JEREMIA 8:7 - Biblia Ilagho Jiboie Kwa Wandu Wose

⁷ Ichachula jiburukagha mbeonyi jaichi ngelo rake rewuya, hata mbughi, na mbeumbeu, na mnyange walindiagha ngelo rawo rewuya, ela wandu wapo ndewiichi sharia rapo.

JEREMIA 8:7 ပူးပေါင်းရင်းမြစ်များ

LUMBO 2:12

Mboi rawusa mlambenyi, ni ngelo ebora, na chwaka ra mbughi rasikirika.

ISAYA 1:3

Ng'ombe yamuichi ndee wake, na punda waichi kiwanda cha bwana wake, ela Israeli ndeichi, wandu wapo ndewiwuetambukilwa.”

ISAYA 27:11

Midi yaro ikaoma, yachika na waka wacha na kuishoa mbande na kurikora. Wandu awa ndewitambukilwagha; kwa huwo Muumbi wawo ndechaawifuya wughoma hata ndechaawibonyera wudawirio ghungi anduangi.

ISAYA 5:12

Andenyi ya karamu rawo wawika vinubi, zeze, kayamba, pung'a, na chofi; nawo ndewitalagha mabonyo gha BWANA, hata kazi ra mikonu yake.

JEREMIA 4:22

BWANA waghamba, “Ni kwa kukaia wandu wapo wakaia wakelu ndewiniichi, nawo wakaia wana wiko wakelu, wisewadie kumanya kungi anduangi. Akili rawo rose ni aighu ya kubonya wuwiwi, ela kumanya kubonya ijo jiko jiboie ndewiichi.”

JEREMIA 5:6

Kwa huwo wichabwaghwa ni shimba ifumagha kilembenyi, na kikwau chifumagha kireti chichawitotesha. Inge yaawuyalaliria mizi yawo, mndungi uchaafuma ucharashulwa vipande vipande, kwa kukaia makosa ghawo ni mengi, na kuwuya nyuma kwawo kwakaia kubaa.

HABAKUKI 1:4

Kwa huwo sharia ndeiwuetalwa, na wandu ndewiwuetanya hachi. Wawiwi wawimara wandu wa hachi chia rose, na kwa wundu ugho hachi yalaghashwa.

ZEKARIA 5:9

Nao ngawona waka wawi wikiburuka cha kwapo na mawawa ghiwadie ndighi sa gha ichachula. Wikaduka icho kikapu na kuburuka nacho.