JEREMIA 9:16 - Biblia Ilagho Jiboie Kwa Wandu Wose

¹⁶ Nichawisasara aghadi ya mbari ra wandu wiseriichi, hata weke ndee wisererimanyireghe; nani nichawidumia majeshi hata wameria kutoteshwa.”

JEREMIA 9:16 ပူးပေါင်းရင်းမြစ်များ

NEHEMIA 1:8

Kumbuka malagho koremlaghirieghe mdumiki wako Musa kukighamba, ‘Mkalegha kukaia waloli kwapo, nichamsaghisa aghadi ya mbari zima;

ZABURI 106:27

Uchachisigha kivalwa chawo chighende kwa mbari zima, na kuwisaghisa andenyi ya masanga gha kighenyi.

MCHILI 12:5

Kuchaobua andu kwa ighu, na kughenda kuchakaia ndengwa, Kuchabukwa ni imbu kusedimagha kughenda, na bea rose richasia. Wandu wichaghenda andu kwawo kohoresha kwa kutua, na wandu wichakaia wikilila chienyi.

JEREMIA 13:24

Nichamsaghisa kara kara na masemu ghidukwagha ni mbeo yafuma kireti.

JEREMIA 24:10

Nani nichaduma wuda na njala na saka izamie wipate kubwaghwa, hata wameria kutoteshwa putu kufuma isanga ijo nerewinekieghe awo na weke ndee.”

JEREMIA 25:27

BWANA ukanizera, “Zera wandu kukaia, Ini BWANA Uwadie Ndighi-Rose, uo Mlungu wa Israeli nawilaghira winyo hata wiwongie na kudaika; wigho hata wisedime kuwuka kwa wundu ghwa ugho wuda nighudumagha kwawo.

JEREMIA 29:17

BWANA wa majeshi waghora huwu: ‘Olenyi nichawiredia wuda, na njala na saka izamie; nawo wichakaia sa matunda gha tini ghizamie, ghisedimagha kujika.

JEREMIA 44:27

Olenyi naawuyamzighanira woruwu, si kwa kum'bonyera mecha ela kiwiwi; inyo mmbose wandu wa Juda mkaiagha isanga ja Misri mchabwaghwa wudenyi, na kwa njala hata mwasia putu.

JEREMIA 7:29

“Lilenyi, muare maridia ghenyu, mghikumbe noko ee wandu wa Jerusalemu; kemenyi ngemi aighu mighondinyi, kwa kukaia ini BWANA nawileghie na kuwisigha wandu wiwusiragha machu ghapo.

JEREMIA 8:19

Sikirenyi kililo cha wandu wapo mzinyi, kufuma wulacha ghwaro ii chia, hata wushapa ghwaro ii chia “Welee, BWANA waaisigha Jerusalemu putu? Huwo mzuri wa Jerusalemu ndeuko?” BWANA watumbulia, “Kwaki wanivaviragha ngolo na iro fwana rawo rewachwa; na iyo milimu yawo ya kighenyi?”

EZEKIELI 11:17

“Kwa huwo kuwighorie kukaia ini Bwana MLUNGU nichawikwanya wifume kwa awo wandu na kuwitumbanya chiaimweri kufuma kwa agho masanga andu weresaghisiroghe; nani nichawineka isanga ja Israeli.

EZEKIELI 12:15

Na aho, ingelo nawisasara aghadi ya iro mbari ra wandu na masanga, wichamanya kukaia ini ne BWANA.

EZEKIELI 14:17

Na hata iji nareda wuda isangenyi, na kufunya momu waisanga wibwagho, hata wadamu na nyamandu rimerelo,

EZEKIELI 20:23

Aighu ya agho, nerewighemieghe ahoeni kireti kukaia, nichawisaghisa aghadi ya iro mbari ra wandu na kuwisasara masangenyi;

EZEKIELI 27:2

“Idana oho mwana wa mdamu, woka kulilia Tiro,

EZEKIELI 5:12

Ifungu jenyu ja kadadu, jichafwa kwa saka izamie na kumerelwa ni njala aghadi konyu; na ifungu jimu ja kadadu jichafwa kwa wuda ghwa lufu ghuchaammara chia rose; na ifungu jimu ja kadadu nichajisasara andu kose, na kuwinugha nyuma kwa wuda ghwa lufu.

EZEKIELI 5:2

Ifungu ja kadadu ja ijo iridia kuchajikora ghadi na ghadi ya muzi, iji matuku gha kurughailwa ghakatia. Ifungu jimu ja kadadu, kuchakaia kukijidumbua-dumbua na lufu kukimara mara mzinyi; na ifungu jimu ja kadadu kuchajikumba nokoighu jisasaro ni mbeo, nani nichawiwinga kwa lufu.

WALAWI 26:33

Nani nichamredia wuda na kumsaghisa aghadi ya mbari zima. Isanga jenyu jichawuya kireti, na mizi yenyu ichawuya maghacho.

AMOSI 5:16

Kwa huwo BWANA, uo Mlungu Uwadie-Ndighi-Rose waghamba huwu: “Kuchakaia na kililo achienyi mbaa, na andu kose chienyi wandu wichakaia wikighamba, Weei ngai, Weei ngai! Wichawiwanga walimi wiche ifonyi; na kuwilipa awo wiko mafundi ghelila wichelila;

MIKA 2:4

Ngelo iyo ikavika, wandu wichatumia lughano lukaie mfwano ghwa wasi, nawo wichabora lumbo ulu lofwa ngolo kwa agho mughiwonie wikighamba, ‘Dameria kunonwa putu, BWANA wamerie kuwusa isanga jedu, na kujineka wandu wididwae wunyika.’”

ZEKARIA 7:14

Ngawifunya sa kudukwa ni kiremba ngawisaghisa aghadi ya mbari ra wandu wa masanga gha kighenyi. Iji isanga jiboie jikasighwa iduu jisena wandu.”

WUKUMBUSO 28:25

“BWANA ucham'bonya msimo ni wamaiza wenyu; mchatumia chiaimweri mkighenda kulwa nawo, na kukimbia imbiri yawo msaghisikie chia rose; nenyo mchashinua mawuzuri ghose gha ndoenyi.

WUKUMBUSO 28:36

“BWANA uchakudwa chiaimweri na mzuri wako kumsaghue kughende kwa mbari kuseiichi oho, hata weke ndeyo; na aho kuchaitasa milungu mizima ya midi na ya magho.

WUKUMBUSO 28:64

Nao uchamsaghisa aghadi ya wandu wose ndoenyi ii chia na ii chia; na aho mchaidumikia milungu mizima ya midi na ya magho, iyo msereiichighi hata weke ndeyo.

WUKUMBUSO 32:26

Kumangu nawitotesha putu, hata mndungi usewikumbuke.

WUKUMBUSO 4:27

BWANA uchamsaghisa aghadi ya wandu wa iro mbari, nenyo mchavuvuka watinieri.

JAKOBO 1:1

Ini Jakobo mdumiki wa Mlungu, na wa Bwana Jesu Kristo, namuandikia inyo mbari ikumi na iwi risaghisikie wurumwengunyi. Namroghua.