JEREMIA 7:9 - Biblia Ilagho Jiboie Kwa Wandu Wose

⁹ Kwani mwadima kuiwa, na kubwagha, na kulaka, na kughema kwa tee, na kufukiria Baali marumba, na kutasa milungu mizima msereimanyireghe,

JEREMIA 7:9 ပူးပေါင်းရင်းမြစ်များ

1 WAZURI 18:21

Elija ukasoghoda kaavui na wandu wose ukaghamba, “Wele mdua andenyi ya maghesho awi hata lii? Ikakaia BWANA ni Mlungu mtasenyi; ela ikakaia ni Baali uko Mlungu, basi mtasenyi.” Awo wandu wikanyama kima.

KUFUMA 20:3

“Kusakekaia na milungu mizima imbiri kwapo.

ISAYA 1:13

Mseche kufunya vizongona va duu sena, marumba kwapo ini ni wuchafu. Kutasa kwa Ndima ra Mori Lukombe, na Sabato, na kuwanga makwanyiko. Sidimagha kurumaghia mawiwi ghenyu, na makwanyiko ghenyu ghetasa.

ISAYA 58:2

Sena hoku waawuyanilola kula ituku, wikikunda kurimanya chia rapo, sa wandu wa hachi, na sa wandu wiserisighie sharia ra Mlungu wawo. Wakunda kupata kutanya kwa hachi na kukunda kusoghoda kaavui na Mlungu.”

JEREMIA 1:16

Nani nichareda kutanya kwapo aighu ya wandu wapo, kwa wundu ghwa ugho wawiwi ghwawo ghose ghonilegha ini, na kufukiria milungu mizima marumba na kwa wundu ghwa kutasa kazi ra mikonu yawo cheni.

JEREMIA 11:13

Kwa kukaia milungu yenyu eewuya mingi kara kara na mizi enyu ee Juda, na madhabahu ghenyu mughiwikie ghemfusha waya gheeka mengi kara kara na chia ra Jerusalemu; mpate kumfukiria Baali marumba.

JEREMIA 11:17

Ini BWANA wa majeshi, uo orekuwaeghe wamerie kughora mawiwi aighu yako, kwa wundu ghwa mawiwi ghibonyero ni wandu wa Israeli na wandu wa Juda; wikanivavira ngolo kwa kumfukiria Baali marumba.”

JEREMIA 13:10

Awa wandu wawiwi wileghagha kusikira malagho ghapo, na kunugha kukua kwa ngolo rawo, wikiinugha milungu mizima kwa kuidumikia na kuitasa, wichakaia kara kara na ughu mshipi ghusefwanagha ilagho jingi.

JEREMIA 18:15

Ela wandu wapo awo wanisighie, wadafukiria milungu ya tee marumba; Wamerie kukuwa kwa chia rawo, iro chia rawo ra kala; nawo wanughie chia zima riseboisiro.

JEREMIA 19:4

Kwa kukaia wandu wanisighie, na kukunona andu aha kwa kuifukiria milungu mizima marumba, iyo wiseiichi, hata weke ndee, hata wazuri wa Juda wiseiichi; na andu aha wakunonie kwa kudia bagha ra wandu wisewadie ikosa jingi,

JEREMIA 32:29

Awo Wababuloni wawuyalwa na ughu muzi wichacha na kughukora, wichaghukoranya chiaimweri na nyumba iro wandu waro werekoghe wikimfukiria Baali marumba aighu ya mapaa gharo; wikifunya mafunyo gha kunywa kwa kughidiria milungu mizima, eri winivavire na kuniwusira machu.

JEREMIA 44:3

kwa wundu ghwa wuwiwi wereghubonyereghe na kuwusira machu ghapo, iji wereghendieghe kufukiria milungu mizima marumba na kuitasa; iyo, awo weni angu inyo, hata weke ndeyo wisereimanyireghe anduangi.

JEREMIA 44:8

Kwaki mughiwusiragha machu ghapo kwa kazi ra mikonu yenyu, na kuifukiria marumba milungu mizima ya Misri, andu mchee mpate kukaia, eri mkumerie mmbeni hata mmbuye wandu wewadwa ni njowe na wesholelwa aghadi ya mbari rose ra ndoenyi?

JEREMIA 44:9

Welee, mooliwa agho mawiwi gha weke ndeyo, na mawiwi gha wazuri wa Juda na waka wawo; na wuwiwi ghonyu inyo mmbeni na waka wenyu, ugho wereghubonyereghe andenyi ya isanga ja Juda, na chienyi ra Jerusalemu?

