JEREMIA 9:5 - Biblia Ilagho Jiboie Kwa Wandu Wose

⁵ Kula mundu waawuyakalia mmbao, ndekuwadie ungi ughoragha loli, weezaisira chumi rawo kughora tee, wabonyere wuwiwi, hata wisedimagha kuhea, wadabonya wuwiwi, hata ndewiheagha.

JEREMIA 9:5 ပူးပေါင်းရင်းမြစ်များ

KUZOYA 19:11

Nawo wikawikaba na kira cha meso wandu wose werekoghe mnyangonyi wabaa na watini; wikaja wasi loli-loli wikighulola mnyango.

AYUBU 11:3

Malagho ghako gha duu ghadima kunyamirisha wandu? Kukakadema sare ndekukanilwagha?

AYUBU 15:5

Kaung'a rako niro rawuyakushekeria kudeda huwo, na oho kwasaghua kudeda kwa mikalo.

ZABURI 140:3

Wadabonya chumi rawo rikaie rikalie sa ra choka, na madedo ghawo ni sa wusungu ghwa ngunuku.

ZABURI 50:19

“Kwadadeda kiwiwi ngelo rose, na kudunga tee.

ZABURI 52:3

Kwadakunda wuwiwi kuchumba wucha, na kughora tee kuchumba kughora loli.

ZABURI 64:3

Wakalisha chumi rawo sa chufu, na kuwaria madedo ghawo ghibirie sa mawanu.

ZABURI 7:14

Mundu mmbiwi wadaghesha wuwiwi, wadabonya mipango ebonya wuwiwi toe na kudunga tee.

MAKATANISHO 12:5

Maghesho gha mundu wa hachi ni gha loli, ela njama ra wawiwi, ni rekalia.

MAKATANISHO 4:16

Wawiwi ndewilalagha wisaabonya ilagho iwiwi; ndewilalagha wisaamghusha mndumu.

ISAYA 5:18

Ni bugha kwa awo wirudagha kaung'a na kamba ra mikalo, na wuwiwi sa kuruda na kamba ra magare.

ISAYA 57:10

Mwakusirishire ndighi mmbeni mkighenda, hata huwo ndemchesilwa ni ndighi mghambe, “Ni kazi ya duu,” ela mkakufungisha ndighi, hata ndemoresiriloghe anduangi.

JEREMIA 12:13

Wandu wawae ngano wikakuwida minjwa, wabonyere kazi mbaa, ela ndewipatire kindo chingi. Wichafushwa waya ni mavalo ghawo matini.”

JEREMIA 12:6

Kwa kukaia wanyinyu, ni wandu wa nyumbenyi kenyu, hata awo weni wakubonyere mikalo, waawuyakema wikilwa na oho; kusewiwurie hata ngera wakuja malagho ghiboie.”

JEREMIA 13:23

Welee, Muethiopia wadima kukughalua rangi yake, angu inge kughalua maboli ghake? Nenyo wori ndemdimagha kubonya mecha ingelo mlisire kubonya mawiwi.

JEREMIA 4:22

BWANA waghamba, “Ni kwa kukaia wandu wapo wakaia wakelu ndewiniichi, nawo wakaia wana wiko wakelu, wisewadie kumanya kungi anduangi. Akili rawo rose ni aighu ya kubonya wuwiwi, ela kumanya kubonya ijo jiko jiboie ndewiichi.”

JEREMIA 51:58

Wurigha mshapa ghwa Babuloni ghuchaghushwa hata andoenyi, na mbenge rake riko ighu richakorwa, wandu wichadumika duu, na kazi rawo rose wawuyabonya richakorwa, Ini BWANA wa majeshi naghamba.”

JEREMIA 51:64

nao kughambe, ‘Babuloni ichaneng'ena machinyi huwu, hata isedime kuwuyajoka sena kwa wundu ghwa ugho wuwiwi niirediagha.’” Uko niko kutua kwa malagho gha Jeremia.

JEREMIA 7:28

Na oho kuchawizera, ‘Ihi ni mbari iserelusikireghe lwaka lwa BWANA Mlungu wawo, hata ndewerewusireghe kuja kuwunjwa ni Mlungu, na kwawo loli yamerie kusia, hata ndeikaiagha anduangi.’

JEREMIA 9:3

Matuku ghose weeka tayari kughora tee; wachurikia andenyi ya wuwiwi na kusowa wuloli isangenyi. BWANA waghamba, “Wandu wapo waawuyaghenda imbiri kufuma wuwiwi kuvikia wuwiwi, hata ndewiniichi ini.”

JEREMIA 9:8

Lumi lwawo ni sa iwanu jebwagha, lwatumilwa kudeda makalio; kula mundu uadeda malagho gha sere kwa mmbao, ela ngolonyi kwake uamlaliria.

EZEKIELI 24:12

Nabonya kazi nduu, ngama yaro eeka nyingi isedimikagha kuinjwa ni modo.

MIKA 6:12

Wazuri wako wa mali waawuyasoka wakiwa na inyo mmbose mooka watee.

MIKA 6:3

BWANA waghamba, “Ee wandu wapo nam'bonyere wada? Namsirishe ndighi naki? Nitumbulienyi!

HABAKUKI 2:13

Welee, ndemmbonagha kukaia maza iri reefuma kwa BWANA Uwadie-Ndighi-Rose; ra wandu kubonya kazi rekorwa, na wandu wa iro mbari kudumika duu?

MALAKI 2:10

Welee, isi diwose ndedeeka na aba umweri? Ndedeeumbwa ni Mlungu umweri? Kwaki sena dasowiana wuloli diweni na diweni, na kwaki dijimenyagha ilaghano jibonyero ni Mlungu kwa weke wawa?

WAEFESO 4:25

Kwa huwu mkisigha tee, kula mundu ughorie mmbao loli; angu deko via diweni na diweni.

1 TIMOTHEO 4:2

kwa chia ya wandu wa tee wikaliagha, awo nia rawo riko seji reekabwa mtero kwa chuma chikumbilo modonyi.

WATANYI 2:10

Kivalwa chose wokoni chikafwa, chikawuka kivalwa kizima; nacho chikamliwa BWANA na agho ghose oreghibonyereghe kwa Israeli.