JEREMIA 7:6 - Biblia Ilagho Jiboie Kwa Wandu Wose

⁶ nao mkaie msemkorongagha mghenyi, na mwana mkiwa, na muka mkiwa angu kudia bagha ya wandu wisena ikosa andenyi ya muzi ughu, nenyo msighe kuinugha milungu mizima emnonia inyo mmbeni;

JEREMIA 7:6 ပူးပေါင်းရင်းမြစ်များ

2 WAZURI 21:6

Ukamfunya mwana wake ukaie kizongona chekora, ukakufundisha kulaghua na kurighita na kulomba njama kwa wandu wa pepo na wasawi; ukam'bonyera BWANA kaung'a na kum'bonya ujoko ni machu.

2 WAZURI 24:4

na kwa wundu ghwa kubwagha wandu wa hachi. Kwa kukaia Manase orebwaghieghe wandu wa hachi wengi wa Jerusalemu, na BWANA nderekoghe tayari kumfuya wughoma.

ZABURI 106:38

Wikabwagha wana wawo wisewadie ikosa jingi; wikawifunya wana wawo vizongona kwa milimu ya Kanaani, ndoe ikalushwa ni uko kubwagha.

MAKATANISHO 23:10

Kuseinje igho ja mwano ghwa kala, hata kusewuse mbuwa ra wana wakiwa.

ISAYA 59:7

Mwaghenda na iseghe kubonya wuwiwi, mwashashira kudia bagha ya wandu wisene ikosa jingi. Maririkanyo ghenyu ni gha wuwiwi, na andu kose mwidagha mwadabonya mawiwi ghenona.

JEREMIA 13:10

Awa wandu wawiwi wileghagha kusikira malagho ghapo, na kunugha kukua kwa ngolo rawo, wikiinugha milungu mizima kwa kuidumikia na kuitasa, wichakaia kara kara na ughu mshipi ghusefwanagha ilagho jingi.

JEREMIA 19:4

Kwa kukaia wandu wanisighie, na kukunona andu aha kwa kuifukiria milungu mizima marumba, iyo wiseiichi, hata weke ndee, hata wazuri wa Juda wiseiichi; na andu aha wakunonie kwa kudia bagha ra wandu wisewadie ikosa jingi,

JEREMIA 2:30

Nawinekie wana wako adhabu, ela ndewicheetala kukuboisa weni. Mwawibwaghie walodi wenyu mmbeni, karakara na shimba ifondiagha.

JEREMIA 2:34

Nguwo rako reechulwa ni bagha ya wakiwa wiseko na ikosa jingi, hata kusewiwonie wikibara nyumba; ela sena aighu ya agho ghose,

JEREMIA 26:15

Ela mmanye kwa loli mkanibwagha, mchakuredia aighu yenyu na aighu ya muzi ughu na wandu waro ikosa ja kubwagha mundu usewadie ikosa jingi. Kwa kukaia ni loli BWANA ooniduma konyu kughora agho malagho ghose mwaghisikira kwa madu ghenyu.”

JEREMIA 26:23

wikamfunya Uria aja Misri, wikamreda kwa Mzuri Jehoiakimu; nao ukam'bwagha kwa lufu na kughukumba mumbi ghwake andu korikia kwa wandu wa kawaida.)

JEREMIA 35:15

Nadumie wadumiki wapo walodi wose konyu sena na sena ngimzera kula umu onyu ughaluke kufuma kwa chia rake mbiwi, m'boise mighendo yenyu. Msakenugha milungu mizima na kuidumikia, nenyo mchakaia isangenyi neremnekieghe inyo na weke ndeyo. Ela ndemdeghie madu kusikira, hata kusikira ndemusikire.

JEREMIA 5:28

ni wandu wibandie widendere. Mabonyo ghawo ghizamie ndeghina kipimo; ndewiichi kutanya hachi kwa mwana mkiwa usewadie ndee, hata uwone nicha; ndewidederiagha hachi ra uo uko ukitiro.

JEREMIA 7:5

“Angu mkaboisa chia renyu na mighendo yenyu kwa loli, na kwa loli mkaitala hachi aghadi yenyu mmbeni na mmbeni,

JEREMIA 7:9

Kwani mwadima kuiwa, na kubwagha, na kulaka, na kughema kwa tee, na kufukiria Baali marumba, na kutasa milungu mizima msereimanyireghe,

KILILO CHA JEREMIA 4:13

Agha gheebonyeka kwa kukaia walodi wake wabonyere kaung'a, na wakohani wake wikabonya makosa ghiwishekerie wandu wa hachi kubwaghwa.

EZEKIELI 18:6

ikaie ndejagha vindo vafunywa kizongona kwa milimu mighondinyi, nao ndeitasagha iyo milimu ya Israeli, hata ndemlushagha muka wa mmbao, angu kumuadada muka uko merinyi.

EZEKIELI 22:7

Wavi ndewitalwagha andenyi kwako, waghenyi wadakorongwa aghadi kwako, mwadawikita awo wifuilo ni weke ndee na waka wakiwa.

WALAWI 19:33

“Kukakaianya na mghenyi isangenyi kwako kusem'bonye kiwiwi.

WALAWI 25:17

Msekitane, ela kumuobuo BWANA Mlungu wako.

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

MATHAYO 27:25

Wandu wose wikaghamba, “Bagha yake ndeikaie aighu yedu na aighu ya wana wedu!”

MATHAYO 27:4

ukighamba, “Nabonya kaung'a kwa kumfunya mundu wa hachi ubwagho.” Ela awo wikaghamba, “Ijo si ilagho jingi jedu, jizighane kumoni.”

WUKUMBUSO 11:28

Ela mkalegha kughisikira malaghiro gha BWANA Mlungu onyu, na kuleghanugha iyo chia nimlaghiragha idime, nao mnughe milungu mizima mseiichi, mchawadwa ni njowe.

WUKUMBUSO 24:17

“Kuselaghashe hachi ya mghenyi omara-mara, hata mwana mkiwa, hata kusewadie nguwo ya mka-mkiwa ikaie wufunga;

WUKUMBUSO 27:19

“‘Mundu ukailaghasha hachi ya mghenyi omara-mara, angu ya mwana mkiwa, angu ya muka mkiwa, uwado ni njowe.’ Na wandu wose widikie, ‘Amen.’

WUKUMBUSO 8:19

Na iji mwamliwa BWANA Mlungu onyu, na kuinugha milungu mizima kuidumikia na kuitasa, namghoria loli idime iji, kukaia mchatota.

JAKOBO 1:27

Dini ielie isewadie wuchafu imbiri ya Mlungu Aba, ni ihi: ni kuwighendia na kuwitesia wana wakiwa, na waka wifuilo ni womi wawo kwa wasi ghwawo, na kukulindia moni uselusho ni wurumwengu.