JEREMIA 8:12 - Biblia Ilagho Jiboie Kwa Wandu Wose

¹² Welee, werewonieghe waya iji werebonyereghe ugho wuwiwi? Ndewerewonieghe waya hata kutini hata ndewiichi kufwa waya. Kwa wundu ugho wichaghwa aghadi ya awo wighue, Na ngelo nichaawikaba wichaghwa putu.

JEREMIA 8:12 ပူးပေါင်းရင်းမြစ်များ

KUZOYA 19:34

Ituku ja kawi uja mwai m'baa ukamzera uja mtini, “Ola nalale na aba ikwau; ndedimnyoshe divei sena ichi kio, na oho kungie kulale nao, nesi dikupatire kivalwa kwa aba.”

ZABURI 52:1

Kwaki kukukasagha na wuwiwi ghwako ee mundu kuwadie ndighi, kukighamba wei lukundo lwa Mlungu ni lwa matuku ghose aighu kwako?

ZABURI 52:7

“Wonenyi mundu uleghie kum'bonya Mlungu ukaie andu kwake kokimbiria; ukadakusaghika na wungi ghwa mali rake, na kukusaghika na wuwiwi ghwake.”

ISAYA 24:2

Kula mundu uchakabwa. Mkohani uchapatwa ni malagho karakara na wandu; bwana uchapatwa ni malagho karakara na mzumba wake; bibi uchapatwa ni malagho karakara na mwai wake wa kazi. Muuzi uchapatwa ni malagho karakara na mghui; na uo ukopeshagha kara kara na mkopi.

ISAYA 3:9

Kuzighana kwawo kwawishuhudia, wafunukua kaung'a rawo worinyi sa wandu wa Sodoma. Ni bugha kwawo, kwa kukaia wakuredia weni wuwiwi aighu yawo.

JEREMIA 10:15

Nderiwadie fwaida ingi, ni kazi ra tee; ngelo yawo etanywa, richatoteshwa.

JEREMIA 14:15

Kwa huwo ini BWANA naghora huwu aighu ya walodi awo wilodagha kwa irina japo nisewidumie, wikighora wei ‘Iji isanga ndejichaachelwa ni kifwa cha lufu na njala;’ awo weni wichabwaghwa kwa lufu na njala.

JEREMIA 23:12

Chia rawo richawuya redendeluka a kirenyi, andenyi ya iro chia, wichawingwa na kughwa; kwa kukaia nichareda wuwiwi aighu kwawo, andenyi ya ugho mwaka ghwa kukabwa kwawo.

JEREMIA 3:3

Kwa huwo mishushure ya vua yamerie kughirilwa na vua ya kwari kusoweka. Sena kwadazighana sa ilaya, hata ndekune waya.

JEREMIA 44:10

Ndewikuserie weni hata idime iji; hata ndewiniobue na kughenda kwa sharia rapo na kughiwadia malaghiro ghapo nighiwikie imbiri konyu na imbiri ya weke ndeyo.

JEREMIA 6:15

Welee, werewonieghe waya ingelo werebonyereghe wuwiwi ghwawo? Hata kutini; ndewerewonieghe waya hata kufwa waya anduangi. Kwa huwo wichaghwa aghadi ya awo wimerie kughwa, ingelo nichaakaia ngiwineka adhabu, nawo wichakumbwa noko,” waghamba BWANA.

JEREMIA 6:21

Olenyi nawika vikuwarisho vewikuwara wandu awa, weke aba na wana wawo wichakuwa chiaimweri, na mmbenyu na mghenyi wake wichatota chiaimweri.”

EZEKIELI 23:18

Nyuma ya uo kubonya wumalaya ghwake worinyi, ukiwonyera wuduu ghwake, ngazamilwa na kumsigha seji neremsighieghe mruna.

HOSEA 5:9

Ituku jekabwa jaawuyacha, na Israeli uchatoteshwa. Inyo wandu wa Israeli, loli agho malagho ghichacha!

ZEFANIA 3:5

Ela BWANA ni mhachi andenyi ya ugho muzi, ndebonyagha makosa; wadawonyera hachi yake kwa wandu wake nakesho hata nakenyi. Ela wandu wiseko na hachi wadachuria kubonya makosa hata ndewifwagha waya anduangi.

WUKUMBUSO 32:35

BWANA uchalipia na kuwikaba; ngelo ichavika nawo wichaghwa; ngelo ya mashaka ghawo eko kaavui.

WAFILIPI 3:19

Kutua kwawo ni kutota, mlungu ghwawo ni vifu vawo, wakukasa kwa maza iwifwane wiriwonie waya, nawo wiaghesha maza ra ndoenyi.