JEREMIA 7:10 - Biblia Ilagho Jiboie Kwa Wandu Wose

¹⁰ nao sena muche na kukaia kimusi imbiri kwapo andenyi ya nyumba ihi iwangilo kwa irina japo mkighamba, ‘Dakirilo!’ Sena ii chia muabonya agho mawiwi ghose?

JEREMIA 7:10 ပူးပေါင်းရင်းမြစ်များ

1 WAZURI 9:3

BWANA ukamzera, “Nameria kusikira malombi ghako na kuvoya kwako. Namerie kuiwika wakfu ihi Hekalu kuiaghie ikaie andu konitasira matuku ghose. Nichakaia ngiizighana, na kuilindia tulituli.

2 WAZURI 21:4

Ukaagha madhabahu ya milimu andenyi ya Hekalu aho Jerusalemu, aeni BWANA oreghorieghe niko uchaajiwika Irina jake utasoghe;

2 MALAGHO GHA NGELO 33:4

Ukaagha madhabahu ra milimu andenyi ya Hekalu, iyo BWANA oreghambieghe, kukaia uchakaia ukitaswa andenyi ya Jerusalemu kwa kala.

2 MALAGHO GHA NGELO 33:7

Ukabonya fwana ya mlimu na kuiwika andenyi ya Hekalu, iyo Mlungu oremzerieghe Daudi na mwana wake Solomoni kukaia, “Andenyi ya Hekalu ihi iko Jerusalemu andu nikusaghue kwa vichuku vose va Israeli,

MAKATANISHO 15:8

Vizongona va mmbiwi vadamzamia BWANA, ela ilombi ja mundu mucha jadam'boia.

ISAYA 48:2

Mwadakuwanga mmbeni wana wa muzi ghwa wueli, na kukusaghika kwa uo Mlungu wa Israeli; uo irina jake ni BWANA wa majeshi.

JEREMIA 32:34

Wadawika milimu yawo ya wuchafu andenyi ya Hekalu iwangilo kwa irina japo, wipate kuilusha.

JEREMIA 34:15

Kafwani koni moreherieghe, na kubonya agho ghiko gha hachi imbiri kwapo, kwa kueresha malagho gha wuhuru kwa kula umu onyu, mkabonya ilaghano imbiri kwapo andenyi ya Hekalu yapo;

JEREMIA 44:9

Welee, mooliwa agho mawiwi gha weke ndeyo, na mawiwi gha wazuri wa Juda na waka wawo; na wuwiwi ghonyu inyo mmbeni na waka wenyu, ugho wereghubonyereghe andenyi ya isanga ja Juda, na chienyi ra Jerusalemu?

JEREMIA 7:11

Welee, i nyumba iwangilo kwa irina japo eewuya mbanga ya viting'a konyu? Ola nariwona iri maza ini moni, waghamba BWANA.

JEREMIA 7:14

Kwa wundu ugho, sa iji koni nerebonyereghe Shilo, nichaibonyera wokoni iyo Hekalu iwangilo kwa irina japo, iyo muko na irumirio nayo, na andu aho nerekunekieghe weke ndeyo na inyo.

JEREMIA 7:30

“Wandu wa Juda wabonyere ilagho jizamie imbiri kwapo, wawikie milimu yawo andenyi ya Hekalu iwangilo kwa irina japo wipate kuinona.

EZEKIELI 20:39

“Na inyo ee wandu wa Israeli, ini Bwana MLUNGU naghamba huwu: Ngera msekunde kunisikira, kula umu onyu ndeghende kudumikia milimu yake kufuma idana, hata konyuma wori; ela irina japo ijo ndemchaajilusha sena kwa kufunyira milimu yenyu manosi.

EZEKIELI 23:29

Wichazamilwa na kulwa na oho; wicharinona kazi rako rose kubonyere, wikusighe duu, hata wuduu ghwa wumalaya ghwako ghuwoneke worinyi. Wulaki na wumalaya ghwako

EZEKIELI 23:37

Wabonyere wulaki na kubwagha; watasire milimu yawo, na kuifunyira vizongona va wana wawo winivaie.

EZEKIELI 23:39

Iji werewifunyagha wana wawo wibwagho kizongona kwa milimu, wedewifunya ngelo ija cheni werengirieghe Andu kwapo kwa Wueli wipate kukulusha. Huwo niko werebonyereghe andenyi ya Hekalu yapo.

EZEKIELI 33:25

Kwa huwo kuwighorie seji ini, Bwana MLUNGU nawuyaghamba: Inyo mwadaja nyama iko na bagha, na kutasa milimu yenyu, na kubwagha wandu; welee, mwadima kujiwusa iji isanga?

EZEKIELI 33:31

Nawo wadaacha kwako sa ngelo rose, na kusea kidombo imbiri kwako sa wandu wapo, na kusikira agho kughoragha, ela ndewibonyagha sa iji wazerwa; kwa kukaia wawonyera lukundo kwa memu yawo, ela ngolo rawo rianugha fwaida rawo.

EZEKIELI 5:11

“Kwa wundu ugho, sa iji nikaiagha moyo, kwa loli angu kukulushire Andu Kwapo kwa Wueli na maza rako rizamie, na wuchafu ghwako ghose; nichakuinja hata nisekuwonie wughoma, hata sichaakulekia.

DANIELI 9:18

Degha kudu kwako kusikire ee Mlungu wapo; zighana kuwone wuduu ghodu, na ugho muzi ghuwangilo kwa irina jako. Ndediwuekuvoya angu wei diko na hachi ingi imbiri kwako, ela ni kwa wundu ghwa wungi ghwa wughoma ghwako.

HOSEA 6:9

Wakohani weeka sa vitoi vilaliriagha mundu. Wadabwagha hata achienyi ya wueli eghenda Shekemu. Wadabonya maza iri rose mbiwi kwa kidali tu.

AMOSI 4:5

Funyenyi vizongona va chawucha va mkate ghwa chachu, mtangaze mafunyo ghifunywagha kwa ngolo, na kughighoragha; angu niko mkundagha inyo wandu wa Israeli!

ZEFANIA 1:5

Nichatotesha kula mundu ujokagha aighu nyumbenyi kutasa iruwa na mori na nyerinyeri. Sena nichawitotesha awo winitasagha na kughema kwa irina japo sena ii chia wiaghema kwa irina ja ghuja mlungu Moleki.

MALAKI 3:15

Seji diwonie, wandu wikukasire niwo wawuyawona nicha. Wandu wawiwi ndewiwonagha nicha tu, ela hata iji wamtima Mlungu kwa uko kurumaghia kwake, wafufunuka wisepatiro ni ilagho jingi.’”

MATHAYO 23:13

“Ni bugha konyu inyo walimu wa Sharia na Mafarisayo, waji-kuwi! Angu mwaghurugha mnyango ghwa Wuzuri ghwa mlungunyi; inyo mmbeni ndemngiagha, na awo wikundagha kungia mwawighiria. [

JOHANE 13:18

“Siwueghora huwu kwa inyo mmbose anduangi, angu nawiichi awa niwisaghue, ela ni suti Maandiko ghikatie, agho ghighambagha, ‘Uo dijanye vindo vapo, waghalukie ulo nani.’

JOHANE 18:28

Nao nakesho wikamfunya Jesu kwa Kayafa wikamghenja ngomenyi iwangwagha praetoriumu, nawo ndewerengirieghe andenyi ya praetoriumu wichelushwa, eri wipate kuija Pasaka.