JOELI 1:11 - Biblia Ilagho Jiboie Kwa Wandu Wose

¹¹ Fonyi waya inyo walimi, kemenyi inyo mlimagha mbuwa ra mizabibu; kwa kukaia ngano na shairi, na miwalwa yose yameria kunonwa.

JOELI 1:11 ပူးပေါင်းရင်းမြစ်များ

ISAYA 17:11

hata mkaibonya izoghuo ijo ituku jeni muiwae, na kufunya mboi nakesho yaro, ndemchaapata makuwido ghangi; mchakaia wandu wa wasi, na luwawo lusesiagha.

JEREMIA 14:2

“Juda waawuyalila, na mizi yake yaawuyasia. Wandu wake waalala andonyi wikilila kwa wasi, na kililo chaawuyasikirika kufuma Jerusalemu.

JEREMIA 50:16

Muinje muwi mbeu usewoneke Babuloni, na uo ukuwidagha kwa ngelo yaro wori usewoneke; kwa wundu ghwa ijeshi jibonyagha wuda, kula mundu uchawuya kwa wandu wake weni; kula mundu uchakimbiria isangenyi jake.”

JEREMIA 9:12

Ngakotia, “Ni mundu uao uko na akili udimagha kutambukilwa ni agha malagho? Nani kwamghoria upate kudighoria? Kwaki isanga janoneka huwu na kusighwa iduu kara kara na kireti; hata mndungi usedimagha kuida aho?”

EZEKIELI 30:2

“Mwana wa mdamu, funya wulodi kughambe, Ini Bwana MLUNGU naghamba huwu, Lila kughambe: Ni bugha kwa ijo ituku!

AMOSI 5:16

Kwa huwo BWANA, uo Mlungu Uwadie-Ndighi-Rose waghamba huwu: “Kuchakaia na kililo achienyi mbaa, na andu kose chienyi wandu wichakaia wikighamba, Weei ngai, Weei ngai! Wichawiwanga walimi wiche ifonyi; na kuwilipa awo wiko mafundi ghelila wichelila;

WAROMA 5:5

Na isuwirio ndejidifushagha waya; angu lukundo lwa Mlungu lwadirilo ngolonyi kodu kwa chia ya Roho Mweli uo dinekelo.