JEREMIA 6:16 - Biblia Ilagho Jiboie Kwa Wandu Wose

¹⁶ BWANA waghora huwu, “Kaienyi kimusi chienyi ra matano mzighane, mkotie iro chia ra kala, andu iyo chia ndicha iko; mpate kughenda nayo, na kuhora rohonyi konyu. Ela wikaghamba, ‘Isi ndedichaaghenda nayo anduangi.’

JEREMIA 6:16 ပူးပေါင်းရင်းမြစ်များ

1 WAZURI 8:36

kusikire aho mlungunyi, kufuye wughoma kaung'a ya wadumiki wako Israeli. Kuwifundishe kubonya agho ghiko gha hachi, kurede vua isangenyi korewinekieghe jiwuye ifwa jawo.

2 MALAGHO GHA NGELO 19:11

Olenyi Mkohani M'baa Amaria nuo m'baa onyu kwa maza rose ra BWANA, na Zebadia mwana wa Ishmaeli uo m'baa wa nyumba ya Juda nuo uchaakaia aighu ya maza rose ra mzuri, na Walawi wichamdumikia sa wabaa wa kazi. M'bonye kwa kufunga ndighi, na BWANA ndekaie na awo wibonyagha nicha!”

ZABURI 116:7

Hora ee roho yapo; BWANA wakubonyere maza ndicha.

ISAYA 2:5

Idana ee kivalwa cha Jakobo, ndedighende kwa mwengere ghwa BWANA.

ISAYA 28:12

Nao wamnekie inyo mmbose kuhora na raha, ela mkalegha kumsikira.

ISAYA 30:21

Kuchasikira lwaka lukighora nyuma yako, “Ola chia ni iyo, muinughe; ngelo mghalukagha mkonu ghwa kiwomi angu ghwa kiwaka.”

ISAYA 46:9

Rikumbukenyi maza ra kala, mmanye angu ne Mlungu ini, hata ndekuwadie ungi mzima; ini ne Mlungu, hata ndekuwadie ungi ufwanane nani.

ISAYA 57:2

nao wapata sere; awo wighendagha nicha wahora kifonyi.

ISAYA 8:20

Mchawitumbulia, “Sikirenyi mafundisho na wushuhuda ghwa BWANA, msewisikire awa wandu, kwa kukaia malagho wighoragha ndeghine mwengere.”

JEREMIA 12:16

Na ichakaia, ingelo wichaakufunya kukufundisha chia ra wandu wapo, na kughema kwa irina japo ‘Sa iji Bwana uko moyo,’ wokoni seji werefundishireghe wandu wapo kughema kwa Baali, niko aho wichaamangishwa nicha aghadi ya wandu wapo.

JEREMIA 18:12

Ela awo wadaghamba, ‘Agho ni gha duu! Isi dichanugha mipango yedu, na kula umu odu uchanugha kuja kukua kwa ngolo yake mbiwi.’”

JEREMIA 18:15

Ela wandu wapo awo wanisighie, wadafukiria milungu ya tee marumba; Wamerie kukuwa kwa chia rawo, iro chia rawo ra kala; nawo wanughie chia zima riseboisiro.

JEREMIA 2:25

Kusakeghenda na chwau nduu, hata kusesighe marangi ghako ghiome; ela kwaghambie, ‘Agho ni malagho gha duu, kwa kukaia namerie kuikunda milungu ya kighenyi, nani nichainugha.’”

JEREMIA 22:21

Nereghorieghe na oho ingelo korekoghe nicha, ela kukaaghora, ‘Sighisikiragha agho.’ Iyo edeeka ni tabia yako kufuma wanake ghwako, na jingi ndekonisikira.

JEREMIA 31:21

Kukubonyere kumoni alama ra chienyi, kudunge midi ekuwonyera chia kuikumbuke nicha ija chia mbaa, iyo koreiidieghe. Wuyenyi ee wandu wa Israeli, iwurienyi mizi yenyu.

