JEREMIA 8:22 - Biblia Ilagho Jiboie Kwa Wandu Wose

²² Wele wughanga ghungi ghohoresha ndeghuko Gileadi? Ndekuwadie mghanga ungi aho? Kwaki sena wandu wapo wiseboagha?

JEREMIA 8:22 ပူးပေါင်းရင်းမြစ်များ

KUZOYA 37:25

Hata iji wereserieghe kidombo kuja vindo, wikawona longo lwa Waishmaeli wikisea kufuma Gileadi na ngamila rawo, raduka marumba na manemane wikighenda cha Misri.

KUZOYA 43:11

Niko ndee ukawizera, “Ikakaia ni suti maza rikaie huwo, bonyenyi huwu: Mudo matunda ghamu ghiboie gha isanga iji magunienyi konyu, ghikaie manosi kwa uja mundu. Mdwaienyi matunda gha zabibu riomie, wuki mtinieri, marumba, manemane, na njugu.

JEREMIA 14:19

BWANA, loli koomlegha Juda putu? Koozamilwa putu ni wandu wa Jerusalemu? Kwaki kwadikaba huwu hata disedimagha diboo? Deresuwirieghe kupata sere, ela ndediwonie wucha ghungi deresuwirieghe ngelo eboa iche, ela dikaapata mashaka.

JEREMIA 22:6

“BWANA waghamba huwu aighu ya ngome ya mzuri wa Juda, ‘Ini nadakuwona sa Gileadi, kooka sa mdo ghwa Lebanoni; elaima nichakubonya kuwuye kireti, muzi ghusekailwagha ni wandu.

JEREMIA 46:11

Inyo wandu wa Misri jokenyi cha Gileadi, mpate wughanga ghwa mavuda; mwatumie maghanga mengi duu, ghisedimagha kum'boisa.

JEREMIA 51:8

Babuloni yaghwa shwa-shwa ikabarika; ililienyi! Wadenyi mavuda gha zeri kwa wundu ghwa luwawo lwake, kewada yadima kuboa.

JEREMIA 6:7

Seji kisima chifunyagha machi ghihorie ni huwo koni Jerusalemu ikaiagha na wuwiwi ghwake; lung'eto na kunoneka vasikirika andenyi yake, wukongo na vonda vawoneka imbiri kwapo kari kose.

JEREMIA 9:1

Kumangu chongo chapo chadawuya kisima cha machi, na meso ghapo kuwuya ndoria ra mbori; nipate kulila na dime na nakio kwa wundu ghwa kubwaghwa kwa wandu wapo.

JEREMIA 9:11

BWANA waghamba, “Nichaibonya Jerusalemu iwuye kitungasi, ichawuya wulalo ghwa mizozo; na mizi ya Juda ikaie miduu, isekailwagha ni wandu.”

KILILO CHA JEREMIA 2:13

Ee Jerusalemu, mkundwa Jerusalemu, nighora wada? Nikuhoresha wada? Na jingi mndungi ndekorongelo huwu. Wasi ghwako ndeghuwadie mpaka, ghooka sa bahari; isuwirio ndejiko.

EZEKIELI 27:17

Juda na isanga ja Israeli werebonyereghe biashara na oho; wikazoghorana na oho kwa ngano, na zeituni, na tini, wuki, mavuda, na marumba.

MITALO 32:1

Wandu wa kivalwa cha Reubeni na cha Gadi, werekoghe na izungu ibaa ja mfugho; nawo werezighanireghe wikawona angu isanga ja Jazeri na isanga ja Gileadi jafwane kwa mfugho.

LUKA 8:43

Na muka umu orekoghe ukifumwa ni bagha kwa miaka ikumi na iwi, nao nderepatireghe kuboiswa ni mndungi anduangi.