JEREMIA 7:23 - Biblia Ilagho Jiboie Kwa Wandu Wose

²³ Ela nerewinekieghe momu ughu, ‘Munisikire, nani nichakaia Mlungu onyu, na inyo mchakaia wandu wapo; mghende kwa iyo chia cheni nimlaghiragha mpate kuwona mecha.’

JEREMIA 7:23 ပူးပေါင်းရင်းမြစ်များ

AYUBU 36:11

Wikasikira na kumdumikia, wichatumia matuku ghawo ghisigharikie kwa nicha na kuboilwa.

ZABURI 119:3

Ndewibonyagha makosa, ela wadaghenda kwa chia ya BWANA.

ZABURI 40:6

Oho ndekuna haja ya vizongona na mafunyo ghangi; ela kwaniboisire mumbi. Ndekukunde vizongona vekora hata vizongona kwa wundu ghwa kaung'a anduangi.

ZABURI 81:13

Yakaiagha nicha saki ngera wandu wapo wadanisikira, na Israeli ubonye seji nikunde!

KUFUMA 15:26

“Ngera mchalusikira lwaka lwa BWANA Mlungu onyu kwa loli, na kubonya agho ghiko gha hachi imbiri kwake, kwa kuiwadia sharia yake na malaghiro ghake, niko aho nisechaamredia makongo agho nerewiredieghe Wamisri; kwa kukaia Ini ne BWANA m'boisi wako.”

KUFUMA 16:32

Musa ukaghamba, “Bwana walaghirie angu diwike pishi imweri ya mana kwa wundu ghwa vivalwa vichagha, wipate kuwona ivo vindo oremnekieghe kireti, iji oremfunyireghe isanga ja Misri.”

ISAYA 3:10

Wizerenyi wahachi kukaia maza rawo richakaia nicha, angu wichaja matunda gha mabonyo ghawo.

JEREMIA 11:4

Nerewilaghirieghe weke ndeyo ilaghano ijo, ngelo nerewifunyagha isanga ja Misri, kufuma ijo iriwa ja modo, ngighamba, munisikire na kubonya malagho agho nimlaghiragha, mpate kuwuya wandu wapo na ini nikaie Mlungu onyu;

JEREMIA 11:7

Kwa kukaia nerewiwonyereghe weke ndeyo kwa wumboa ngelo nerewifunyagha isanga ja Misri, ngiwiwonyera sena na sena hata idime iji, ngighamba, munisikire.

JEREMIA 13:11

Sa iji koni mshipi ghuwadanagha na kiwonu cha mundu, niko koni wandu wose wa Israeli na wandu wa Juda nerewibonyereghe wiwadane na ini, eri wipate kukaia wandu wapo kwa kujimanyisha irina japo, na kwa kunikasa, na kwa kunineka ishima. Ela ndewerenisikireghe anduangi.”

JEREMIA 22:21

Nereghorieghe na oho ingelo korekoghe nicha, ela kukaaghora, ‘Sighisikiragha agho.’ Iyo edeeka ni tabia yako kufuma wanake ghwako, na jingi ndekonisikira.

JEREMIA 22:3

BWANA waghamba, m'bonye malagho gha loli na gha hachi, mmbunje kilambo cha uo usokelo ni mkorongi. Msebonye kiwiwi, angu kumkita mghenyi, angu mwana mkiwa, angu muka mkiwa, angu kudia bagha ya mundu usena ikosa andu aha.

JEREMIA 24:7

Nichawineka ngolo emanya kukaia ini ne BWANA, nawo wichawuya wandu wapo, nani nichakaia Mlungu wawo, kwa kukaia wichaniwuria kwa ngolo rawo rose.

JEREMIA 31:33

Ela ilaghano nichaajibonya na wandu wa Israeli nyuma ya matuku ghaja nijo iji: Nichawika sharia yapo andenyi kwawo, nani nichaiandika aighu ya ngolo rawo; nichakaia Mlungu wawo nawo wichakaia wandu wapo.

JEREMIA 32:23

nawo wikangia na kujiwusa. Ela ndewerekusikireghe hata kughenda kwa sharia rako. Ndewerebonyereghe ilagho jingi ja agho korewilaghirieghe wibonye. Kwa huwo niko kubonyere wikachelwa ni ughu wuwiwi ghose.

JEREMIA 38:20

Ngaghamba, “Ndewikuwadagha kungi. Oho sikira lwaka lwa BWANA kwa ghose nikughoriagha, na oho kuchakaia nicha hata ndekuchaabwaghwa anduangi.

JEREMIA 42:6

Dichalusikira lwaka lwa BWANA, uo dakuduma kwake ikaiagha ni kwa mawiwi angu kwa mecha, dipate mecha iji damsikira BWANA Mlungu odu.”

ZEFANIA 3:2

Ndeghumsikiragha BWANA hata kurumiria makosa ghake. Ndeghumrumiriagha BWANA hata kulola wutesia ghwake.

