JEREMIA 9:23 - Biblia Ilagho Jiboie Kwa Wandu Wose

²³ BWANA waghora huwu, “Mndungi uko na hikima usekukase kwa wundu ghwa hikima yake; hata mundu uko na ndighi usekukase kwa ndighi rake, hata mndungi uko mzuri wa mali usekukase kwa wundu ghwa mali rake.

JEREMIA 9:23 ပူးပေါင်းရင်းမြစ်များ

AYUBU 32:13

Mseghambe wei mwawadie hikima. Mlungu nuo udimagha kummbonyera Ayubu ikosa jake; inyo moolemwa.

AYUBU 41:15

Mghongo ghwake ghoobonywa na makoko, sa ngao ripangilo msitari; riwadanishiro kaavui kaavui, seji reekandwa na sungu.

ZABURI 33:5

BWANA wadakunda hachi na wuloli, ndoenyi kwachua lukundo lwake lukatie.

ZABURI 34:3

Mkumenyi BWANA chiaimweri nani, ndedijikase irina jake chiaimweri.

ZABURI 44:9

Ela idana kwadileghie, kukadibonya disimo; hata ndekughendanye na majeshi ghedu anduangi.

ZABURI 62:10

Mserumirie chia etumia ndighi, angu kukaia na isuwirio kwa chia esoka; mali rikachurikia msakerisuwiria.

MAKATANISHO 11:4

Mali nderine fwaida ngelo ekabwa ni Mlungu, ela hachi yakiragha mundu na kifwa.

MAKATANISHO 21:30

Ndekuwadie hikima, angu kumanya, angu njama ingi idimagha kusimana na BWANA.

MAKATANISHO 3:5

Kumrumirie BWANA kwa ngolo yako yose; kusakeghirumiria mawoni ghako kumoni.

MCHILI 2:19

Na nani umanyagha ngera uo mundu uchakaia wa hikima angu mkelu? Sena huwo nuo moni uchaakaia m'baa wa maza rose niribonyere kwa kufunga ndighi ngitumia hikima yapo wurumwengunyi. Iri naro ni maza ra duu.

MCHILI 9:11

Sena nawonie andenyi ya wurumwengu ughu kukaia, wandu wa iseghe ibaa siwo wangi wisimagha misarigho ngelo rose, na mang'oni sigho ghangi wisimagha wudenyi ngelo rose. Wandu wa hikima ndewipatagha vindo ngelo rose, na wandu wa suku ndewipatagha mali ngelo rose, hata si awo wiko na wuya witalikagha kuchumba anduangi; ela kula mundu wadakwana na mzwana ghwake.

ISAYA 10:8

Nao wadaghora, “Wabaa wose wa majeshi ghapo ni wazuri.

ISAYA 20:5

Niko wandu wichafwa waya na kushinika kwa wundu ghwa Ethiopia isuwirio jawo, na Misri wikukasire nawo.

ISAYA 47:10

“Korewonieghe ndekupatwagha ni ilagho jingi andenyi ya ugho wuwiwi ghwako, kukaghamba, ‘Ndekuwadie mndungi uniwonagha;’ ela hikima yako na kumanya kwako kwakulaghashire; kukaghamba ngolonyi kwako, ‘Ni ini moni hata ndekuwadie ungi unichumbie.’

ISAYA 5:21

Ni bugha kwa awo wikuwonagha weni kukaia na hikima, wikikuririkanya weni kukaia na suku.

JEREMIA 31:34

Ndewichaafundishana sena kula mundu na mmbao na kula mundu na mruna wikighamba, ‘Mmanye BWANA,’ angu wandu wose wichanimanya kufuma mtini wawo, hata m'baa wawo. Kwa kukaia nichawifuya wughoma mawiwi ghawo, na kaung'a yawo sichaaikumbuka sena anduangi, ini BWANA naghamba.”

JEREMIA 48:14

“Mghamba wada inyo wandu wa Moabu wei ‘Moko mang'oni, wandu wiwadie ndighi wa wuda?’

