JOELI 1:9 - Biblia Ilagho Jiboie Kwa Wandu Wose

⁹ Viro na divei vifunywagha Hekalunyi ndeviko; wakohani waawuyalila kwa kusowa mafunyo ghemfunyira BWANA.

JOELI 1:9 ပူးပေါင်းရင်းမြစ်များ

2 MALAGHO GHA NGELO 13:10

Ela isi, BWANA nuo Mlungu odu, nesi ndedimsighie. Deko na wakohani wawuyamdumikia BWANA, nawo ni wana wa Haruni, na Walawi wawuyawidumikia.

KUFUMA 28:1

“Kumrede mwanyinyu Haruni na wana wake kaavui na oho. Haruni na wana wake; Nadabu, Abihu, Eleazari, na Ithamari; kuwitenge aghadi ya Waisraeli wipate kunidumikia kwa kazi ya Wukohani.

ISAYA 61:6

Ela inyo mchawangwa wakohani wa BWANA, wandu wichamghora inyo kukaia wadumiki wa Mlungu odu; mchaja mali ra iro mbari ra wandu, na kukukasa aighu ya mali rawo.

KILILO CHA JEREMIA 1:16

“Kwa wundu ugho naawuyalila; ndekuwadie mndungi onihoresha hata onikumba ngolo. M'maiza wanisima; wandu wapo ndewiwadie kindo chingi chasigharika.

KILILO CHA JEREMIA 1:4

Ndekuwadie mndungi uchagha Hekalunyi kutasa matuku gha ndima; wai wereboragha aho waawuyaja wasi, na wakohani waawuyasirimika. Andu kokwania koosighwa kuduu, na Sioni, eeka na luwawo lubaa.

HOSEA 9:4

Ndewichadima kumfunyira BWANA vizongona venywa andenyi ya agho masanga, hata vizongona vawo ndevichaamrira BWANA anduangi. Vindo vawo vichamlusha kula mundu uvijagha; kwa kukaia vichakaia sa vindo va ifonyi. Vichakaia tu kwa kuinja njala, hata mkate ghwaro ndeghuchaaredwa andenyi ya Hekalu ya BWANA.

JOELI 1:13

Ronyi nguwo ra magunia mlile ee Wakohani; inyo mdumikagha madhabahunyi, lilenyi ahoeni. Choonyi mlale mrwae nguwo ra magunia inyo mdumikagha imbiri ya Mlungu wapo! Kwa kukaia mafunyo gha viro na gha kunywa, ghasoweka Hekalunyi kwa Mlungu onyu.

JOELI 1:16

Viro vedu vaawuyatoteshwa dikiwona woruwu; ndekuwadie kuboilwa kungi Hekalunyi kwa Mlungu odu.

JOELI 2:14

Kewada BWANA Mlungu onyu wadima kughalusa maghesho, umrasimie na kumneka mavalo mengi, mpate kumfunyira viro na divei.

JOELI 2:17

Wakohani wimdumikiagha BWANA ghadi na ghadi ya madhabahu na mnyango ghongia Hekalunyi ndewilile na kughamba, “Kuwifuye wughoma wandu wako ee BWANA; kusakesigha wandu wa mbari zima widiseke na kudimenya wikighamba, ‘Oke Mlungu onyu oko hao?’”