JOELI 1:12 - Biblia Ilagho Jiboie Kwa Wandu Wose

¹² Mizabibu na mizeituni enyaya; midi yose ya matunda enyaya na kuoma. Maboilo ghose gha wandu gheemeria kusia.

JOELI 1:12 ပူးပေါင်းရင်းမြစ်များ

ZABURI 4:7

Oho kwangirie kuboilwa kubaa ngolonyi kwapo kuchumba awo, ingelo wapata viro vawo na divei yawo kwa wungi.

ZABURI 92:12

Wahachi wichadeghedeka sa mtende, na kuzoghua sa msida ghuko Lebanoni.

LUMBO 2:3

Mkundwa wapo ukakaia aghadi ya wambenyu, ni sa mudi ghwa matunda ghadi na ghadi ya msidu. Naboilwa ni kusea kidombo kijunyi kwake; itunda jake jasingie nandighi.

LUMBO 4:13

Miwalwa yaro ni makomamanga; ghifunyagha matunda ghiboie, hena na nardo;

ISAYA 16:10

Ndekuwadie mndungi uko na kuja kuboilwa andenyi ya mbuwa redu rinorie, hata mndungi ndewuebora andenyi ya mbuwa ra mizabibu kwa kukaba lukilighili. Mndungi ndewuekama zabibu, kuboilwa kose koomerelwa.

ISAYA 24:11

Kililo chasikirika chienyi mbaa kwa wundu ghwa kusowa divei, kuboilwa kwawo kwavikia kutua kwaro, kuboilwa kose kwa ndoenyi kwasirie.

ISAYA 24:7

Mizabibu iaoma, na divei yapungua. Wandu werechuloghe ni kuboilwa idana wiasoria ngolo kwa wasi.

ISAYA 9:3

Oho kwamerie kuichuria iyo mbari ya wandu, na kuchuria kuboilwa kwawo, wawuyaboilwa imbiri kwako seji wakuwidi viro wiboilwagha; seji wandu wiboilwagha wikiwagha vilambo viwadilo wunyika.

JEREMIA 48:3

“Sikirenyi kililo chifumagha Horonaimu, ‘Wuduu na kunoneka kubaa!’

JEREMIA 48:33

Maseko na maboilo ghamerie kuinjwa noko, kufuma kwa isanga ja mavalo ja Moabu, nabonyere divei ikasoweka kukamwa vidunyi, ndekuwadie mndungi wawuyakama zabibu kwa kuboilwa, chwaka rawuyasikirika si ra maboilo anduangi.

JOELI 1:10

Mbuwa reewuya ikara; ndoe yaoma, angu viro vanonwa, mizabibu yaoma, na mizeituni yaoma.

JOELI 1:16

Viro vedu vaawuyatoteshwa dikiwona woruwu; ndekuwadie kuboilwa kungi Hekalunyi kwa Mlungu odu.

JONA 4:7

Ela ituku ja kawi ndoe iendaela, Mlungu ukawika kivunyu chikaghuja ghuja mmbonu nagho ghukanyaya.

HAGAI 2:19

Nichamrasimia hata ngera ndemuwuewona mbeu ingi nganyenyi konyu; hata mzabibu, angu mtini, angu mkomamanga, angu mzeituni ghuvae.”

MALAKI 3:11

Nichakemia nyamandu na shimandu rijagha vindo venyu, eri risenone mavalo ghenyu gha mbuwenyi na mizabibu yenyu ichava zabibu kwa wungi.

MITALO 13:23

Nao wikavika vololo ya Eshkoli, wikadema lumbashu luko na changa chimweri cha zabibu, na wandu wawi wikaluduka na mzeghe-zeghe; wikadwa makomamanga ghamu, na tini wori.