JEREMIA 9:11 - Biblia Ilagho Jiboie Kwa Wandu Wose

¹¹ BWANA waghamba, “Nichaibonya Jerusalemu iwuye kitungasi, ichawuya wulalo ghwa mizozo; na mizi ya Juda ikaie miduu, isekailwagha ni wandu.”

JEREMIA 9:11 ပူးပေါင်းရင်းမြစ်များ

NEHEMIA 4:2

Ukaghora imbiri ya wangara wake na ijeshi ja Samaria, “Awa Wayahudi wanyonge wibonyaki aha? Loli wiagha muzi ghwawo? Wiaghesha wikafunya kizongona wimeria kughuagha kwa ituku jimweri? Wadima kughiwusira magho ghikorelo ghikawuya vitungu va wuchafu?”

ZABURI 107:43

Uo ose uko na hikima nderirikanye agho malagho, wandu ndewilutale lukundo lukatie lwa BWANA.

ZABURI 44:19

Ela sena kwadisighanye na nyamandu ra isakenyi, kukadisigha andenyi ya kira kibaa.

ZABURI 79:1

Ee Mlungu, wandu wa mbari zima wangia isanga jako; wameria kuilusha Hekalu yako ya Wueli, na kuibonya Jerusalemu iwuye ighacho.

ISAYA 13:22

Mbisi richaruma aighu ya minara yawo, na mizozo ichakema andenyi ya ngome rawo righokie, kwa kukaia ngelo ya Babuloni yameria kuvika isedimagha kusoghorwa.”

ISAYA 25:2

Kwaghubonyere muzi kuwuya kitungasi, na kurinona iro ngome; ngome ya waghenyi ndeiduagha sena, ndeichaaghwa sena anduangi.

ISAYA 34:13

Minjwa na mndandangoma ichazoghua aighu ya ngome rawo, nako kuchakailwa ni mizozo na nyagha.

ISAYA 44:26

Nadakatisha ilagho ja mdumiki wapo, na kukatisha njama ra wadumwa wapo. Nadazera Jerusalemu, ‘Kuchakailwa ni wandu,’ na mizi ya Juda, ‘Kuchaaghwa na maghacho ghako ghichawusirwa.’

JEREMIA 1:15

Olenyi nichariwanga mbari ra mawuzuri gha kaskazinyi, nawo wichacha, na kula umu wawo uchawika kifumbi chake cha nguma aho andu kongiria kwa mbenge ya Jerusalemu, wikibonya wuda na kughumara wurigha ghwaro, wikilwa na mizi yose ya Juda.

JEREMIA 10:22

Sikirenyi malagho ghacha! Ndoghoi ya wandu wichagha kufuma kaskazinyi, wipate kuibonya mizi ya Juda iwuye miduu, andu kokailwa ni mizozo.

JEREMIA 16:10

“Ngelo kuchaawighoria malagho agha ghose, wichakotia, ‘Kwaki BWANA waghora malagho mabaa ghing'ane huwu aighu yedu? Wuwiwi ghodu niki? Ni kaung'aki dam'bonyera BWANA Mlungu odu?’

JEREMIA 25:11

Isanga jose jichasigharika iduu jimerie kunoneka, na iri mbari ra wandu richamdumikia mzuri wa Babuloni kwa miaka mirongo mfungade.

JEREMIA 25:18

Jerusalemu na mizi yose ya Juda na wazuri wawo na wabaa wawo wikanywa; wipate kuwuya wuduu, wa kumenywa, kusekwa na wa kuwasirwa njowe seji koni iko linu.

JEREMIA 26:18

“Mika wa Moreshethi orefunyireghe wulodi matuku gha Hezekia mzuri wa Juda, ukawizera wandu wose wa Juda, ‘BWANA wa majeshi, waghamba huwu, Sioni ichalimwa sa mbuwa, Jerusalemu ichawuya kitungu cha maghacho na mghondi ghwa Hekalu ghuchawuya msidu.’

JEREMIA 26:9

Kwaki kwafunya wulodi kwa irina ja BWANA kukighamba, ‘Ihi Hekalu ichakaia sa Shilo, na wei ughu muzi ghuchakaia mduu ghusewadie wandu?’” Wandu wose wikakwana na kummaria Jeremia aho Hekalunyi ya BWANA.

