JEREMIA 7:31 - Biblia Ilagho Jiboie Kwa Wandu Wose

³¹ Waaghie madhabahu Tofethi andenyi ya Vololo ya Hinomu eri wipate kukora wana wawo wa womi na wa waka modonyi kwa kuwifunya kizongona; ilagho niserewilaghirieghe, hata jingi jisengia andenyi ya maghesho ghapo.

JEREMIA 7:31 ပူးပေါင်းရင်းမြစ်များ

2 WAZURI 17:17

Wikafunya wana wawo wa waka na wa womi kizongona wipate kukorwa; wikakufunya kulaghua na kubonya wusawi; wikakufunya putu kubonya mawiwi imbiri ya BWANA, hata wikam'bonya ujoko ni machu.

2 WAZURI 23:10

Mzuri Josia ukalusha Tofethi wulalo ghotasira milimu, ghuko vololonyi ya wana wa Hinomu, eri mndungi usewuefunya mwana ungi wake kizongona chekora, kwa ghuja mlungu Moleki.

2 WAZURI 23:20

Ukawibwagha wakohani wose wa andu kotasira milimu mighondinyi aighu ya madhabahu, ukakora maindi gha wandu aighu yaro, na kuwuya Jerusalemu.

2 MALAGHO GHA NGELO 28:3

Ukafukira marumba vololonyi ya Hinomu, ukafunya wana wake wikaie vizongona vekora, kunughana na tabia ra wandu wa iro mbari BWANA oreriwingieghe imbiri ya wandu wa Israeli.

2 MALAGHO GHA NGELO 33:6

Ukawikora wana wake wikaie kizongona Vololonyi ya Hinomu; ukalaghua, ukanugha mizwana, ukabonya wusawi, na kunugha maza ra pepo retambua maza. Ukabonya mawiwi loli loli imbiri ya BWANA, na kum'bonya ujoko ni machu.

ISAYA 30:33

Kwa kukaia andu komkoria mzuri wa Waashuru kwamerie kuboiswa konkala uko; ni kina chiko kishapa sena chiko ndenyi; modo na mbande vawikilo tayari kwa wungi; BWANA uchaghufuria na miruke yake sa modo ghwa kibiriti na kughukora.

ISAYA 57:5

Inyo mwaawuyaakiana modo kwa bea renyu ra mumbi aisi ya mialoni, mkikaia aisi ya kula mudi ghwa malemba mawishi; inyo m'bwaghagha wana wenyu andenyi mavongonyi wikaie vizongona na kuwivisa andenyi ya chukarara ra magho.

JEREMIA 19:2

mwendanye vololo ya Hinomu kwa kuidiria Mbenge ya Chuwigha, kupate kughora agho malagho nichaakughoria.

JEREMIA 2:23

Kwadima wada kughamba, ‘Ini silushiro, ini sinughie weke Baali?’ Zighana chia rako aja vololonyi, kuwone seji kubonyere. Kooka sa ngamila ya waka, ikimbiagha ii chia na ii chia.

JEREMIA 32:34

Wadawika milimu yawo ya wuchafu andenyi ya Hekalu iwangilo kwa irina japo, wipate kuilusha.

JEREMIA 32:35

Waaghie andu kotasa kwa wundu ghwa Baali andenyi ya vololo ya Hinomu, wipate kufunya wana wawo wa womi na wa waka kwa ghuja mlungu Moleki; hata ngera saki serewilaghirieghe huwo, na ilagho ijo jingi jisengia andenyi ya akili rapo, wei wibonye ugho wuchafu na kuwishekeria Juda kungia kaung'enyi.”

EZEKIELI 16:20

“Sena kukawada wana wako wa womi na wa waka korenivaieghe, kukawifunya kizongona kwa iyo milimu. Welee, ugho wumalaya ghwako kunibonyere ndeghukate,

EZEKIELI 20:26

ngawisigha wikulushe weni kwa kutumia manosi ghawo gheni wighifunyire, ngawibonya wifunye wavalwa wawo wa imbiri kizongona chekora, eri niwioboshe. Nerebonyereghe huwo eri wimanye kukaia ini ne BWANA.

EZEKIELI 20:31

Iji mwaifunyira milimu manosi, na kuwifunya wana wenyu wa womi wikaie vizongona vekora, mwaawuyakulusha mmbeni hata linu. Welee, nadima kurumiria kuchalombwa ni inyo, ee wandu wa Israeli? Sa iji nikaiagha moyo, ini Bwana MLUNGU naghamba, sichaarumiria kulombwa ni inyo.

WALAWI 18:21

Kusefunye mwana ungi wako kukorwa kizongona kwa mlungu Moleki na kujilusha irina ja Mlungu wako; Ini ne BWANA.

MIKA 6:7

Ngafunya maelfu gha bauru na mavuda mengi BWANA uboilwa? Niamfunyira mwana wapo wa imbiri kulipia kaung'a rapo anguwada?

WUKUMBUSO 12:31

Msebonye huwo kwa BWANA Mlungu onyu; kwa kukaia iro maza rose rimzamiagha BWANA Mlungu wako, niro reni wiribonyeragha milungu yawo; hata wadaifunyira wana wawo wa womi na wa waka kizongona kwa kuwikora modonyi.

WUKUMBUSO 17:3

nao ughende uidumikie milungu mizima na kuitasa, angu kutasa iruwa angu mori na nyerinyeri, malagho nighikanie;

WUKUMBUSO 18:10

Mndungi onyu usewoneke ukimfunya mwana wake wa womi angu wa waka kizongona kwa kumuisa aghadi ya modo, angu mndungi ulaghuagha,

JOSHUA 15:8

ghukajoka ghukaidiria Vololo ya Hinomu, cha kusinyi ya mghondi ghwa muzi ghwa Wajebusi (nigho Jerusalemu), ghukajoka hata koighu mghondinyi, ugho ghulangayagha Vololo ya Hinomu cha magharibi; ghukaenda cha kaskazinyi kutuonyi kwa Vololo ya Refaimu.