JEREMIA 7:34 - Biblia Ilagho Jiboie Kwa Wandu Wose

³⁴ Ndekuchaakaia na mndungi andenyi ya mizi ya Juda na hata chienyi ra Jerusalemu; ndekuchaakaia na kuseka kungi aho, hata kuboilwa kungi; lwaka lwa bwana arusi angu lwa bibi arusi ndeluchaasikirika aho, kwa kukaia aho kuchawuya sa kireti.

JEREMIA 7:34 ပူးပေါင်းရင်းမြစ်များ

AYUBU 3:7

Ee, icho kio chikaie kolowi, hata lwaka lungi lwa maboilo lusesikirike andenyi yaro anduangi.

ZABURI 78:63

Wadawana wawo werebwaghiloghe wudenyi, na wai wawo wikasowa kulowolwa.

ISAYA 1:7

Isanga jenyu jasighwa iduu, mizi yenyu yakorwa; waghenyi waja isanga jenyu mkizighanira; jeesighwa iduu seji jeenonwa ni waghenyi.

ISAYA 3:26

Mbenge ra muzi ghwa Jerusalemu richalila na kukema mchungu; na muzi ghuchakaia sa muka wasea kidombo wasighwa duu.

ISAYA 6:11

Niko ngakotia, “Hata lii ee BWANA?” Ukanitumbulia, “Hata mizi yanonwa na kusighwa miduu, na nyumba rikaie risene wandu, na isanga kusighwa iduu putu,

JEREMIA 16:9

Angu ini BWANA wa majeshi uo Mlungu wa Israeli naghamba, Nichanyamirisha chwaka ra kuboilwa na maseko ra wandu wiko aha kukiwona, ngelo ya matuku ghako, hata chwaka ra bwana na bibi arusi nderichaasikirika anduangi.

JEREMIA 22:6

“BWANA waghamba huwu aighu ya ngome ya mzuri wa Juda, ‘Ini nadakuwona sa Gileadi, kooka sa mdo ghwa Lebanoni; elaima nichakubonya kuwuye kireti, muzi ghusekailwagha ni wandu.

JEREMIA 25:10

Nichawiinjira chwaka ra kuboilwa; lwaka lwa bwana-arusi na bibi-arusi, lwaka lwa magho ghishagha, na mwengere ghwa taa.

JEREMIA 27:17

Msakewisikira! Mdumikienyi mzuri wa Babuloni mpate kukaia moyo. Kwaki ado ughu muzi ghuwuyagha ighacho?

JEREMIA 33:10

BWANA waghamba huwu, “Mwawuyaghamba wei isanga iji jeesighwa iduu jisene mundu hata nyamandu; ela sena, andenyi ya ihi mizi cheni ya Juda na chia ra Jerusalemu, ireni riko nduu risewadie wandu hata nyamandu, luchasikirika sena

JEREMIA 33:11

lwaka lwa kuseka na kuboilwa, na lwaka lwa bwana na bibi arusi, na chwaka ra awo wiboragha wikireda mafunyo gha chawucha andenyi ya Hekalu ya BWANA wikighamba, ‘Funyenyi chawucha kwa BWANA wa majeshi, angu BWANA ni mucha, na lukundo lwake lukatie lwadua kwa kala na kala.’ Kwa kukaia nichajibonya isanga jikaie sa iji koni jerekoghe, waghamba BWANA.”

JEREMIA 4:26

Ngazighana ngawona, isanga jerechuloghe ni matunda jawuya kireti; na mizi yaro yose yawuya maghacho, kwa wundu ghwa machu ghibirie gha BWANA.

JEREMIA 4:27

BWANA waghamba huwu, “Isanga jose jichawuya iduu, ela sichaajimeria putu kungi.

JEREMIA 44:6

Kwa huwo nerejokeloghe ni machu ghapo na kubia kwapo aighu ya mizi ya Juda, na chienyi ra Jerusalemu, nayo ikasighwa miduu seji iwonekagha idime.

KILILO CHA JEREMIA 5:14

Waghosi walekie kukaia na mandu mbengenyi; wandu wa irika walekie kubora.

EZEKIELI 26:13

Nichanyamira kubora konyu, na chwaka ra vinubi nderichaasikirika sena anduangi.

EZEKIELI 7:11

Lung'eto lwachurikia lukawuya ikabo ja wuwiwi, hata ungi wawo ndechaasigharika, hata wungi ghwa wandu wawo, na mali rawo, hata kilambo chingi chiboie kuchumba aghadi kwawo.

HOSEA 2:11

Nichainja kuboilwa kwake kose ndima rake, ndima ra kula mori na Sabato rake, na ndima rose rake riwikilo ra dini.

HOSEA 2:13

Nichamneka adhabu kwa wundu ghobonya matuku gha ndima kwa weke Baali, iji orekoghe ukiwifukiria marumba, na kukupamba moni kwa pete na vipini, na kuwinugha wakundwa wake; ukaniliwa ini.

WALAWI 26:33

Nani nichamredia wuda na kumsaghisa aghadi ya mbari zima. Isanga jenyu jichawuya kireti, na mizi yenyu ichawuya maghacho.

MIKA 7:13

Ela ndoenyi kuchawuya ikara kwa wundu ghwa wuwiwi ghwa wandu wawuyaikaia.

WUFUNUO 18:23

na mwengere ghwa taa, ndeghuchaang'ala-ng'ala andenyi kwako, hata lwaka lwa mmbusi muka na uo ulowolwagha, ndeluchaasikirika andenyi kwako sena anduangi. Angu washami wako werekoghe wandu wabaa wa ndoenyi, na wandu wa mbari rose werekaliloghe kwa wusawi ghwako.