JEREMIA 48:7

Moabu, korekoghe na irumirio na ngome rako na mali rako, ela oho wori kuchadwalwa; na mlungu ghwako Kemoshi wori ghuchadwalwa wubarishonyi; ghuchadwalwa chiaimweri na wakohani wake na wabaa wake.

JEREMIA 49:4

Kwaki mkukasagha na vololo renyu inyo wandu mseko waloli, mwawuyakusaghika na mali renyu mkighamba, ‘Nani udimagha kulwa nesi?’

EZEKIELI 29:9

na isanga ja Misri jichasighwa iduu; nawo wichamanya kukaia Ini ne BWANA. “Kwa kukaia kwaghambie wei, ‘Naili ni yapo, ni ini nereibonyereghe,’

EZEKIELI 7:19

Wakumba feza rawo achienyi na dhahabu rawo rakaia sa kilambo cha wuchafu. Feza na dhahabu rawo nderidimagha kuwikira ngelo ya machu ghapo, nderiwirediagha kukatwa hata nderighudishagha vifu vawo anduangi; angu rawurie makuwisho kwa wundu ghwa mawiwi ghawo.

DANIELI 3:15

Idana iji mwasikira lwaka lwa tarumbeta, na misherembe, na zeze, na ngoma, na kayamba, na firimbi, na kula kilambo chebora, mugho kiwushu-wushu na kuitasa ija fwana ya dhahabu niibonyere. Kamanya muko tayari kubonya huwo, ichakaia nicha; ela mkalegha, mchakumbwa shwa-shwa andenyi ya iwiwi ja modo. Na oko hao mlungu udimagha kumkira na mkonu ghwapo?”

DANIELI 4:37

Idana ini Nebukadnezari, nadamkasa, na kumkuma, na kumneka ishima Mzuri wa mlungunyi; angu kazi rake rose ni ra loli, na chia rake ni ra hachi. Wandu wose wighendagha kwa kukukasa, oko na ndighi ra kuwisera.”

MIKA 6:8

Hata! BWANA wadimanyishire ijo jiko icha. Ijo BWANA ujikundagha kodu ni iji: Kubonya ijo jiko ja hachi, kukaia na lukundo lukatie, kukusera na kukaia na wungara na Mlungu odu.

ZEFANIA 1:18

Ituku ijo, BWANA uchawonyera lubio lwake; feza na dhahabu rawo nderichaadima kuwikira. Ndoenyi kose kuchamerelwa ni modo ghwa machu ghake. Uchameria kula kilambo ghafla; uchameria kula umu ukaiagha ndoenyi.

MARKO 10:24

Wanughi wake wikaghishinikia madedo ghake. Ela Jesu ukawizera sena, “Wanake, kwakurie saki kungia kwa Wuzuri ghwa Mlungu!

WAROMA 1:22

Nawo wikighamba wei wawadie suku, wikawuya wakelu;

1 WAKORINTHO 1:31

Kwa huwo, sa iji koni iandikilo, “Uo ukukasagha, ndekukase na Bwana.”

WUKUMBUSO 8:17

Mkulindie mseghambe ngolonyi wei ni ndighi renyu na kudima konyu kwanekwa iyo mali.

WAFILIPI 3:10

niwonemmanya uo, nandighi ya kuruka kwake, nikaie mngara wa matiriro ghake, na kufwanana nao kwa kufwa kwake;

WAFILIPI 3:8

Nani loli navitala vilambo vose kukaia hasara kwa wundu ghwa ijo ilagho ibaa ja kummanya Kristo Jesu Bwana wapo; kwa wundu ghwake uo, nadaghie vilambo vose ngivitala sa mavi, eri nimpate Kristo.

1 TIMOTHEO 6:10

Angu kuzoya kwa mawiwi ghose ni kuja kukunda mali; na kwa chia ya bea nyingi wandu wamu walaghaya na kujisigha ijo irumirio, nawo wavavira ngolo rawo kwa luwawo lubaa.

1 SAMUELI 17:42

Hata iji uja Mfilisti wazighana na kummbona Daudi, ukammenya, kwa kukaia orekoghe ukiwoneka kamdawana katinieri kiko na mumbi ghuboie, sena kighokie.