JEREMIA 7:24 - Biblia Ilagho Jiboie Kwa Wandu Wose

²⁴ Ela ndewerenisikireghe hata kunideghia kudu; wikaghenda kwa kunugha njama rawo reni, kwa kukua kwa ngolo rawo rizamie; wikazama kuchumba kukaia nicha.

JEREMIA 7:24 ပူးပေါင်းရင်းမြစ်များ

NEHEMIA 9:29

Korewiwonyereghe wisikire mafundisho ghako, ela wikalegha kuwadia Sharia rako kwa lung'eto, hata ngera kuja kuisikira Sharia yako ni irangi, ela wereleghieghe kusikira, wikaghilika na kukurisha singo rawo.

ZABURI 81:13

Yakaiagha nicha saki ngera wandu wapo wadanisikira, na Israeli ubonye seji nikunde!

JEREMIA 13:10

Awa wandu wawiwi wileghagha kusikira malagho ghapo, na kunugha kukua kwa ngolo rawo, wikiinugha milungu mizima kwa kuidumikia na kuitasa, wichakaia kara kara na ughu mshipi ghusefwanagha ilagho jingi.

JEREMIA 13:11

Sa iji koni mshipi ghuwadanagha na kiwonu cha mundu, niko koni wandu wose wa Israeli na wandu wa Juda nerewibonyereghe wiwadane na ini, eri wipate kukaia wandu wapo kwa kujimanyisha irina japo, na kwa kunikasa, na kwa kunineka ishima. Ela ndewerenisikireghe anduangi.”

JEREMIA 15:6

Oho kwanileghie, na oho kwachurie kuwuya nyuma; niko ngaghughorua mkonu ghwapo kukukaba na kukutotesha; nasilwa ni ndighi rekurumaghia.

JEREMIA 16:12

Na kwa kukaia mwabonyere mawiwi kuchumba weke ndeyo, seji mwawona kula umu onyu uanugha kukua kwa ngolo yake moni na kukunda kwake, kwa kulegha kunisikira ini;

JEREMIA 17:23

Elaima sena ndeweresikireghe, hata kudegha madu ghawo kwapo, ela wikaghilisha singo, eri wisechesikira na kuwada mafundisho.

JEREMIA 17:9

“Ngolo yakalie ikachumba vilambo vose, eezama ikaachumba; nani udimagha kuitambua?

JEREMIA 18:10

nao ibonye wuwiwi mesonyi kwapo, na kuleghasikira, nichaghaluka nisighe kuibonyera agho mecha nikoghe niibonyere.

JEREMIA 18:12

Ela awo wadaghamba, ‘Agho ni gha duu! Isi dichanugha mipango yedu, na kula umu odu uchanugha kuja kukua kwa ngolo yake mbiwi.’”

JEREMIA 2:27

awo wighuzeragha mudi, ‘Oho ko aba,’ na igho, ‘Oho ko mao.’ Kwa kukaia waghalukie na mbai kufuma kwapo, hata ndewikunde kunizighana; ela wikapatwa ni wasi waghamba, ‘Wuka kudikire!’

JEREMIA 22:21

Nereghorieghe na oho ingelo korekoghe nicha, ela kukaaghora, ‘Sighisikiragha agho.’ Iyo edeeka ni tabia yako kufuma wanake ghwako, na jingi ndekonisikira.

JEREMIA 23:17

Matuku ghose waawuyawizera awo wimenyagha ilagho japo, ‘Mkaia nicha to;’ na kwa awo wighendagha kwa kunugha kukua kwa ngolo rawo, wadawizera, ‘Ndemchelwagha ni wuwiwi ghungi.’”

JEREMIA 3:13

Rumiria ikosa jako tu, kukaia, korenileghieghe ini BWANA Mlungu wako, kukakufunya kutasa milungu ya kighenyi, aisi ya kula mudi m'baa ghupambie, hata ndekorelusikireghe lwaka lwapo anduangi.

JEREMIA 3:17

Ngelo iyo, Jerusalemu ichawangwa ‘Kifumbi cha nguma cha BWANA’, na mbari rose ra wandu richakwanyika aho Jerusalemu imbiri ya BWANA, nawo ndewichaanugha ngolo rawo ra wung'eti sena anduangi.

JEREMIA 32:23

nawo wikangia na kujiwusa. Ela ndewerekusikireghe hata kughenda kwa sharia rako. Ndewerebonyereghe ilagho jingi ja agho korewilaghirieghe wibonye. Kwa huwo niko kubonyere wikachelwa ni ughu wuwiwi ghose.