ZEKARIA 6:15

Wandu wa kula wichacha kutesia kuiagha Hekalu ya BWANA, nenyo mchamanya kukaia ni BWANA Uwadie-Ndighi-Rose unidumie konyu. Maza iri rose richabonyeka kasikira mwafunga ndighi kumsikira BWANA Mlungu onyu.

ZEKARIA 7:7

Agha malagho nigho gheni BWANA oreghighoragha ukitumia walodi wa imbiri, ingelo Jerusalemu erekoghe nicha ichulo ni wandu; ngelo wandu werekoghe wengi wikikaia mizinyi na mbai mbai yaro, na masanga gha kusinyi, na wurindinyi cha magharibi kirimbenyi cha mighondi.

WAROMA 16:26

ela idana yamerie kufunukulwa worinyi kwa chia ya maandiko gha walodi, na kumanyishwa kwa mbari rose, karakara na momu ghwa Mlungu wa kala na kala, ghoreda uko kusikira kwa chia ya irumirio;

2 WAKORINTHO 10:5

Isi davuchua kula kindo chikujosagha cheni na kubonya nganyi aighu ya kumanya kwa Mlungu, na kujidwa wunyika kula ighesho, jipate kumsikira Kristo.

WUKUMBUSO 11:27

Iji mwasikira malaghiro gha BWANA Mlungu onyu nimlaghiragha idime mcharasimilwa.

WUKUMBUSO 13:4

Mumnughe BWANA Mlungu onyu na kumuobua; mmbwadie memu yake na kumsikira; na inyo mumtase na kumaziriana nao.

WUKUMBUSO 13:5

Ela uja mlodi angu mtambushiri ndodo, uchabwaghwa; angu wafundisha maza remlegha BWANA Mlungu onyu, uo oremfunyireghe isanga ja Misri; ukamkombua kufuma nyumba ya wuzumba. Mundu ufwane huwo ni mmbiwi, nao waawuyatima kumfunya kwa chia ya irangi BWANA umnekie. Suti ubwagho eri muinjikie ugho wuwiwi.

WUKUMBUSO 30:2

Mkaghaluka na kummburia BWANA Mlungu onyu na wana wenyu, kumsikira na kukatisha agho nimlaghiragha idime kwa ngolo renyu rose, na kwa roho renyu rose,

WUKUMBUSO 30:20

Mumkunde BWANA Mlungu onyu; mumsikire na kuwadiana nao; angu kwa kubonya huwo, mchakaia na irangi, sena mchakaia na matuku mengi isangenyi ijo BWANA orewilaghirieghe weke ndeyo, Abrahamu, na Isaaka na Jakobo kukaia uchawineka.”

WUKUMBUSO 30:8

Nenyo mchamsikira BWANA Mlungu onyu sena, na kughiwadia malaghiro ghake ghose nimlaghiragha idime.

WUKUMBUSO 4:10

seji morewonieghe iji morekoghe kimusi imbiri ya BWANA Mlungu onyu aja Mghondi ghwa Sinai ngelo orenizerieghe, ‘Nikwanyire wandu, nipate kuwibonya wisikire malagho ghapo, eri wipate kukufundisha kuniobua matuku ghose wichaakaia moyo ndoenyi; nawo wipate kuwifundisha wana wawo wokoni.’

WUKUMBUSO 4:40

Kwa huwo kuriwadie sharia rake na malaghiro ghake, agho nikulaghiragha idime, eri kupate kukaia nicha, na kivalwa chako kupate kukaia luma andenyi ya ijo isanga kunekwagha ni BWANA Mlungu wako kwa kala na kala.”

WUKUMBUSO 5:16

“‘Kuwibonyere ishima ndeyo na mayo, sa iji koni BWANA Mlungu wako orekulaghirieghe, eri matuku ghako ghikaie mengi, kuwone nicha isangenyi nawuyakuneka ini BWANA Mlungu wako.

WUKUMBUSO 5:29

Hee, na ngera wadakaia na iyo nia cheni eniobua na kuiwadia memu yapo kari kose, yadakaia nicha kwawo na kwa wana wawo kwa kala na kala.

WUKUMBUSO 5:33

Mghende seji BWANA Mlungu onyu ulaghirie, mpate kukaia moyo na kuwona nicha; matuku ghenyu ghikaie mengi andenyi ya isanga mchaajiwusa.

WUKUMBUSO 6:3

Kwa huwo sikira ee Israeli, kulindie kughibonya, kupate kuwona nicha na kuchurikia nandighi isangenyi jinorie, sa iji koni BWANA Mlungu wa weke ndeyo ukulaghirie.

WAEBRANIA 5:9

nao umeria kukatishwa, ukawuya kuzoya kwaro kuja kukia kwa kala na kala, kwa awo wose wimsikiragha;

1 SAMUELI 15:22

Nao Samueli ukaghamba, “Kwani BWANA wadaboilwa ni mafunyo na vizongona vekora kuchumba seji uboilwagha ni kusikirwa? Ola kumsikira BWANA kwaboie kuchumba kizongona, na kusikira kwaboie kuchumba mavuda gha bauru.