JEREMIA 8:11 - Biblia Ilagho Jiboie Kwa Wandu Wose

¹¹ Weerighita chonda cha wandu wapo ighu ighu, wikighamba, ‘Sere, sere,’ ingelo sere ingi iseko.

JEREMIA 8:11 ပူးပေါင်းရင်းမြစ်များ

1 WAZURI 22:13

Uja mdumiki oreghendieghe kummbanga Mikaia ukamzera, “Ola madedo ghose gha walodi ghawadana na nia ya mzuri; nakuvoya na malagho ghako ghikaie sa gha walodi wammbenyu, kudede nicha.”

1 WAZURI 22:6

Nao Ahabu ukawikwanya walodi chiaimweri, sa wandu maghana ana, ukawizera, “Mmbona wada, nijoke Ramoth-Gileadi kulwa wuda angu nisejoke?” Walodi wikamzera, “Joka, kwa kukaia BWANA uchakuneka wusimi.”

JEREMIA 14:13

Niko ngaghamba, “Ee Bwana MLUNGU, ola awo walodi wadawizera awa wandu wei ndewichaabwaghwa wudenyi kungi, hata kwa njala; kedi wei kwalaghirie sere ichakaia andenyi ya isanga jedu.”

JEREMIA 23:17

Matuku ghose waawuyawizera awo wimenyagha ilagho japo, ‘Mkaia nicha to;’ na kwa awo wighendagha kwa kunugha kukua kwa ngolo rawo, wadawizera, ‘Ndemchelwagha ni wuwiwi ghungi.’”

JEREMIA 6:14

Waawuyatima kuboisa chonda cha wandu wapo ighu ighu tu; wikighamba, ‘Sere, sere,’ sena sere ingi iseko.

JEREMIA 8:15

Dailolie sere, ela ndedipatire wucha ghungi, dikazighanira ngelo eboiswa, ela dikaawona maza reobosha.

KILILO CHA JEREMIA 2:14

Walodi wako weeduakughoria tee; machilo ghawo gheeduakukalia kwa kuleghafunukua kaung'a yako. Wikakubonya kugheshe wei ndekune haja ehea.

EZEKIELI 13:22

Kwa kukaia mwam'bwaghie ngolo mhachi kwa tee renyu, ini nisem'bwaghie ngolo; na kumkumba ngolo mmbiwi useghaluke na kughusigha wuwiwi ghwake ukire irangi jake.

MIKA 2:11

“Wandu awa weekunda mlodi umaraa-mara na tee na mikalo ukiwizera, ‘Inyo mchulwa ni divei na chofi.’

1 WATHESALONIKE 5:3

Iji wandu wakaghora, “Ni sere na banana” niko kutota kuchaawichea shwa wori; seji koni muka uko na kifu uchelwagha ni kulumwa ngelo ya kuva, hata ndewichaafufunuka anduangi.