JEREMIA 34:22

Olenyi nichawilaghira, nani nichawiwunja kwa ughu muzi wipate kulwa nagho, wighusime, na kughukora. Nichaibonya mizi ya Juda iwuye miduu isene wandu.”

JEREMIA 4:27

BWANA waghamba huwu, “Isanga jose jichawuya iduu, ela sichaajimeria putu kungi.

JEREMIA 44:2

“BWANA wa majeshi, Mlungu wa Israeli ukaghamba mwamerie kuwona wuwiwi ghose nereghuredieghe aighu ya Jerusalemu, na aighu ya mizi yose ya Juda. Zighanenyi idime eeka miduu isewadie mndungi wawuyakaia aho,

JEREMIA 49:33

Hazori uchawuya kireti cha mizozo, na kusighwa nduu kwa kala na kala; mndungi ndechaakaia aho, hata mndungi omara-mara ndechaakaia aho anduangi.”

JEREMIA 50:3

“Angu mbari imu ya wandu kufuma kaskazinyi yacha aighu ya Babuloni, nayo ichabonya isanga jake jisigho iduu. Wandu na nyamandu richafuma aho, na mndungi ndechaakaia aho anduangi.”

JEREMIA 51:37

Na Babuloni ichanonwa na kuwuya ighacho; iwuye andu kwa mizozo, koshinikilwa na kusekwa, kusekailwagha ni wandu.

JEREMIA 8:22

Wele wughanga ghungi ghohoresha ndeghuko Gileadi? Ndekuwadie mghanga ungi aho? Kwaki sena wandu wapo wiseboagha?

KILILO CHA JEREMIA 1:4

Ndekuwadie mndungi uchagha Hekalunyi kutasa matuku gha ndima; wai wereboragha aho waawuyaja wasi, na wakohani waawuyasirimika. Andu kokwania koosighwa kuduu, na Sioni, eeka na luwawo lubaa.

KILILO CHA JEREMIA 2:2

BWANA wanonie kula muzi ghwa Israeli kuseko wughoma. Wavuchue ngome ra wandu wa Juda kwa machu ghake; ukainja ishima ja mawuzuri na wabonyi nguma waro.

KILILO CHA JEREMIA 3:47

Dapatiro ni wasi na kunoneka; daawuyakaia ndengonyi, diko na kiture.

WALAWI 26:32

Nichajinona isanga jenyu putu, hata awo wamaiza wichaajikaia wishinulo ni uko kunoneka kwaro.

MIKA 1:6

Kwa huwo BWANA waghamba, “Nichaibonya Samaria iwuye kitungasi cha mbuwenyi, iwuye andu kowa mizabibu; nicharimicha kokoto ra muzi ghwavuchulwa nokoisi cha vololonyi, na misingi ya muzi ichasighwa miduu.

MIKA 3:12

Kwa huwo Sioni ichalimwa sa mbuwa, na Jerusalemu ichawuya kitungasi, na mghondi ghwa Hekalu ghuwuye msidu.

MIKA 6:16

Kuchapatwa ni agha malagho angu kwaawuyanugha mafundisho gha Mzuri Omri, na gha mwana wake Mzuri Ahabu. Kwanughie njama rawo, nani nichakunona putu, na kula mundu uchakumenya. Kuchamenywa ni wandu kula andu.”

WUKUMBUSO 29:23

Mbuwa rose richasighwa nduu, rilungurilo ni kibiriti na munyu na maivu gha modo; ndejichaawalwa hata kubukwa ni isaka jingi. Jichakaia sa mizi ya Sodoma na Gomora, Adma na Zeboiimu iyo BWANA oreitoteshereghe kwa machu ghake na kubia kwake.

WUFUNUO 18:2

Ukaghora kwa lwaka lubaa nandighi ukighamba, “Ghwaghue, ghwaghue, ugho Babuloni m'baa! Ghwawurie malalo gha pepo, andu kwa kula roho mbiwi, na wulalo ghwa kula nyonyi mbiwi, izamie;