JEREMIA 6:7 - Biblia Ilagho Jiboie Kwa Wandu Wose

⁷ Seji kisima chifunyagha machi ghihorie ni huwo koni Jerusalemu ikaiagha na wuwiwi ghwake; lung'eto na kunoneka vasikirika andenyi yake, wukongo na vonda vawoneka imbiri kwapo kari kose.

JEREMIA 6:7 ပူးပေါင်းရင်းမြစ်များ

MAKATANISHO 4:23

Lindia ngolo yako kuchumba vilambo vose, angu aho niko ndoria ya irangi ifumagha.

ISAYA 1:6

Kufuma lwau lwako hata chongo, ndekuwadie wubanana ghungi; ela ni kuvonoka na vonda, na ngoru riruchagha; ndevioghoshero hata kufungwa, hata ndevishingilo mavuda anduangi.

ISAYA 57:20

Ela wandu wawiwi wichakaia sa mivo-mivo ya bahari isehoragha, machi gharo ghachue mazozo na wuchafu.

ISAYA 59:6

Midambo-dambo yaro ndeichaafwana kwa kuluka nguwo, hata wandu ndewidimagha kukufinikira iro nguwo mwaribonya. Kazi renyu ni mbiwi, na mikonu yenyu yachua mabonyo ghizamie.

JEREMIA 20:8

Kula ngelo nidedagha nawuyalila, ngikema, “Makorongo na kunoneka!” Kwa huwo uko kujighora ilagho ja BWANA, kwaniredia masholio na matiriro dime dii.

JEREMIA 30:12

BWANA waghamba, “Kushoghonoka konyu ndekuchaaboa jingi, na chonda chenyu chazamie.

JEREMIA 30:13

Ndekuwadie mndungi otesia maza renyu, na wughanga ghwa chonda chenyu ndeghuko, ndeidimikagha m'boo.

JEREMIA 30:15

Kwaki mlalamikagha aighu ya kushoghonoka konyu? Luwawo lonyu ndeluchaasia; kwa kukaia wuwiwi ghonyu ni m'baa na kaung'a renyu ni nyingi, niko nim'bonyere agho malagho.

JEREMIA 32:31

Wandu wa muzi ughu wanibonyere ngajokwa ni machu kufuma ghwaaghwa hata linu; kwa huwo nichaghuinja niseghuwoneghe

JEREMIA 8:22

Wele wughanga ghungi ghohoresha ndeghuko Gileadi? Ndekuwadie mghanga ungi aho? Kwaki sena wandu wapo wiseboagha?

EZEKIELI 21:29

Ngelo wimlaghuyagha na kuwona mawono gha tee kwa wundu ghonyu, wichadumbulwa marangi na ulo lufu, kwa wundu ghwa wuwiwi ghuzamie nandighi. Ituku jawo ja kutua jekabwa jameria kuvika.

EZEKIELI 24:7

Bagha ra wandu wibwaghilo andenyi yaro nderidikie andonyi ridimagha kufinikirwa ni ndoe; reedikia maghonyi.

EZEKIELI 45:9

“Ini Bwana MLUNGU naghamba huwu: Uko kutumia ndighi konyu na kukoronga wandu kwakata ee wabaa wa wandu wa Israeli. Sighenyi agho, m'bonye maza ra loli na hachi; sighenyi kusoka wandu wapo. Ini Bwana MLUNGU naghamba.

EZEKIELI 7:11

Lung'eto lwachurikia lukawuya ikabo ja wuwiwi, hata ungi wawo ndechaasigharika, hata wungi ghwa wandu wawo, na mali rawo, hata kilambo chingi chiboie kuchumba aghadi kwawo.

EZEKIELI 7:23

Boisenyi minyororo, kwa kukaia isanga jachulwa ni kudia bagha, na muzi ghwachulwa ni makorongo.

ZEFANIA 3:1

Ni bugha kwa Jerusalemu, muzi ghunonekie ghuleghagha kumsikira Mlungu na kukoronga wandu wake weni.