JEREMIA 7:30 - Biblia Ilagho Jiboie Kwa Wandu Wose

³⁰ “Wandu wa Juda wabonyere ilagho jizamie imbiri kwapo, wawikie milimu yawo andenyi ya Hekalu iwangilo kwa irina japo wipate kuinona.

JEREMIA 7:30 ပူးပေါင်းရင်းမြစ်များ

2 WAZURI 21:3

Kwa kukaia oreaghieghe sena andu kotasira milimu mighondinyi korenoneloghe ni ndee Hezekia, ukaagha madhabahu kwa wundu ghwa Baali, na kubonya fwana ra ghuja mlungu ghwa waka Ashera wori, sa iji Ahabu mzuri wa Israeli orebonyereghe, ukatasa nyerinyeri na kuridumikia.

2 WAZURI 21:4

Ukaagha madhabahu ya milimu andenyi ya Hekalu aho Jerusalemu, aeni BWANA oreghorieghe niko uchaajiwika Irina jake utasoghe;

2 WAZURI 21:7

Ukawika ghuja mlungu ghwa waka Ashera andenyi ya Hekalu icheni BWANA oremzerieghe Daudi na mwana wake Solomoni, “Nichajiwika Irina japo andenyi ya Hekalu ihi na andenyi ya Jerusalemu iyo nereisaghueghe aghadi ya mbari ra Israeli kwa kala na kala.

2 WAZURI 23:12

Na madhabahu ra Ahazi rerekoghe aighu ya chumba cha ighu, iro rerebonyeroghe ni wazuri wa Juda; na iro rerebonyeroghe ni Manase awazenyi iwi ra Hekalu, rerechikanyiroghe ni Mzuri Josia, ukarichana-chana na kudia teri yaro modenyi ghwa Kidroni.

2 MALAGHO GHA NGELO 33:15

Ukainja milungu ya kighenyi, na mlimu kufuma Hekalunyi, na madhabahu rose oreriaghieghe mghondinyi ghwa Hekalu, na andenyi ya Jerusalemu, ukaridagha shighadi ya muzi.

2 MALAGHO GHA NGELO 33:3

Oreaghieghe sena andu kotasira mighondinyi, aho ndee Hezekia orekuvuchueghe; ukawiaghia weke Baali, ukabonya fwana ra mlungu ghwa waka Ashera, ukajitasa ijeshi jose ja mlungunyi, na kujidumikia.

2 MALAGHO GHA NGELO 33:7

Ukabonya fwana ya mlimu na kuiwika andenyi ya Hekalu, iyo Mlungu oremzerieghe Daudi na mwana wake Solomoni kukaia, “Andenyi ya Hekalu ihi iko Jerusalemu andu nikusaghue kwa vichuku vose va Israeli,

ISAYA 66:4

Ini wori nichawisaghuya matiriro ghewingira wowa, kwa kukaia iji nerewiwangieghe ungi wawo nderedikieghe; iji nereghorieghe nawo ndekuwadie ungi orenisikireghe, ela werebonyereghe agho ghiko mawiwi imbiri kwapo, na kusaghua maza riseniboiagha.”

JEREMIA 16:18

Nani nichalipia mawiwi ghawo na kaung'a rawo mando awi, kwa kukaia wamerie kujinona isanga na gharia ra milimu yawo izamie, na kuchura ifwa ja isanga japo wuchafu.”

JEREMIA 23:11

BWANA waghamba, “Mlodi na mkohani, wose ndewiwadie Mlungu, nawona wuwiwi ghwawo hata andenyi ya Hekalu yapo.

JEREMIA 32:34

Wadawika milimu yawo ya wuchafu andenyi ya Hekalu iwangilo kwa irina japo, wipate kuilusha.

JEREMIA 32:35

Waaghie andu kotasa kwa wundu ghwa Baali andenyi ya vololo ya Hinomu, wipate kufunya wana wawo wa womi na wa waka kwa ghuja mlungu Moleki; hata ngera saki serewilaghirieghe huwo, na ilagho ijo jingi jisengia andenyi ya akili rapo, wei wibonye ugho wuchafu na kuwishekeria Juda kungia kaung'enyi.”

EZEKIELI 7:20

Werekukasireghe duu na mapambo ghawo ghighokie, wikabonya nagho milimu yawo ya wuchafu; kwa huwo nichaghighalua ghiwuye kilambo chiseelie kwawo.

EZEKIELI 8:3

Ukaghorua icho cherewonekieghe sa mkonu, ukaniwada iridia japo. Roho wa Mlungu ukaniwusira nokoighu ghadi na ghadi ya ndoenyi na mlungunyi. Nani ngikaia andenyi ya mawono gha Mlungu, ukanidwa hata Jerusalemu aho andu kongiria kwa chia ya mbengenyi ya waza ya ndenyi ya Hekalu, ilangayagha cha kaskazinyi. Aho korekoghe na mlimu ghowasira Mlungu iriso ja wandu wake.

DANIELI 11:31

Masikari ghifumagha kwake wichacha na kuilusha Hekalu na ngome. Wichaghiria vizongona va nakesho na va nakenyi visefunyo, nawo wichammbika uja Mmbiwi Mnoni andenyi ya Hekalu.

DANIELI 9:27

Uja m'bonyi nguma uchabonya mapatano ghimange na wandu wengi kwa miaka mfungade, nao uchafunga vizongona na mafunyo visefunyo ghadi na ghadi ya iyo miaka mfungade. Mmbiwi mnoni uchangirwa kondenyi Andu kwa Wueli kwa Hekalu, nao uchakaia aho hata uo oremmbikieghe aho uvikie kutua kwake kupangilo ni Mlungu.”