ngelo iyo, Bwana MLUNGU wa majeshi orekoghe ukimmbanga mpate kulila na kukema, na kuara vongo venyu kwa wasi, mkirwa nguwo ra magunia.

ISAYA 37:20

Kwa huwo idana ee BWANA Mlungu odu, kudikire usedikabe, eri mawuzuri ghose gha ndoenyi ghipate kumanya kukaia ni oho kuekeri kuko BWANA.”

EZEKIELI 20:9

Ela kwa wundu ghwa irina japo serebonyereghe huwo; eri jisechesholelwa na kulushwa imbiri ya mbari ra wandu iro werekaieghe aghadi yawo; awo ini nerekumanyishireghe nimoni kwawo kwa kuwizera Waisraeli nichawifunya isanga ja Misri.

EZEKIELI 8:16

BWANA ukanireda waza ya ndenyi ya Hekalu ya BWANA; ngawona a mnyangonyi ghwa Hekalu ya BWANA, ghadi na ghadi ya lukumbi na madhabahu, wandu mirongo iwi na wasanu walangaya cha mashariki na kuwikia Hekalu ya BWANA mighongo yawo; nawo werekoghe wikitasa iruwa jerekoghe jikibuka noko cha mashariki.

HOSEA 14:2

Wuyenyi kwa BWANA na ilombi iji, “Kudifuye wughoma kaung'a redu, kudirumirie ilombi jedu nesi dichakukasa seji derelaghirieghe.

JOELI 1:13

Ronyi nguwo ra magunia mlile ee Wakohani; inyo mdumikagha madhabahunyi, lilenyi ahoeni. Choonyi mlale mrwae nguwo ra magunia inyo mdumikagha imbiri ya Mlungu wapo! Kwa kukaia mafunyo gha viro na gha kunywa, ghasoweka Hekalunyi kwa Mlungu onyu.

JOELI 1:9

Viro na divei vifunywagha Hekalunyi ndeviko; wakohani waawuyalila kwa kusowa mafunyo ghemfunyira BWANA.

AMOSI 7:2

Hata iji zighe rameria kuja nyasi rose ra isangenyi, nereghambieghe, “Ee Bwana MLUNGU, nakuvoya kufuye wandu wako wughoma, Wandu wa Israeli wadima wada kukaia moyo? Weeka watini nandighi.”

AMOSI 7:5

Niko ngaghamba! “Ee Bwana MLUNGU, nakulomba kusighe; Wandu wa Israeli widima wada kukaia moyo? Weeka watini nandighi.”

MIKA 7:10

Niko m'maiza wapo uchawona na kufwa waya; uo oreghambagha, “BWANA Mlungu wake oko hao?” Nichammbona ukiwadilwa andonyi sa mazozo gha chienyi.

MALAKI 1:9

Na idana wakohani, mvoyenyi Mlungu upate kudifuya wughoma. Kukakoni umfuya wughoma iji mumfunyiragha vizongona sa ivo?

MITALO 25:6

Nao ola mndumu wa Kiisraeli ukacha na muka wa Kimidiani nyumbenyi kwake worinyi, Musa na izungu jose ja wandu wa Israeli wikiwona, sena ingelo cheni werekoghe wikilila a Hemenyi ekwania.

MATHAYO 23:35

Mpate kuchelwa ni ikabo kwa wundu ghwa bagha ya wandu wa hachi wose erediriloghe ndoenyi. Kufuma bagha ya Abeli mhachi, hata bagha ya Zakaria mwana wa Barakia, uo morembwaghieghe andenyi ya Hekalu madhabahunyi gha wueli.

MATHAYO 27:43

Wamrumirie Mlungu, na kukuwanga ‘Mwana wa Mlungu.’ Oke Mlungu ndemkire idana ngera loli wamkunde.”

WUKUMBUSO 28:37

Kuchaobolwa ni wandu, kuseko na kumenywa ni wandu wose andu BWANA uchaakughenja.

WUKUMBUSO 32:27

Ela seredimagha kuwisigha wamaiza wawo wikukase, wei wawisima wandu wapo, na ni ini moni niwifashire.’

JOSHUA 7:9

Angu Wakanaani na waisanga wose wichasikira agho malagho; nawo wichadimaria chia rose na kudibwagha isi diwose! Da oho kuchabonya wada kulindia ishima ja ijo irina jako ibaa?”