JEREMIA 48:35

Nichamuinja mundu ofunya vizongona aho Moabu; uo ose ufunyagha vizongona mighondinyi andu kotasira, kuifukiria milungu yake marumba.

JEREMIA 5:2

Hata ngera wawuyaghema kwa irina ja BWANA wikighamba, “Sa iji BWANA ukaiagha moyo.” Ela sena wadaghema kwa tee.

JEREMIA 5:7

BWANA waaghamba, “Nidima wada kukufuya wughoma? Wana wako wanileghie, na kughema kwa ivo viseko milungu ingi. Iji nerewijishireghe wikaghuda, werelakieghe na kungia andenyi ya nyumba ra malaya.

JEREMIA 7:6

nao mkaie msemkorongagha mghenyi, na mwana mkiwa, na muka mkiwa angu kudia bagha ya wandu wisena ikosa andenyi ya muzi ughu, nenyo msighe kuinugha milungu mizima emnonia inyo mmbeni;

EZEKIELI 18:18

Ela ndee, kwa kukaia orekufungishireghe ndighi kukita, ukamsoka mruna na kubonya agho ghiseboie mesonyi kwa wandu wake; ola uchafwa kwa wundu ghwa wuwiwi ghwake.

EZEKIELI 20:30

Kwa huwo kuwizere wandu wa Israeli, Ini Bwana MLUNGU naghamba huwu, Welee, muakulusha mmbeni sa weke ndeyo, na kukulaghasha kwa kunugha milimu yawo?

EZEKIELI 23:39

Iji werewifunyagha wana wawo wibwagho kizongona kwa milimu, wedewifunya ngelo ija cheni werengirieghe Andu kwapo kwa Wueli wipate kukulusha. Huwo niko werebonyereghe andenyi ya Hekalu yapo.

EZEKIELI 5:11

“Kwa wundu ugho, sa iji nikaiagha moyo, kwa loli angu kukulushire Andu Kwapo kwa Wueli na maza rako rizamie, na wuchafu ghwako ghose; nichakuinja hata nisekuwonie wughoma, hata sichaakulekia.

HOSEA 2:13

Nichamneka adhabu kwa wundu ghobonya matuku gha ndima kwa weke Baali, iji orekoghe ukiwifukiria marumba, na kukupamba moni kwa pete na vipini, na kuwinugha wakundwa wake; ukaniliwa ini.

HOSEA 6:9

Wakohani weeka sa vitoi vilaliriagha mundu. Wadabwagha hata achienyi ya wueli eghenda Shekemu. Wadabonya maza iri rose mbiwi kwa kidali tu.

AMOSI 4:5

Funyenyi vizongona va chawucha va mkate ghwa chachu, mtangaze mafunyo ghifunywagha kwa ngolo, na kughighoragha; angu niko mkundagha inyo wandu wa Israeli!

ZEFANIA 1:5

Nichatotesha kula mundu ujokagha aighu nyumbenyi kutasa iruwa na mori na nyerinyeri. Sena nichawitotesha awo winitasagha na kughema kwa irina japo sena ii chia wiaghema kwa irina ja ghuja mlungu Moleki.

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

WAROMA 2:2

Isi daichi kukaia kutanya kwa hachi kwa Mlungu ni aighu ya awo wibonyagha maza sa iro.

WUKUMBUSO 32:17

Wereifunyireghe milungu ya tee vizongona, milungu ya kighenyi weke wawae wisereimanyireghe jingi, iyo Israeli wisereisikireghe jingi.

WUFUNUO 21:8

Ela weke mawowa, na awo wiserumiriagha, na wawiwi, na wabwaghi wandu, na walaki, na wasawi, na watasi milimu, na watee wose, ifungu jawo jichakaia andenyi ya iyo ndiwa iakagha modo na kibiriti; nacho ni kifwa cha kawi.”

WUFUNUO 22:15

Cha shighadi reko iro koshi, na wasawi, na walaki, na wabwaghi wandu, na awo witasagha milimu, na kula mundu uikundagha tee na kuibonya.

WATANYI 5:8

Iji Waisraeli wereisaghueghe milungu ya kighenyi, na wuda ghukacha hata mbengenyi; mwawonie mndungi wawada ngao angu ifumu aghadi ya wandu elfu mirongo ina wa Israeli?