JEREMIA 9:8 - Biblia Ilagho Jiboie Kwa Wandu Wose

⁸ Lumi lwawo ni sa iwanu jebwagha, lwatumilwa kudeda makalio; kula mundu uadeda malagho gha sere kwa mmbao, ela ngolonyi kwake uamlaliria.

JEREMIA 9:8 ပူးပေါင်းရင်းမြစ်များ

2 SAMUELI 3:27

Nao iji Abneri wawunjwa Hebroni, Joabu ukamdwa mbalama sa kukunda kubonya njama ya kiviso nao aho mbengenyi; nao ahoeni ukamdunga na ifumu ja kifu ukafwa kulipia iyo bagha ya mruna Asaheli.

ZABURI 12:2

Wiaghoriana tee weni na weni. Waja malagho gha mikalo, na kukaia na ngolo eja kuwi.

ZABURI 12:3

BWANA ndenyamire memu ya mikalo, na chumi rikukasagha;

ZABURI 120:3

Inyo watee, m'bonywa wada ni Mlungu? Ni ikaboki Mlungu umnekagha?

ZABURI 28:3

Kusakenitanya chiaimweri na wawiwi, awo wibonyagha wuwiwi; wandu wijagha malagho gha sere na wambao, ela ngolo rawo reko na kinyongo.

ZABURI 35:20

Ndewidedagha malagho gha sere; ela wadadunga tee ra kula mbari aighu ya wandu wikundagha sere isangenyi.

ZABURI 55:21

Madedo ghake gherekoghe ghidendere kuchumba turashu, ela sena wuda ghorekoghe ngolonyi kwake. Malagho ghake gherekoghe ghihorie kuchumba mavuda, ela sena ghadadema sa chufu.

ZABURI 57:4

Naawuyakaia aghadi ya wamaiza wiko sa shimba rijagha wandu; maghegho ghawo gheeka sa mafumu na mawanu, na chumi rawo reeka sa chufu rikalie.

ZABURI 62:5

Nadammbesera Mlungu kima, angu isuwirio japo jeeka kwake.

ZABURI 64:8

Uchawitotesha kwa wundu ghwa madedo ghawo; wandu wose wichaawiwona, wichasughusa vongo vawo.

MAKATANISHO 25:18

Mundu umzighiriagha mmbao, ooka sa rungu ya wuda, angu lufu, angu iwanu jikalie.

JEREMIA 5:26

“Wandu wawiwi wawoneka aghadi ya wandu wapo, wadalaliria karakara na wadeghi wideghagha na kulaliria wikiwesera. Wadadegha mdegho na kuwada wandu.

JEREMIA 5:9

Welee, ndeinifwane niwikabe kwa maza iri? Ndeinifwane nilipie kisasi kwa mbari ya wandu sa ihi?

JEREMIA 9:3

Matuku ghose weeka tayari kughora tee; wachurikia andenyi ya wuwiwi na kusowa wuloli isangenyi. BWANA waghamba, “Wandu wapo waawuyaghenda imbiri kufuma wuwiwi kuvikia wuwiwi, hata ndewiniichi ini.”

JEREMIA 9:4

Kula mundu ndekulindie na mmbao, na mndungi usekaie na irumirio kwa mruna, kwa kukaia kula mundu mruna ni mkalii, na kula mmbenyu ni mzighirii.

JEREMIA 9:5

Kula mundu waawuyakalia mmbao, ndekuwadie ungi ughoragha loli, weezaisira chumi rawo kughora tee, wabonyere wuwiwi, hata wisedimagha kuhea, wadabonya wuwiwi, hata ndewiheagha.

MIKA 6:12

Wazuri wako wa mali waawuyasoka wakiwa na inyo mmbose mooka watee.