JEREMIA 7:26 - Biblia Ilagho Jiboie Kwa Wandu Wose

²⁶ ela ndewerenisikireghe hata kunideghia kudu; wikachuria kughilika, na kubonya mawiwi kuchumba weke ndee.

JEREMIA 7:26 ပူးပေါင်းရင်းမြစ်များ

1 WAZURI 14:22

Wandu wa Juda wikabonya mawiwi imbiri ya BWANA. Wikam'bonya uwado ni iriso na kujokwa ni machu kwa wundu ghwa kaung'a rawo wereribonyereghe kuchumba ra weke ndee.

1 WAZURI 14:9

Ela oho kwabonyere mawiwi kuchumba agho ghose gherebonyeroghe ni wazuri werekoghe imbiri kwako. Kwakubonyere kumoni milungu mizima na fwana rechana; kukanilegha kwa kuwusira machu ghapo.

2 WAZURI 17:14

Ela ndeweresikireghe, wikakaia wighilikie sa weke ndee, awo wiseremrumirieghe BWANA Mlungu wawo.

2 WAZURI 17:15

Weremenyereghe memu ya BWANA na ilaghano jake, ijo orejibonyereghe na weke ndee; ndeweretalieghe hata na mawonyero ghake. Wereinughieghe milimu ya tee wikakalikia, wikanugha tabia ra iro mbari ra wandu ireni BWANA orewikanieghe wisebonye sa awo.

2 MALAGHO GHA NGELO 30:8

Idana mseghilike sa weke ndeyo, ela mkufunye kwa BWANA, mche Andu kwake kwa Wueli, ukueleshere kwa kala na kala, mumdumikie BWANA Mlungu onyu; eri machu ghake mabaa ghimuinjikie.

2 MALAGHO GHA NGELO 33:10

BWANA ukaghora na Manase, na wandu wake, ela ndeweresikireghe.

2 MALAGHO GHA NGELO 33:23

Hata nderekuserieghe imbiri ya BWANA seji ndee Manase orebonyereghe. Ela uo Amoni orechurieghe kungia makosenyi kuchumba.

NEHEMIA 9:29

Korewiwonyereghe wisikire mafundisho ghako, ela wikalegha kuwadia Sharia rako kwa lung'eto, hata ngera kuja kuisikira Sharia yako ni irangi, ela wereleghieghe kusikira, wikaghilika na kukurisha singo rawo.

MAKATANISHO 29:1

Uo ukanilwagha mando malazi, ukichuria kughilika, uchanoneka shwa hata ndechaadima kuboiswa anduangi.

ISAYA 48:4

Ini nakuichi kwaghilikie, na singo yako yakurie sa chuma, na wushu ghwako sa shaba;

ISAYA 5:4

Welee, niki chisigharikie niserechibonyereghe kwa mbuwa yapo ya mizabibu? Iji neresuwirieghe ive zabibu, yakaia wada ikava zabibu ra isakenyi?

JEREMIA 11:8

Ela ndewerenisikireghe, hata kudegha madu ghawo kwapo, ela kula umu wawo oreghendieghe kwa kukua kwa ngolo rawo mbiwi. Kwa wundu ugho niko nerewiredieghe njowe kunughana na malagho ghose gha iji ilaghano nerewilaghirieghe wibonye, ela ndewerebonyereghe anduangi.”

JEREMIA 16:12

Na kwa kukaia mwabonyere mawiwi kuchumba weke ndeyo, seji mwawona kula umu onyu uanugha kukua kwa ngolo yake moni na kukunda kwake, kwa kulegha kunisikira ini;

JEREMIA 17:23

Elaima sena ndeweresikireghe, hata kudegha madu ghawo kwapo, ela wikaghilisha singo, eri wisechesikira na kuwada mafundisho.

JEREMIA 19:15

“BWANA wa majeshi, uo Mlungu wa Israeli waghora huwu: Ola nichareda wuwiwi aighu ya muzi ughu na aighu ya mizi yaro mitini, ugho wuwiwi nereghughorieghe aighu yaro; kwa kukaia waghilishire singo rawo na kulegha kunisikira.”

JEREMIA 22:21

Nereghorieghe na oho ingelo korekoghe nicha, ela kukaaghora, ‘Sighisikiragha agho.’ Iyo edeeka ni tabia yako kufuma wanake ghwako, na jingi ndekonisikira.

JEREMIA 25:3

“Kufuma mwaka ghwa ikumi na idadu ghwa kubonya nguma kwake Josia mwana wa Amoni, mzuri wa Juda, serelekieghe kumghoria ilagho ja BWANA ijo orekoghe ukinighoria, na kuvikia linu ni miaka mirongo iwi na idadu; ela ndemoresikireghe anduangi.

JEREMIA 25:7

BWANA waghamba, ‘Ela sena ndemcheenisikira, eri mpate kunivavira na kuwusira machu ghapo kwa wundu ghwa iro kazi ra mikonu yenyu, nenyo mpato ni wasi.’

JEREMIA 26:5

na kulindia malagho gha wadumiki wapo walodi nawuyawiduma konyu toe, hata ngera ndemuwitalie,

JEREMIA 29:19

kwa kukaia waleghie kusikira malagho ghapo nighidumie kwawo tuli tuli kwa chia ya wadumiki wapo walodi, ela ndeweresikireghe.

JEREMIA 3:13

Rumiria ikosa jako tu, kukaia, korenileghieghe ini BWANA Mlungu wako, kukakufunya kutasa milungu ya kighenyi, aisi ya kula mudi m'baa ghupambie, hata ndekorelusikireghe lwaka lwapo anduangi.

