JEREMIA 8:10 - Biblia Ilagho Jiboie Kwa Wandu Wose

¹⁰ Kwa wundu ugho, waka wawo nichawineka wandu wazima; na mbuwa rawo nicharineka wandu wiwisimie; kwa kukaia kufuma mtini wawo hata m'baa wawo, kula umu wawo oochulwa ni bea ya fwaida iseko ya hachi; kufuma mlodi hata mkohani, kula umu uakalia wandu.

JEREMIA 8:10 ပူးပေါင်းရင်းမြစ်များ

AYUBU 31:10

mkapo ndeshe viro va mundu mzima, na wandu wazima wilale nao.

ISAYA 28:7

Mkohani na mlodi nawo wori wakaia wawongeri wetatarika kwa divei na chofi ibirie, walaghashwa ni ugho wuwongeri ghwa divei na kutatarishwa ni chofi ibirie, na kusowa mafunuo, nawo walaghalwa ni kutanya hachi.

ISAYA 57:17

Nerem'bonyereghe machu kwa wundu ghwa kaung'a na bea rake; ngamkaba angu nerekoghe na machu, na kuleghamzighana. Ela sena orechurieghe kuwuya nyuma ngolonyi kwake.

JEREMIA 14:14

Ela BWANA ukatumbulia, “Awo walodi waawuyaghora tee kwa irina japo; siwidumie kungi, hata siwilaghirie angu kudedanya nawo hata ilagho jimweri. Mawono wawuyaghighora ndeghifumie kwapo; malodi ghawo ndeghine fwaida weeghidunga weni.

JEREMIA 14:18

Ngaghenda noko cha mbuwenyi, niawona awo wibwaghilo wudenyi; ngawuya mzinyi, niawona awo wibwaghwaa ni njala. Walodi na wakohani wiabonya kazi rawo isangenyi, hata ndewimanyagha ilagho jingi anduangi.”

JEREMIA 17:11

Mundu upatagha mali kwa chia iseko ya hachi, oofwanana na ngwale ilaliagha maghi ghiseko ghake. Mali iro richatana nao ghadi na ghadi ya matuku, na kutua kwake uchakaia karakara na ikelu.

JEREMIA 22:17

Ela mawoni gha ngolo yako ni aighu ya fwaida risefwanagha, na kudia bagha ra wandu wisewadia ikosa jingi, na kukuzaisira maza rekoronga wandu.”

JEREMIA 32:32

kwa wundu ghwa ugho wuwiwi ghubonyero ni wandu wa Israeli na wandu wa Juda, wikanivavira na kuniwusira machu, hata na wazuri wawo, na wabaa wawo, na wakohani wawo, na walodi wawo; wose wandu wa Juda na awo wikaiagha Jerusalemu.

JEREMIA 38:22

Ola waka wose weresigharikieghe andenyi ya ngome ya mzuri wa Juda werekoghe wikighenjwa shighadi kwa wabaa wa mzuri wa Babuloni; nawo werekoghe wikighamba, ‘Waghenyi wako kuwirumirie weekukalia wikakusima; na idana angu maghu ghako ghangia mazozonyi, wakusigha kuekeri.’

JEREMIA 42:1

Niko wabaa wose wa majeshi, na Johanani mwana wa Karea, na Azaria mwana wa Hoshaia, na wandu wose kufuma mtini hata m'baa wikasoghoda kaavui

JEREMIA 5:31

Walodi wawuyaloda tee, na wakohani waawuyabonya nguma kwa wulongozi ghwa awo walodi; wandu wapo nawo weekunda maza rikaie woruwo, ela, mchabonya wada ngelo ra kutua?”

KILILO CHA JEREMIA 4:13

Agha gheebonyeka kwa kukaia walodi wake wabonyere kaung'a, na wakohani wake wikabonya makosa ghiwishekerie wandu wa hachi kubwaghwa.

EZEKIELI 33:31

Nawo wadaacha kwako sa ngelo rose, na kusea kidombo imbiri kwako sa wandu wapo, na kusikira agho kughoragha, ela ndewibonyagha sa iji wazerwa; kwa kukaia wawonyera lukundo kwa memu yawo, ela ngolo rawo rianugha fwaida rawo.

AMOSI 5:11

Mwawikorongie wakiwa kwa kuwisoka viro vawo. Kwa huwo ndemchaarikaia iro nyumba ra magho muriaghie, hata kunywa divei iboie ifumagha kwa iyo mizabibu iboie muiwae.

MIKA 2:4

Ngelo iyo ikavika, wandu wichatumia lughano lukaie mfwano ghwa wasi, nawo wichabora lumbo ulu lofwa ngolo kwa agho mughiwonie wikighamba, ‘Dameria kunonwa putu, BWANA wamerie kuwusa isanga jedu, na kujineka wandu wididwae wunyika.’”

MIKA 3:11

Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.”

MIKA 3:5

Wandu wapo waawuyalaghashwa ni walodi wiwilaghiragha sere ingelo walipwa kindo chimu, na kuwiredia wuda awo wisewinekie kindo chingi. BWANA waghora huwu kwa awo walodi,

HABAKUKI 1:6

Nichareda Wababuloni, ija mbari ibirie, iangue kubonya malagho. Wadaghenda wurumwengunyi kose, kuwusa malalo ghiseko ghawo.

ZEFANIA 1:13

Mali rawo richadwalwa wunyika; nyumba rawo richatoteshwa. Hata ngera wariagha, ndewichaarikaia, hata wikeduawa mizabibu, ndewichaanywa divei yaro anduangi.”

TITO 1:11

Suti winyamiro, kwa kukaia waawuyasumbua wandu wose kula kinyumba kwa kufundisha iro maza risewifwane kufundisha; na agho waawuyabonya kwa wundu ghwa kupata fwaida isefwanagha.

TITO 1:7

Angu mzighaniri wa ikanisa sa mdumiki wa Mlungu, suti ukaie mundu usewadie ikosa jingi; usekaie ukukasire, angu ojokwa ni machu shwa-shwa, angu mmbongeri, angu mundu otumia ndighi, angu iriso ja fwaida isefwanagha.