JEREMIA 7:14 - Biblia Ilagho Jiboie Kwa Wandu Wose

¹⁴ Kwa wundu ugho, sa iji koni nerebonyereghe Shilo, nichaibonyera wokoni iyo Hekalu iwangilo kwa irina japo, iyo muko na irumirio nayo, na andu aho nerekunekieghe weke ndeyo na inyo.

JEREMIA 7:14 ပူးပေါင်းရင်းမြစ်များ

2 WAZURI 25:9

Ukaikora Hekalu na ngome ya mzuri, na nyumba rose ra wabaa rerekoghe andenyi ya muzi ghwa Jerusalemu.

2 MALAGHO GHA NGELO 7:21

“Na kula mundu uchaaidia ihi Hekalu ikumikie, uchashinika na kughamba, ‘Kwaki BWANA ubonyere iji isanga na ihi Hekalu huwu?’

ZABURI 78:60

Oresighieghe Shilo andu kwake kokaia, ukasigha iyo hema andu orekoghe ukikaia aghadi ya wandu.

ISAYA 64:11

Hekalu yedu ighokie ya wueli, andu weke aba werekukasagha oho, yamerie kukorwa, na kula andu kodu kuboie kwamerie kunonwa.

JEREMIA 12:7

BWANA waghamba, “Namerie kumsigha Israeli, namerie kusigha wandu wapo. Namerie kumngira mkundwa wapo wa ngolonyi, mikonunyi kwa wamaiza wake.

JEREMIA 23:39

kwa wundu ugho nichamshoa na kumkumba noko nisemmboneghe, chiaimweri na ughu muzi neremnekieghe na weke ndeyo.

JEREMIA 26:18

“Mika wa Moreshethi orefunyireghe wulodi matuku gha Hezekia mzuri wa Juda, ukawizera wandu wose wa Juda, ‘BWANA wa majeshi, waghamba huwu, Sioni ichalimwa sa mbuwa, Jerusalemu ichawuya kitungu cha maghacho na mghondi ghwa Hekalu ghuchawuya msidu.’

JEREMIA 26:4

Kuwizere, ‘BWANA waghamba huwu: Mkalegha kunisikira na kunugha sharia rapo niriwikie imbiri konyu,

JEREMIA 7:10

nao sena muche na kukaia kimusi imbiri kwapo andenyi ya nyumba ihi iwangilo kwa irina japo mkighamba, ‘Dakirilo!’ Sena ii chia muabonya agho mawiwi ghose?

JEREMIA 7:12

Idana ghendenyi aho kwapo Shilo andu nerekusaghueghe kufuma imbiri, mpate kuwona seji nerekubonyereghe kwa wundu ghwa wuwiwi ghwa wandu wapo Israeli.

JEREMIA 7:4

Msakeghirumiria agha malagho gha tee gheghora, ‘Ihi ni Hekalu ya BWANA, Hekalu ya BWANA, Hekalu ya BWANA.’

KILILO CHA JEREMIA 2:7

BWANA waileghie madhabahu yake na kuisigha Hekalu yake ya wueli. Warumiria m'maiza ukavuchua mawurigha gharo. M'maiza ukakema kwa wusimi andu derekoghe dikitasa kwa kuboilwa.

KILILO CHA JEREMIA 4:1

Dhahabu yedu ing'alaa-ng'ala eefuwia; magho gha zoghori mbaa gha Hekalu gheesasarika achienyi.

EZEKIELI 23:31

Kwanughie chia ra mwanyinyu; kwa huwo nichakunyosha kikombe cha ikabo jake.”

EZEKIELI 24:21

‘Kuwizere wandu wa Israeli, ini Bwana MLUNGU naghamba huwu: Ola nichakulusha Andu kwapo kwa Wueli, andu mukukasire nako sa saghi yenyu, andu kumghokiagha na kukukunda ngolonyi konyu; nani nichabonya wana wenyu wa womi na wa waka muwisighie nanyuma, wibwagho kwa lufu.

WUKUMBUSO 12:5

Ela mchalola wulalo andu BWANA Mlungu onyu uchaakusaghua kufumanya na vichuku venyu vose, upate kukubonya kukaia andu komtasira;

WUKUMBUSO 28:52

Wichakumaria mbai-mbai andenyi ya mizi yako yose, na mawurigha ghako ghimange ghiko ighu, agho korekusaghikagha nagho, ghichavuchulwa isangenyi kwako kose, ijo kunekwaghwa ni BWANA Mlungu wako.