JOELI 1:2 - Biblia Ilagho Jiboie Kwa Wandu Wose

² Zighanenyi agha malagho inyo waghosi, sikirenyi inyo mmbose wandu wa Juda; welee, jingi mwawonie ilagho sa iji, ngelo renyu angu ngelo ra weke ndeyo?

JOELI 1:2 ပူးပေါင်းရင်းမြစ်များ

AYUBU 12:12

Waghosi niwo wiko na hikima, sena kwa kukaia na matuku mengi, wawadie suku.

AYUBU 15:10

Isi deekufundisha hikima kwa waghosi wibukie imbu, wandu wighosere kuchumba ndeyo.

AYUBU 21:7

Kwaki wandu wawiwi wikaiagha moyo, wizoghuo na kuchuria kukaia na ndighi?

AYUBU 8:8

“Oho kotia malagho gha hikima ya kala, kumanye seji weke aba werekufundishireghe;

ZABURI 49:1

Sikirenyi agha inyo wandu wose! Deghenyi madu mmbose mkaiagha wurumwengunyi,

ISAYA 34:1

Choonyi, inyo mbari ra wandu, mpate kusikira; deghenyi madu inyo wandu wa ndoenyi msikire, ee, wurumwengu na vose viko andenyi yaro choonyi msikire.

ISAYA 7:17

“BWANA uchareda mzuri wa Ashuru ukuredie wasi oho, na wandu wako, na kivalwa chose cha kiwuzuri, jingi kuseghuwonie kufuma ituku Israeli orekutanyireghe na Juda.

JEREMIA 30:7

Ai, e ituku ja mashiniko, jisefwanane na ituku jingi; ni ngelo ya wasi kwa kivalwa cha Jakobo, elaima ugho wasi ghuchamredia kukia.”

JEREMIA 5:21

Sikirenyi malagho agha inyo wandu wakelu msewadie akili ringi; wandu muko na meso, ela msewonagha.

DANIELI 12:1

“Ngelo iyo, Mikaeli uo malaika m'baa uwizighanagha wandu wako uchawuka. Ichakaia ni ngelo ya wasi jingi ghusewonekie kufuma mbari yazoya kukaia, hata iyo ngelo. Ela ngelo iyo, wandu wako awo marina ghawo ghiandikilo andenyi ya chuo cha Mlungu, wichakirwa.

HOSEA 4:1

BWANA oko na mashitakio aighu ya wandu wikaiagha andenyi ya iji isanga. Sikirenyi seji BWANA ughoragha inyo wandu wa Israeli, “Wuloli na lukundo ndeviko isangenyi, hata wandu ndewiwuenitala ini sa Mlungu.

HOSEA 5:1

“Sikirenyi agha inyo wakohani! Sikirenyi agha ee wandu wa Israeli! Sikirenyi inyo wandu wa kinyumba cha wuzuri! Kutanya uku ni aighu enyu; kwa kukaia mwamerie kuwuya mdegho kwa Mispa, nyavu ideghelo aighu ya Mghondi ghwa Tabori,

JOELI 1:14

Ereshenyi kufunga tumu, mmbange ikwanyiko; Kwanyenyi vilongozi na wandu wose wa Juda, wiche Hekalunyi kwa BWANA Mlungu onyu, mumkemie uo.

JOELI 2:2

Ni ituku ja kira na wasi, ituku ja mawingu na kira kibaa. Izungu ja zighe jangia na kufinikira mighondi. Jareda kukamba kwa kira jingi chisewonekie, hata ndechichaawoneka huwu sena anduangi.

AMOSI 3:1

Inyo wandu wa Israeli, sikirienyi ijo ilagho BWANA waghora aighu yenyu; aighu ya mbari yose oreijosereghe kufuma isanga ja Misri:

AMOSI 4:1

Sikirenyi agha inyo waka wa Samaria, m'bandie sa ng'ombe ra Bashani rilishwagha aighu ya mighondi ya Samaria; mkorongagha wakiwa, na kuwitirira awo wisowagha na kuwizera womi wenyu, “Redenyi chofi dinyo.”

AMOSI 5:1

Sikirenyi ulu lumbo lolila inyo wandu wa Israeli:

MIKA 1:2

Sikirenyi agha inyo mbari rose ra wandu mkaiagha ndoenyi, sikirenyi; BWANA Mlungu uchashuhudia aighu yenyu. Sikirenyi! Waawuyadeda kufuma Hekalunyi yake ya mlungunyi.

MIKA 3:1

Sikirenyi inyo wabaa wa Israeli! Welee, si inyo msuwirilwagha kuitala hachi?

MIKA 3:9

Nisikirenyi inyo wabonyi nguma wa Israeli, mzamilwagha ni kubonya hachi na kughalua loli iwuye tee.

MATHAYO 13:9

Uo uko na madu ghesikira ndesikire.”

MATHAYO 24:21

Angu kuchakaia na wasi m'baa na ndighi, jingi ghusewonekie kufuma kuzolwa kwa wurumwengu hata idana; nagho ndeghuchaawoneka jingi sena anduangi.

WUFUNUO 2:7

Uo uko na kudu, ndesikire agho malagho Roho ughighoriagha agho makanisa. Uo usimagha nichamneka kuja matunda gha mudi ghwa irangi, ugho ghuko andenyi ya mbuwa ya Mlungu.’