JEREMIA 8:6 - Biblia Ilagho Jiboie Kwa Wandu Wose

⁶ Nasikirie nao ngasikira, ela ndewiwadie wuloli ghungi. Mndungi ndewuehea wuwiwi ghwake, ughambe, ‘Nabonya wada huwu?’ Kula umu uaghenda kwa chia rake reni, kara kara na farasi ikimbiagha cha wudenyi.

JEREMIA 8:6 ပူးပေါင်းရင်းမြစ်များ

AYUBU 10:2

Nichamzera Mlungu: Kusakenitanya kukaia mkosi; nighorie nabonyere kaung'aki?

AYUBU 34:31

“Keni Ayubu, jingi kwarumirie kaung'a rako imbiri ya Mlungu, kukamzera ndekuwuyaabonya sena?

AYUBU 34:32

Kwamlombie Mlungu ukuwonyere makosa ghako, kukarumiria kughisigha?

ZABURI 14:2

BWANA wadawizighana wadamu kufuma mlungunyi, uwone ngera oko mndungi uko na hikima, umlolagha Mlungu.

ISAYA 30:18

Kwa wundu ghwa agho, BWANA wakaia ukimmbeseria kumfuya wughoma putu, wakunde na ndighi kuwonyera wughoma ghwake aighu yenyu. Kwa kukaia BWANA ni Mlungu wa hachi; warasimilwa awo wose wimmbeseriagha na kusuwiria kwake.

ISAYA 57:17

Nerem'bonyereghe machu kwa wundu ghwa kaung'a na bea rake; ngamkaba angu nerekoghe na machu, na kuleghamzighana. Ela sena orechurieghe kuwuya nyuma ngolonyi kwake.

ISAYA 59:16

Orezighanireghe ukashinika kuwona angu ndekorekoghe na mndungi odima kukotia maza iri; niko ukaghorua mkonu ghwake ghoni kureda wusimi, na kuwikira wandu wake kwa hachi yake.

JEREMIA 23:25

Namerie kusikira malagho gha walodi wifunyagha wulodi ghwa tee kwa irina japo wikighamba, ‘Nalodere ndodo! Nalodere ndodo!’

JEREMIA 3:5

ndekuchakaia na machu matuku ghose, hata ndekuchaazamilwa ni ini kwa kala na kala.’ Israeli, huwo niko kwawuyaghora, ela sena kwaawuyabonya wuwiwi ugho ghose kughudimagha.”

JEREMIA 5:1

Kimbienyi ii chia na ii chia andenyi ya chia ra Jerusalemu, mzighane nicha, lolenyi viwachenyi vake kose, ngera mwadima kuwona mndungi ubonyagha hachi, ulolagha loli, nani nichaghufuya wughoma ugho muzi.

EZEKIELI 18:28

Kwa kukaia wacheemanya ukaghaluka kufuma kwa makosa ghake oreghibonyereghe; loli uchakaia moyo, ndechaafwa anduangi.

EZEKIELI 22:30

Neremlolieghe mndungi aghadi kwawo oagha ugho wurigha, nao ukaie kimusi andu kuvuchukie imbiri kwapo, upate kujidederia ijo isanga, eri nisejitoteshe, ela serewonieghe mndungi.

DANIELI 9:11

Wandu wose wa Israeli wamerie kuchikanya sharia rako, wikaghaluka na kulegha kukusikira. Kwa huwo njowe na maghemi ghose ghiandikilo andenyi ya Sharia ya Musa mdumiki wako, ghamerie kudichea; kwa kukaia dakubonyere kaung'a.

MIKA 7:2

Ndekuwadie mndungi mloli wasigharika isangenyi; ndeuko ungi wasigharika uko mloli kwa Mlungu. Kula mundu ualola wulalo ghobwagha; Kula umu uamdiwa muisanga mmbao.

ZEFANIA 3:7

Neregheshereghe wandu wapo wichanitala, winughe mawonyero na mafundisho ghapo kuseko kuliwa. Ela shwa wori wikaazama kuchumba imbiri.

HAGAI 1:5

Ndemmbonagha seji mwawuyapatwa ni malagho?

HAGAI 1:7

Huwo ndemuwuewona shekeria yaro seji ifwanagha?

MALAKI 3:16

Niko awo wandu wimuobuagha BWANA wikadedanya, na BWANA ukawisikiria; ukasikira malagho werekoghe wikighora imbiri kwake. Chuo cha wukumbuso ghwa awo weremuobuagha BWANA na kumneka ishima chikaandikwa.

2 PETRO 3:9

Bwana ndemukagha kukatisha ilaghiro jake seji wamu wigheshagha wei umuka; ela waawuyarumaghia kwa wundu ghonyu. Ndewuekunda mndungi utote, ela ookunda wandu wose wivikie kuhea.

WUFUNUO 9:20

Awo wandu weresigharikieghe wisebwaghilo ni agho makabo, ndewereherieghe na kurisigha kazi ra mikonu yawo na kutasa pepo, na milimu ya dhahabu, feza, shaba, magho na ya midi; iyo isedimagha kuwona angu kusikira, hata kughenda anduangi.