JOELI 2:16 - Biblia Ilagho Jiboie Kwa Wandu Wose

¹⁶ Wangenyi wandu chiaimweri muwieleshe; wangenyi waghosi na wanake, hata awo wiongagha. Wandu wibonyere arusi kafwani nawo weni wifume chumbenyi kwawo wiche.

JOELI 2:16 ပူးပေါင်းရင်းမြစ်များ

2 MALAGHO GHA NGELO 20:13

Wandu wose wa Juda werekaieghe kimusi imbiri ya BWANA chiaimweri na waka wawo na wana wawo aho Hekalunyi.

2 MALAGHO GHA NGELO 29:5

ukawizera, “Nisikirenyi Walawi! Idana kueleshenyi mmbeni, na kuielesha Hekalu ya BWANA, uo Mlungu wa weke ndeyo, mfunye na mbai wuchafu ghuko andenyi ya Andu kwa Wueli.

2 MALAGHO GHA NGELO 30:17

Wandu wengi werekoghe ikwanyikonyi, ndewerekueleshereghe; kwa huwo Walawi wikabwagha mwana wa ng'ondi kwa wundu ghwa kula mundu userekueleshereghe, eri uo mwana wa ng'ondi upate kurumirikia kwa BWANA.

2 MALAGHO GHA NGELO 30:19

umlolagha Mlungu kwa ngolo; BWANA uo Mlungu wa weke ndee, hata ngera ndenughie sharia rekuelesha ra Andu kwa wueli.”

2 MALAGHO GHA NGELO 35:6

M'bwaghe wana wa ng'ondi wa Pasaka. Mkueleshe mmbeni na kukuwika nicha, eri awo wanyinyu Waisraeli wipate kubonya wokoni kunughana na ilagho ja BWANA orejiredieghe kwa chia ya Musa.”

AYUBU 1:5

Matuku gha karamu rawo ghikakatia, Ayubu orekoghe ukiwiwanga na kuwielesha. Orekoghe ukiwuka kokio, na kufunya vizongona vekora kwa wundu ghwa kula mwana wake; oreririkanyireghe kewada wana wake wabonyere kaung'a kwa kumdukana Mlungu wisemanyire. Huwo niko Ayubu orekoghe ukibonya tulituli.

ZABURI 19:5

najo jajoka sa bwana arusi ufumagha chumbenyi kwake, na sa mundu wa misarigho ukimbiagha, janugha chia yake kwa kuboilwa.

KUFUMA 19:10

Nao BWANA ukamzera, “Ghenda kuwizere wandu wikueleshe idime na kesho; kuwizere wioghoshe nguwo rawo,

KUFUMA 19:15

Musa ukawizera, “Mkuwike tayari ituku ja kadadu; msemuadade muka.”

KUFUMA 19:22

Hata wakohani awa wichagha kaavui nani, suti wikueleshe, kuseko huwo, nichawikaba.”

JOELI 1:14

Ereshenyi kufunga tumu, mmbange ikwanyiko; Kwanyenyi vilongozi na wandu wose wa Juda, wiche Hekalunyi kwa BWANA Mlungu onyu, mumkemie uo.

MATHAYO 21:16

wikamzera Jesu “Kwasikira seji awa wawuyaghora?” Jesu ukawizera, “Hee; wele jingi ndemshomie seji iandikilo: ‘Kwawibonya wanake watini na awo wiongagha, wifunye makaso ghikatie.’”

MATHAYO 9:15

Jesu ukawitumbulia, “Welee, awa wiwangwagha arusinyi wadima kukaia na wasi iji bwana arusi ukwanye nawo? Hata! Ela ngelo bwana arusi wainjwa kwawo, ngelo iyo niko wichaafunga.

1 WAKORINTHO 7:5

Msakeimana mmbeni na mmbeni, isaakaia ngera moorumiriana kubonya huwo kwa ngelo; eri mpate wulalo ghokufunya kwa kulomba Mlungu, nyuma yaro mmburiane sena; Shetani usechepata wulalo ghomtima kwa kusowa kukumazira.

JOSHUA 7:13

Wuka! Elesha awa wandu kuwizere wikueleshe weni kwa wundu ghwa kesho, angu BWANA Mlungu wa Israeli waghora, ‘Veko vilambo venonwa viko aghadi konyu ee Israeli, nenyo ndemchaadima kuwisima wamaiza wenyu, msaainja ivo vilambo venonwa viko aghadi konyu.’

JOSHUA 8:35

Kula Sharia ya Musa ereshomeloghe ni Joshua kwa ikwanyiko jose ja Israeli, wikwanye na waka na wana, chiaimweri na wandu wawuyakaia aghadi kwawo kiwughenyi.

1 SAMUELI 16:5

Nao ukatumbulia, “Ni kwa sere; naacha kum'bwaghia BWANA kizongona. Kueleshenyi mchanye nani kizongonenyi.” Ukamuelesha Jese na kumkaribisha chiaimweri na wana wake wikanye ngelo efunya kizongona.