JEREMIA 6:14 - Biblia Ilagho Jiboie Kwa Wandu Wose

¹⁴ Waawuyatima kuboisa chonda cha wandu wapo ighu ighu tu; wikighamba, ‘Sere, sere,’ sena sere ingi iseko.

JEREMIA 6:14 ပူးပေါင်းရင်းမြစ်များ

2 SAMUELI 17:3

Niko nichaakuredia wandu wose, sa mwai uchagha mzinyi kwa uja mundu umlowuagha. Jikundikie ni kubwagha mundu umweri, mum'bwaghe, na wandu wose wichasigharika na sere.”

ISAYA 1:6

Kufuma lwau lwako hata chongo, ndekuwadie wubanana ghungi; ela ni kuvonoka na vonda, na ngoru riruchagha; ndevioghoshero hata kufungwa, hata ndevishingilo mavuda anduangi.

ISAYA 30:10

na kuwizera awo wiwonagha, “Msewone;” na walodi, “Mselode malagho gha loli, ela modeghoragha agho gha ighu-ighu, na kudilodera tee.

ISAYA 30:26

Na aighu ya agho, mwengere ghwa mori ghuchakaia sa ghwa iruwa, na iruwa jichachurikia mwengere ghwaro mando mfungade, sa mwengere ghwa matuku mfungade ghwakwanywa chiaimweri ingelo BWANA uchaafunga na kuboisa wandu wake, wereshoghonologhe ni ijo ikabo jake.

JEREMIA 14:13

Niko ngaghamba, “Ee Bwana MLUNGU, ola awo walodi wadawizera awa wandu wei ndewichaabwaghwa wudenyi kungi, hata kwa njala; kedi wei kwalaghirie sere ichakaia andenyi ya isanga jedu.”

JEREMIA 14:17

BWANA ukanizera niwighorie wandu malagho agha: “Meso ghapo ndeghidiko ni mbori kio na dime ngelo rose; kwa kukaia wandu wapo washoghonolwa nandighi, wapata ikabo jibirie nandighi.

JEREMIA 23:17

Matuku ghose waawuyawizera awo wimenyagha ilagho japo, ‘Mkaia nicha to;’ na kwa awo wighendagha kwa kunugha kukua kwa ngolo rawo, wadawizera, ‘Ndemchelwagha ni wuwiwi ghungi.’”

JEREMIA 28:3

Nichawunja vilambo vose va Hekalu aha andenyi ya miaka iwi, ivo veredwaloghe ni Nebukadnezari mzuri wa Babuloni kufuma aha hata Babuloni.

JEREMIA 4:10

Niko ngaghamba, “Ai! E Bwana MLUNGU, loli kwamerie kuwikalia awa wandu na Jerusalemu putu, kukiwizera, ‘Mkaia nicha to,’ sena hoku wameria kuchelwa ni kifwa.”

JEREMIA 5:12

Wadedie kiwiwi aighu ya BWANA, wikighamba, “Ndedimagha kubonya ilagho jingi, hata ndedichelwagha ni wuwiwi ghungi; ndedichaawona wuda ghungi hata njala.

KILILO CHA JEREMIA 2:14

Walodi wako weeduakughoria tee; machilo ghawo gheeduakukalia kwa kuleghafunukua kaung'a yako. Wikakubonya kugheshe wei ndekune haja ehea.

EZEKIELI 13:10

Kwa kukaia wawilaghashire wandu wapo wikighamba, ‘Sere,’ sena sere iseko; na wandu wikaagha wurigha kisha-kisha, awo walodi wadaghushinga chokaa.

EZEKIELI 13:16

Awo walodi wa Israeli werefunyagha wulodi aighu ya Jerusalemu, na kuwona mawono gha sere kwa wundu ghwaro, ingelo sere ingi iseko, ndewiko. Ini Bwana MLUNGU naghamba.

EZEKIELI 13:22

Kwa kukaia mwam'bwaghie ngolo mhachi kwa tee renyu, ini nisem'bwaghie ngolo; na kumkumba ngolo mmbiwi useghaluke na kughusigha wuwiwi ghwake ukire irangi jake.

EZEKIELI 14:9

“Mlodi ukakalikia, nao ufunye wulodi ghwa tee, mmanye ni ini namkalia; nani nichamkaba na kumuinja aghadi ya wandu wapo Israeli.

MIKA 2:11

“Wandu awa weekunda mlodi umaraa-mara na tee na mikalo ukiwizera, ‘Inyo mchulwa ni divei na chofi.’

MIKA 3:5

Wandu wapo waawuyalaghashwa ni walodi wiwilaghiragha sere ingelo walipwa kindo chimu, na kuwiredia wuda awo wisewinekie kindo chingi. BWANA waghora huwu kwa awo walodi,

1 WATHESALONIKE 5:3

Iji wandu wakaghora, “Ni sere na banana” niko kutota kuchaawichea shwa wori; seji koni muka uko na kifu uchelwagha ni kulumwa ngelo ya kuva, hata ndewichaafufunuka anduangi.

2 PETRO 2:1

Ela na walodi wa tee wori werewukieghe aghadi ya wandu, sa iji koni kuchaakaia na walimu wa tee aghadi konyu, awo wichaareda kwa kiviso mafundisho gha tee ghenona, hata kumkana uo Bwana orewighueghe; nawo wichakuredia weni kutota kwa shwa-shwa.