JEREMIA 6:23 - Biblia Ilagho Jiboie Kwa Wandu Wose

²³ Wadwae ndana na mafumu ghawo; wang'etere hata ndewiwadie wughoma ghungi. Tiri ra kughenda kwawo ni kara kara na kururuma kwa bahari; wajoka aighu ya farasi na kukupanga sa mundu uko tayari kwa wuda, wipate kulwa na oho ee Jerusalemu.”

JEREMIA 6:23 ပူးပေါင်းရင်းမြစ်များ

ISAYA 10:32

Idime jeni wamaiza wichalala Nobu, nawo wichaghuzaruma Mghondi ghwa Sioni, ugho mghondi ghwa Jerusalemu.

ISAYA 13:18

Wichabwagha wandu wa irika kwa ndana na mawanu ghawo. Ndewichaakaia na wughoma gungi kwa wana wiongagha, hata kuwiwonia wughoma wana watini.

ISAYA 17:12

Sikirenyi chwaka ra wandu wa mbari nyingi, rikiruruma sa kuruma kwa bahari; ni kururuma kwa iro mbari ra wandu sa kughona kwa machi mengi.

ISAYA 19:4

nani nichawingira Wamisri mikonunyi kwa bwana mkorongi, nawo wichabonyerwa nguma ni mzuri ubirie, ini Bwana, Uo BWANA wa majeshi naghamba.”

JEREMIA 25:32

BWANA wa majeshi waghora huwu, “Ola wuwiwi ghuchaera kufuma kwa mbari hata mbari, na kiremba kibaa chichaweta kufuma kula, kufuma masanga gha kula gha ndoenyi!

JEREMIA 25:9

ola nichaduma malagho kwa mbari rose rikaiagha cha kaskazinyi, na kwa mdumiki wapo Nebukadnezari mzuri wa Babuloni, wipate kucha na kulwa na wandu wikaiagha iji isanga; na wandu wose wikaiagha mbai mbai yaro. Nani nichawitotesha putu na kuwibonya kilambo cheobosha kusholelwa, wikaie winonekie kwa kala na kala.

JEREMIA 30:14

Wandu wose m'bonyere nawo lukundo wamliwie, ndewimtalagha hata kutini, namkabie karakara na kukaba kwa m'maiza, ngamkaba kuseko na kummbonia wughoma, na kukaia makosa ghenyu ni mabaa, na kaung'a renyu ni nyingi.

JEREMIA 4:13

Wonenyi! M'maiza waawuyacha sa mawingu. Magare ghake ghaawuyacha sa kikulughulu, na farasi rake raangue kuchumba indu. Ni bugha kodu, kwa kukaia dameria kusia!

JEREMIA 4:16

Ghorienyi iro mbari ra wandu kukaia m'maiza waawuyacha; tangazirenyi Jerusalemu huwu, “Wamaiza wawuyacha kufuma isanga ja kula, nawo wiakema aighu ya mizi ya Juda;

JEREMIA 4:29

Kwa kusikira tiri ra wandu wa farasi, na ra wandu wa ndana, kula mundu uko mzinyi uchakimbia cha isakenyi, wamu wichajoka cha maghambenyi; na mizi yose ichasighwa miduu, na mndungi ndechaasigharika ukikaia andenyi yaro anduangi.

JEREMIA 5:16

Zaka yawo eeka sa kaburi iko iari; wandu waro wose ni awo wiko na ndighi.

JEREMIA 50:41

Olenyi wandu waawuyacha kufuma kaskazinyi, mbari ya wandu iwadie ndighi, na wazuri wengi wanyavurika kufuma andu kuko kula kwa ndoenyi.

JEREMIA 50:42

Wawadie ndana na mafumu, ni wandu wing'etere wisene wughoma; lwaka lwa kucha kwawo ni sa kururuma kwa bahari, wajoka farasi, wameria kurwa sa mundu wa wuda wichelwa na oho ee muzi ghwa Babuloni.

JEREMIA 6:4

Wichaaghamba, “Kuboisenyi dilo na Jerusalemu, diwikabe ngelo ya dime ghadi.” Ela sena ii chia wiaghamba, “Dachelewa nandighi ndoe yameria kuswa; na virerendi va luma lwa kenyi vaawuyachurikia kusea.

JEREMIA 8:16

Mrurumo ghwa farasi ra wamaiza wedu ghwasikirika kufuma Dani, lwaka lwa farasi rawo ra womi, lwasughusa ndoe yose. Wacha kujimeria isanga chiaimweri na kula kilambo chiko andenyi yaro, ugho muzi na wandu wikaiagha andenyi yaro.”

EZEKIELI 21:31

Nichakaia na lubio aighu yako nani nichakukaba kwa machu ghapo ghiko sa modo; nichakungira mikonunyi kwa wandu wibwaghagha kwa lung'eto, wiichi kutotesha.

WUKUMBUSO 28:49

BWANA uchareda mbari kufuma kula ichelwa nakumoni; ni mbari iangue sa indu iburukagha, idedagha kiteto kusechimanyagha.