JEREMIA 32:23

nawo wikangia na kujiwusa. Ela ndewerekusikireghe hata kughenda kwa sharia rako. Ndewerebonyereghe ilagho jingi ja agho korewilaghirieghe wibonye. Kwa huwo niko kubonyere wikachelwa ni ughu wuwiwi ghose.

JEREMIA 34:14

‘Kula mwaka ghwa mfungade, kula umu onyu suti umsighe Muebrania oreuziroghe kwake ukaie huru nyuma ya kudumika miaka irandadu; suti umsighe huru usemdumikie.’ Ela weke ndeyo ndewerenisikireghe hata kunideghia madu.

JEREMIA 35:15

Nadumie wadumiki wapo walodi wose konyu sena na sena ngimzera kula umu onyu ughaluke kufuma kwa chia rake mbiwi, m'boise mighendo yenyu. Msakenugha milungu mizima na kuidumikia, nenyo mchakaia isangenyi neremnekieghe inyo na weke ndeyo. Ela ndemdeghie madu kusikira, hata kusikira ndemusikire.

JEREMIA 35:17

Kwa huwo ini BWANA, Mlungu wa majeshi, Mlungu wa Israeli naghamba huwu, Olenyi nichawiredia wandu wa Juda, na wose wikaiagha Jerusalemu mawiwi ghose nighighorie aighu yawo; kwa kukaia naghorie nawo wikalegha kusikira, ngawiwanga nawo wikalegha kudika.”

JEREMIA 44:16

“Ndedichaakusikira kwa agho malagho kwadighoria kwa irina ja BWANA;

JEREMIA 5:3

Ee BWANA, meso ghako ndeghizighanagha iyo loli anguwada? Oho kwawikabie, ela ndewisikire luwawo lungi, kwawionyere, ela waleghie kukuboisa weni. Wakurishire nia rawo kuchumba igho, nawo waleghie kuhea.

JEREMIA 6:10

Nani ngaghamba, “Malaghiro agha nimzera angu nimghoria ani udimagha kusikira? Ola madu ghawo ghafindikikie, ndeghidimagha kusikira; hata ilagho ja BWANA kwawo jakaia sa madukano, ndejikundikie kwawo; hata ndejiwiboiagha anduangi.

JEREMIA 6:17

Nawikie walindiri aighu yako ngighamba, ‘Sikirenyi lwaka lwa tarumbeta.’ Ela wikaghamba, ‘Ndedilusikiragha.’

JEREMIA 7:24

Ela ndewerenisikireghe hata kunideghia kudu; wikaghenda kwa kunugha njama rawo reni, kwa kukua kwa ngolo rawo rizamie; wikazama kuchumba kukaia nicha.

JEREMIA 9:13

BWANA waghamba, “Ni kwa kukaia wandu wapo waileghie sharia yapo niiwikie imbiri kwawo, hata ndewerenisikireghe na kughenda kwa iyo sharia;

EZEKIELI 12:2

“Mwana wa mdamu, oho kwadakaia aghadi ya wandu welegha. Wawadie meso, ela ndewiwonagha; wawadie madu, ela ndewisikiragha, kwa kukaia, awo ni wandu welegha.

EZEKIELI 12:3

Kwa wundu ugho ee mwana wa mdamu, kufunge msigo ghwako nadime wandu wikiwona, ugho msigo ghoghenda wubarishonyi; kuchafuma andu kuko, kughende andu kuzima wikiwona; kewada wadima kutambukilwa hata ngera ni wandu welegha.

EZEKIELI 20:30

Kwa huwo kuwizere wandu wa Israeli, Ini Bwana MLUNGU naghamba huwu, Welee, muakulusha mmbeni sa weke ndeyo, na kukulaghasha kwa kunugha milimu yawo?

DANIELI 9:6

Dalemelo ni kuwisikira wadumiki wako walodi awo wereghorieghe na wazuri wedu, na wabaa wedu, na weke aba wedu, na wandu wose wa isangenyi kwa irina jako.

HOSEA 11:7

Wandu wapo wachuria kughaluka na kunilegha. Wichalila kwa wundu ghwa ghongolo iko kwawo, ela ndekuwadie mndungi uchaaiinja kufuma kwawo.

ZEKARIA 7:11

“Ela wandu wapo wereleghieghe kusikira, wikaghilika, wikafindika madu ghawo wisesikire.

MALAKI 3:7

Mwaghalukie mkarisigha sharia rapo sa weke ndeyo werekoghe imbiri konyu, hata ndemoreriwadieghe anduangi. Wuyenyi kwapo nani nichammburia. Ela mwaawuyakotia, ‘Dibonya wada ima dikuwurie?’

MATHAYO 21:38

Ela iji awo walimi wammbona uja mwana, wikaghamba weni na weni, ‘Uhu ni mundu wa ifwa. Nndokonyi dim'bwaghe ifwa jipate kuwuya jedu.’

MATHAYO 23:32

Idana imerienyi iyo kazi isighilo ni weke wawayo!

MABONYO GHA WADUMI 7:51

“Inyo wandu mghilikie mseghalukagha, ngolo renyu na madu ghenyu gheeka sa gha watasi milimu, matuku ghose mwadamtangala Roho Mweli, sa iji koni weke ndeyo werekoghe wikibonya.

WAROMA 2:5

Ela kwa kukulwa ni ngolo kwako, kusene wundu ghohea, kwaawuyakuwikia kumoni machu Ituku ja Kutanywa; iji kutanya kwa hachi kwa Mlungu kuchaafunukulwa.

WUKUMBUSO 8:20

Mchatota karakara na iro mbari BWANA uribonyagha ritote imbiri konyu; nenyo mchatota, kwa kukaia mwaleghie kumsikira BWANA Mlungu onyu.