JEREMIA 6:29 - Biblia Ilagho Jiboie Kwa Wandu Wose

²⁹ Mpuputo ghwaawuyafuria modo kwa ndighi mbaa, kuinja risasi, ela iyo kazi eelesha yaawuyabonywa duu, kwa kukaia awa wandu weeranganywa na wawiwi.

JEREMIA 6:29 ပူးပေါင်းရင်းမြစ်များ

MAKATANISHO 17:3

Feza na dhahabu radatimwa kwa modo; ngolo radatimwa ni BWANA.

ISAYA 49:4

Ela ini nereghambieghe, “Neebonya kazi nduu, ndighi rapo neeritumia kwa maza ra duu; ela kwa loli hachi yapo eko kwa BWANA, na malipo ghapo gheko kwa Mlungu wapo.”

JEREMIA 15:19

BWANA waghora huwu, “Kukahea nichakuwunja kupate kunidumikia. Kukadeda malagho mecha wulalo ghwa agho ghisena fwaida, kuchawuya mundu ojigora ilagho japo; wandu wichakunugha oho, hata ndekuchaawinugha awo anduangi.

JEREMIA 9:7

Kwa huwo BWANA wa majeshi waghamba huwu: “Olenyi nichawielesha sena niwitime; da nibonya ilaghoki kwa wundu ghwa wandu wapo?

EZEKIELI 24:12

Nabonya kazi nduu, ngama yaro eeka nyingi isedimikagha kuinjwa ni modo.

EZEKIELI 24:13

Ngama yaro ni agho mabonyo ghako ghizamie gha wulaki ee Jerusalemu. Angu kumangu nakueleshere, ela koolema kuela kufumanya na wuchafu ghwako; kwa huwo ndekuchaaeleshwa sena hata nameria kukatisha lubio lwapo aighu yako.

HOSEA 11:7

Wandu wapo wachuria kughaluka na kunilegha. Wichalila kwa wundu ghwa ghongolo iko kwawo, ela ndekuwadie mndungi uchaaiinja kufuma kwawo.

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

1 PETRO 1:7

eri wuloli ghwa irumirio jenyu jiko ja zoghori mbaa kuchumba dhahabu, iyo hata ngera ni etota, yadatimwa kwa modo; jipate kumredia kukaswa, na wubaa, na ishima, ngelo ya kufunukulwa kwa Jesu Kristo.

1 PETRO 4:12

Wakundwa, msakeshinulwa ni agho matimo ghibirie ghawuyamchea kumtima, seji kuamba ni malagho gha kighenyi ghawuyabonyeka konyu.

WATANYI 17:4

Niko ukammbunjira mae iro feza. Nao mae ukawusa vibelele maghana awi va feza, ukamneka mchani feza, nao ukaboisa navo ugho mlimu ghuwachilo na kushingwa feza; nagho ghukawikwa andenyi ya nyumba ya Mika.