JEREMIA 7:18 - Biblia Ilagho Jiboie Kwa Wandu Wose

¹⁸ Wana waawuyashoa mbande, na weke ndee wiakora modo; waka wiaruwa mufu wibonye mkate kwa wundu ghwa mlungu ghwa waka wighuwangagha Malkia wa Mlungunyi. Nawo wadunga vizongona venywa kwa milungu mizima, wipate kuwusira machu ghapo.

JEREMIA 7:18 ပူးပေါင်းရင်းမြစ်များ

1 WAZURI 14:9

Ela oho kwabonyere mawiwi kuchumba agho ghose gherebonyeroghe ni wazuri werekoghe imbiri kwako. Kwakubonyere kumoni milungu mizima na fwana rechana; kukanilegha kwa kuwusira machu ghapo.

1 WAZURI 16:2

“Nerekujosereghe oho kufuma terinyi, ngakubonya kilongozi wa wandu wapo Israeli, ela korenughieghe kaung'a ra Jeroboamu, kukawishekeria wandu wapo Israeli kubonya kaung'a. Kwanibonyere nijoko ni machu kwa wundu ghwa kaung'a rawo.

ZABURI 16:4

Awandu wikimbiriagha milungu mizima, wadachuria wasi ghwawo; sichaakaia na wungara na vizongona vawo hata sidimagha kutasa milungu yawo.

ISAYA 3:8

Jerusalemu yamerie kukuwa, Juda yamerie kughwa; kwa kukaia madedo ghawo na mabonyo ghawo ni ghelwa na BWANA, nagho ghanona wubaa ghwake.

ISAYA 57:6

Mwadalola magho ghidendere mavongonyi, ghiwuye andu konyu kotasira; mwadadunga kizongona chenywa aho, na kureda mafunyo gha viro; muaghesha maza iro richanihoresha?

ISAYA 65:11

Ela ndeichaakaia huwo konyu inyo munisighagha ini, na kuleghatala ugho mghondi ghwapo ghwa wueli; inyo mtasagha mlungu Bahati, na mlungu Ndengwa.

ISAYA 65:3

Wandu winivaviragha matuku ghose, wikifunya vizongona vawo a mbuwenyi, na kufukira marumba a matofalinyi.

JEREMIA 1:16

Nani nichareda kutanya kwapo aighu ya wandu wapo, kwa wundu ghwa ugho wawiwi ghwawo ghose ghonilegha ini, na kufukiria milungu mizima marumba na kwa wundu ghwa kutasa kazi ra mikonu yawo cheni.

JEREMIA 11:17

Ini BWANA wa majeshi, uo orekuwaeghe wamerie kughora mawiwi aighu yako, kwa wundu ghwa mawiwi ghibonyero ni wandu wa Israeli na wandu wa Juda; wikanivavira ngolo kwa kumfukiria Baali marumba.”

JEREMIA 17:2

ingelo wana wawo wikumbukagha madhabahu ghawo na Ashera mlungu ghwawo ghwa waka, mbai na mbai ya kula mudi ghuko na malemba mawishi na aighu ya mighondi mitini,

JEREMIA 19:13

Na nyumba ra Jerusalemu na nyumba ra wazuri wa Juda, iro nyumba rose rerefukiriloghe marumba kwa majeshi gha mlungunyi aighu ya mapaa gharo, na vizongona venywa vose verediriloghe kwa milungu mizima, aighu yaro, richanonwa kara kara na Tofethi.’”

JEREMIA 25:7

BWANA waghamba, ‘Ela sena ndemcheenisikira, eri mpate kunivavira na kuwusira machu ghapo kwa wundu ghwa iro kazi ra mikonu yenyu, nenyo mpato ni wasi.’

JEREMIA 32:29

Awo Wababuloni wawuyalwa na ughu muzi wichacha na kughukora, wichaghukoranya chiaimweri na nyumba iro wandu waro werekoghe wikimfukiria Baali marumba aighu ya mapaa gharo; wikifunya mafunyo gha kunywa kwa kughidiria milungu mizima, eri winivavire na kuniwusira machu.

JEREMIA 44:25

BWANA wa majeshi, uo Mlungu wa Israeli waghamba huwu, “Inyo na waka wenyu mwamerie kughora worinyi kwa memu yenyu na kukatisha kwa mabonyo ghenyu, mkighamba mchakatisha maghemi ghenyu agho maghemi ghenyu moreghibonyereghe ghemfukira marumba Malkia wa Mlungunyi na kumdungia vizongona venyu venywa. Idana bonyenyi na kukatisha maghemi ghenyu.

JEREMIA 44:4

Nani nerewidumieghe wadumiki wapo walodi wose konyu sena na sena ngighamba, ‘Msebonye ughu wuwiwi niseghukunde.’

JEREMIA 7:17

Ndekuwuewona seji wibonyagha andenyi ya mizi ya Juda, na chienyi ra Jerusalemu?

KILILO CHA JEREMIA 5:13

Wandu wedu wa irika wiadumikishwa kusha viro sa wazumba, wanake wiaghenda wikitatarika kwa kudukishirwa mbande rilemere.

EZEKIELI 16:26

Sena kwabonyere wumalaya na majirani ghako Wamisri, wichulo ni bea; kukachuria wumalaya ghwako eri kupate kunivavira.

EZEKIELI 20:28

Angu iji nerewiredieghe isanga nerewilaghirieghe kuwineka, werezoeghe kufunya vizongona vawo aighu ya kula mghondi wereghuwonieghe, na aisi ya kula mudi m'baa ghukambie, wikawusira machu ghapo wikifukira marumba aho, na kufunya vizongona venywa.

EZEKIELI 8:16

BWANA ukanireda waza ya ndenyi ya Hekalu ya BWANA; ngawona a mnyangonyi ghwa Hekalu ya BWANA, ghadi na ghadi ya lukumbi na madhabahu, wandu mirongo iwi na wasanu walangaya cha mashariki na kuwikia Hekalu ya BWANA mighongo yawo; nawo werekoghe wikitasa iruwa jerekoghe jikibuka noko cha mashariki.

EZEKIELI 8:17

BWANA ukanizera, “Mwana wa mdamu, kwawona agha? Wandu wa Juda ndewiwuekatwa ni wuchafu wawuyaghubonya aha, wachuria wuwiwi ghobonya wuda isangenyi, na kuchuria kunibonya nijoko ni machu. Wona sena wiangira lumbashu mbuonyi kwawo.

1 WAKORINTHO 10:22

Wele diam'bonya Bwana uwado ni iriso? Kwani deko nandighi kumchumba?

WUKUMBUSO 32:16

Kutasa milimu kwawo korem'bonyereghe kuwadwa ni iriso, mabonyo ghawo ghizamie ghikamjosa machu.

WUKUMBUSO 32:21

Waniredie machu kwa wundu ghwa milungu yawo, wanibonyere nikaie na iriso kwa iyo milungu iseko milungu ingi loli. Kwa huwo nichawibonya wiwawo ni ngolo kwa kutumia mbari imu; nichawibonya wiwado ni iriso kwa kutumia mbari ya makelu.

WUKUMBUSO 4:19

Sena mkulindie, isekaie iji mwawusira meso ghenyu cha mlungunyi na kuwona iruwa, mori na nyerinyeri, ijeshi jose ja mlungunyi nao mlaghalo kwa kuritasa na kuridumikia, navo ni vilambo BWANA Mlungu onyu uwinekie wandu wose wiko aisi ya mlungunyi kose.