JEREMIA 32:33

Waghalukie nambai wisekunde kuniwona, na hata ngera nawifundishire kwa kufunga ndighi, ela ndewerenisikireghe wiwade mafundisho ghapo anduangi.

JEREMIA 35:15

Nadumie wadumiki wapo walodi wose konyu sena na sena ngimzera kula umu onyu ughaluke kufuma kwa chia rake mbiwi, m'boise mighendo yenyu. Msakenugha milungu mizima na kuidumikia, nenyo mchakaia isangenyi neremnekieghe inyo na weke ndeyo. Ela ndemdeghie madu kusikira, hata kusikira ndemusikire.

JEREMIA 6:16

BWANA waghora huwu, “Kaienyi kimusi chienyi ra matano mzighane, mkotie iro chia ra kala, andu iyo chia ndicha iko; mpate kughenda nayo, na kuhora rohonyi konyu. Ela wikaghamba, ‘Isi ndedichaaghenda nayo anduangi.’

JEREMIA 7:26

ela ndewerenisikireghe hata kunideghia kudu; wikachuria kughilika, na kubonya mawiwi kuchumba weke ndee.

JEREMIA 8:5

Kwaki sena awandu wa Jerusalemu wiwurie nyuma wiseheagha? Wiamaziriana na maza ra mikalo, nawo walegha kughaluka na kuhea.

JEREMIA 9:14

ela weenugha nia ra ngolo rawo rikurie, wikanugha Baali sa iji koni weke ndee werewifundishireghe.

EZEKIELI 20:13

Ela hata ahoeni kireti, wandu wa Israeli werenileghieghe; wikalemwa ni kuiwadia memu yapo, wikarilegha sharia rapo wori, iro mundu ukariwadia ukaiagha moyo, na Sabato rapo wikarilusha nandighi. Niko ngawona niwikabe ahoeni kireti, na kuwimeria putu.

EZEKIELI 20:16

angu wileghie memu yapo, na kuleghaenda kwa sharia rapo; wikarilusha Sabato rapo, kwa kukaia werenughieghe milimu yawo ngolonyi kwawo.

EZEKIELI 20:21

“Ela hata wana wokoni wikanilegha; ndewereghendieghe kwa kunugha memu yapo, hata ndeweretalieghe kuwadia sharia rapo, iro mundu ukariwadia uchakaia moyo; sena werenonieghe Sabato rapo. Neregheshereghe ngera kumangu nawikaba kwa machu ghapo aho kireti na kuwimeria putu.

EZEKIELI 20:8

Ela wikanilegha hata ndewerenisikireghe anduangi, mndungi wawo nderedeeghe milimu yake, hata kuisigha milimu ya Misri anduangi. Neregheshereghe ngera kumangu nawikaba kwa machu ghapo aghadi ya isanga ja Misri.

DANIELI 9:6

Dalemelo ni kuwisikira wadumiki wako walodi awo wereghorieghe na wazuri wedu, na wabaa wedu, na weke aba wedu, na wandu wose wa isangenyi kwa irina jako.

HOSEA 10:6

Ugho mlimu ghuchadukwa cha Ashuru ghukaie inosi kwa mzuri. Israeli uchafushwa waya nandighi kwa wundu ghotasa milimu.

HOSEA 4:16

Wandu wa Israeli weeka sa ng'ombe ing'etere; da ini BWANA nidima kumlela wada sa wana wa ng'ondi a mlambenyi?

MIKA 6:16

Kuchapatwa ni agha malagho angu kwaawuyanugha mafundisho gha Mzuri Omri, na gha mwana wake Mzuri Ahabu. Kwanughie njama rawo, nani nichakunona putu, na kula mundu uchakumenya. Kuchamenywa ni wandu kula andu.”

ZEKARIA 7:11

“Ela wandu wapo wereleghieghe kusikira, wikaghilika, wikafindika madu ghawo wisesikire.

WUKUMBUSO 29:19

Mndungi onyu uko aha idime usikiragha malagho gha ilaghano ijo ja ighemi, nao uhoreshe ngolo yake ukighamba, wei ukeduasikira agho malagho na kughilisha ngolo yake ndewonagha ilagho jingi. Ilagho ijo jichareda kutota kwa wose wiboie na wizamie wori.