JEREMIA 7:19 - Biblia Ilagho Jiboie Kwa Wandu Wose

¹⁹ Welee, ni ini wawuyanivavira? Wele ndawaawuyakuvavira na kukufusha waya wenii anguwada?

JEREMIA 7:19 ပူးပေါင်းရင်းမြစ်များ

EZRA 9:7

Kufuma matuku gha weke aba, hata idana isi wandu wako dabonyere kaung'a na ndighi. Kwa wundu ghwa kaung'a redu, isi chiaimweri na wazuri wedu, na wakohani wedu, dangirie mikonunyi kwa wazuri wa kighenyi, dikabwaghwa, dikadwalwa wunyika, dikasokwa, na kusowelwa ishima, seji diko idime.

AYUBU 35:6

Kukabonya kaung'a ndekum'bonyagha Mlungu ilagho jingi. Kaung'a rako rikakaia nyingi rim'bonya wada?

ISAYA 1:20

ela mkalegha kusikira putu, mchatoteshwa kwa lufu, angu ini BWANA naghora ilagho iji.”

ISAYA 1:24

Kwa huwo BWANA, uo BWANA wa majeshi, Uo-Uwadie-Ndighi wa Israeli waghamba: “Aa! Nichawonyera machu ghapo aighu yenyu inyo wamaiza wapo, na kulipa kisasi aighu yenyu inyo watangali wapo.

ISAYA 45:16

Wandu wose wibonyagha milimu, wakambwa ni chongo na kufwa waya wisemanyagha jebonya.

JEREMIA 15:9

Muka orevaeghe wana mfungade uchasilwa ni ngolo na kudumbuka; uchaserelwa ni kira nadime; wafushwa waya na kusowelwa ishima. Awo wisigharikie wichabwaghwa wudenyi, na kughwa imbiri ya wamaiza wawo,” waghamba BWANA.

JEREMIA 2:17

Agha malagho ndekookuredia kumoni ee Israeli, kwa wundu ghwa kunisigha ini BWANA Mlungu wako, ingelo nerekoghe ngikughenja chienyi?

JEREMIA 2:19

Mawiwi ghako gheni ghichakuneka adhabu, na kuwuya nyuma kwako kuchakukemia. Zighana kuwone kukaia ni ilagho iwiwi sena jibirie ja oho kunisigha ini BWANA Mlungu wako; ndekuwadie ghuja wundu ghwa kuniobua ini andenyi kwako.”

JEREMIA 20:11

Ela BWANA oko luwaru lwapo, ing'oni jiwadie ndighi; kwa huwo watiriri wapo wichakuwa, ndewichaanisima anduangi. Wichafwa waya na ndighi, angu wisechaadima ilagho jingi; kusowekelwa ni ishima kwawo kwa kala na kala ndekuchaaliwika jingi.

JEREMIA 22:22

Mbeo ichaweta kuwiinja wabonyi nguma wako; na wakundwa wako wichadwalwa wunyika; aho niko kuchaafwa waya nandighi, kwa wundu ghwa wuwiwi ghwako ghose.

JEREMIA 25:7

BWANA waghamba, ‘Ela sena ndemcheenisikira, eri mpate kunivavira na kuwusira machu ghapo kwa wundu ghwa iro kazi ra mikonu yenyu, nenyo mpato ni wasi.’

JEREMIA 3:25

Idana ndedilale andonyi kwa wundu ghwa waya ghodu, na uko kusowekelwa ni ishima kodu ndekudifinikire; kwa kukaia dabonyere kaung'a kwa BWANA Mlungu odu, chiaimweri na weke aba, kufuma wanake ghodu hata idime, hata ndederelusikireghe lwaka lwa BWANA Mlungu odu anduangi.”

JEREMIA 44:3

kwa wundu ghwa wuwiwi wereghubonyereghe na kuwusira machu ghapo, iji wereghendieghe kufukiria milungu mizima marumba na kuitasa; iyo, awo weni angu inyo, hata weke ndeyo wisereimanyireghe anduangi.

JEREMIA 8:19

Sikirenyi kililo cha wandu wapo mzinyi, kufuma wulacha ghwaro ii chia, hata wushapa ghwaro ii chia “Welee, BWANA waaisigha Jerusalemu putu? Huwo mzuri wa Jerusalemu ndeuko?” BWANA watumbulia, “Kwaki wanivaviragha ngolo na iro fwana rawo rewachwa; na iyo milimu yawo ya kighenyi?”

JEREMIA 9:19

Lwaka lwa kililo lwasikirika Jerusalemu, “Danonwa, dafushwa waya putu; kwa kukaia damerie kusigha isanga, na malalo ghedu ghamerie kughushwa ni wamaiza.”

EZEKIELI 16:26

Sena kwabonyere wumalaya na majirani ghako Wamisri, wichulo ni bea; kukachuria wumalaya ghwako eri kupate kunivavira.

1 WAKORINTHO 10:22

Wele diam'bonya Bwana uwado ni iriso? Kwani deko nandighi kumchumba?

WUKUMBUSO 32:16

Kutasa milimu kwawo korem'bonyereghe kuwadwa ni iriso, mabonyo ghawo ghizamie ghikamjosa machu.