JEREMIA 42:3

eri BWANA Mlungu wako upate kudiwonyera chia ifwanagha diinughe, na agho ghidifwanagha kubonya.”

JEREMIA 44:16

“Ndedichaakusikira kwa agho malagho kwadighoria kwa irina ja BWANA;

JEREMIA 50:5

Wichakotia chia eghende cha Sioni na mawushu ghawo ghikilangaya aho, wikighamba, ‘Choonyi diwadane na BWANA kwa ilaghano ja kala na kala jisechaaliwika jingi.’

JEREMIA 7:23

Ela nerewinekieghe momu ughu, ‘Munisikire, nani nichakaia Mlungu onyu, na inyo mchakaia wandu wapo; mghende kwa iyo chia cheni nimlaghiragha mpate kuwona mecha.’

JEREMIA 7:24

Ela ndewerenisikireghe hata kunideghia kudu; wikaghenda kwa kunugha njama rawo reni, kwa kukua kwa ngolo rawo rizamie; wikazama kuchumba kukaia nicha.

JEREMIA 7:3

BWANA wa majeshi uo Mlungu wa Israeli waghamba huwu, Boisenyi chia renyu, nani nichamsigha mkaie aeni aha.

MALAKI 4:4

“Kumbukenyi mafundisho gha mdumiki wapo Musa; sharia na memu neremnekieghe aja Mghondi ghwa Sinai kwa wundu ghwa wandu wose wa Israeli wipate kusikira.

LUKA 16:29

“Ela Abrahamu ukaghamba, ‘Wanyinyu weko na Musa na walodi, ndewiwisikire awo.’

JOHANE 12:35

Jesu ukawitumbulia, “Mwengere ghoko andwamweri nenyo kwa ngelo vui eni. Ghendenyi iji muko na ugho mwengere, msecheserelwa ni kira, angu uo ughendagha kirenyi, ndemanyagha andu ughendagha anduangi.

JOHANE 13:17

Ngera mwaghimanya agha, mwarasimilwa mkaghibonya.

JOHANE 5:39

Mwadazighana-zighana Maandiko, mkiririkanya wei ghadima kumneka irangi ja kala na kala, nagho nigho ghinishuhudiagha ini;

MABONYO GHA WADUMI 17:11

Wandu awo werekoghe na suku kuchumba waja wa Thesalonike; wikajiwusa ilagho kwa ngolo mbaa, wikizighana-zighana Maandiko Ghielie kula ituku, wiwone ngera maza iro rerekoghe rikighorwa ni Paulo na Sila ni huwo koni.

WAROMA 4:12

Wokoni, ukaie ndee wa wandu wishamishiro; awo chiaimweri na kushamishwa kwawo, wawuyanugha fwana ya irumirio ijo aba odu Abrahamu orekoghe najo imbiri useshamishiro.

WUKUMBUSO 32:7

“Kumbukenyi matuku gha kala, iro ngelo riidie; kotia ndeyo ukughorie agho gherekoghe, kotia waghosi nawo wichakughoria agho gherebonyekieghe.

WAKOLOSAI 2:6

Kwa huwo, sa iji koni moremmbusireghe Kristo Jesu kukaia Bwana, duonyi huwo koni andenyi kwake;

WAEBRANIA 11:2

Irumirio jerewibonyereghe wandu wa kala wikarumirikia kwa Mlungu.

WAEBRANIA 6:12

Msekaie waghadi, ela mkufwananishe na awo wichaajipata ifwa ijo ilaghiro, kwa chia ya irumirio na irumaghio.

WATANYI 2:17

Ela Waisraeli ndewerewisikireghe watanyi wawo, hata ndewerekoghe waloli kwa BWANA, nawo wikatasa milungu mizima; shwa wori wikaghaluka na mbai kwa kuisigha ija chia erenughwagha ni weke ndee, awo weresikireghe malaghiro gha BWANA na kughibonya.