JEREMIA 6:12 - Biblia Ilagho Jiboie Kwa Wandu Wose

¹² Nyumba rawo richanekwa wandu wazima, mbuwa rawo chiaimweri na waka wawo wori, kwa kukaia nichaghughorua mkonu ghwapo kuwikaba wandu wose wikaiagha isangenyi.

JEREMIA 6:12 ပူးပေါင်းရင်းမြစ်များ

1 MALAGHO GHA NGELO 21:16

Daudi ukawusira meso ghake ukammbona uo malaika wa BWANA, uko kimusi ghadi na ghadi ya mlungunyi na ndoenyi uko na lufu mkonunyi walughorua aighu ya Jerusalemu. Daudi na waghosi wirwae nguwo ra magunia wikaghwa kiwushu-wushu.

ISAYA 10:4

Jasigharika ni inyo kubwaghwa wudenyi na kudwalwa sa wafungwa. Hata huwo saki, machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 5:25

Kwa wundu ugho, BWANA orejokeloghe ni machu aighu ya wandu wake; ukaghorua mkonu upate kuwikaba, na mighondi ikasughusika; gharia ra awo wifue rikakaia sa wuchafu chienyi. Hata huwo saki machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 9:12

Wasiria wacha kufuma mashariki, na Wafilisti kufuma magharibi, nawo watambarua memu yawo wipate kummila Israeli. Hata huwo saki, machu gha BWANA ndeghisirie ela mkonu ghwake ghokaba ghoko ghughorokie hata idana.

ISAYA 9:17

Kwa huwu, BWANA ndewueboilwanya na ungi wa wandu wawo wa irika, hata ndena wughoma kwa wana wisena weke ndee na waka wakiwa; kwa kukaia kula umu ndena Mlungu, nao ni m'bonyi kiwiwi, na kula ilagho widedagha ni wuwiwi mduu. Hata huwo saki, machu gha BWANA ndeghisirie, mkonu ghwake ghokaba ghoko ghughorokie hata idana.

ISAYA 9:21

Manase na Efraimu wialwa weni na weni, na ii chia wiabonya wuda na Juda. Hata huwo saki machu gha BWANA ndeghisirie, ela mkonu ghwake ghokaba ghoko ghughorokie hata idana.

JEREMIA 15:6

Oho kwanileghie, na oho kwachurie kuwuya nyuma; niko ngaghughorua mkonu ghwapo kukukaba na kukutotesha; nasilwa ni ndighi rekurumaghia.

JEREMIA 21:5

Ini moni nichalwa na oho kwa mkonu ghwapo ghwa ndighi, niko na machu ghibirie, najokwa nandighi.

JEREMIA 38:22

Ola waka wose weresigharikieghe andenyi ya ngome ya mzuri wa Juda werekoghe wikighenjwa shighadi kwa wabaa wa mzuri wa Babuloni; nawo werekoghe wikighamba, ‘Waghenyi wako kuwirumirie weekukalia wikakusima; na idana angu maghu ghako ghangia mazozonyi, wakusigha kuekeri.’

JEREMIA 38:23

Waka wose na wana wako wichafunywa na kughenjwa kwa Wababuloni, hata oho kumoni ndekuchaafufunuka kusewadilo, ela kuchawadwa ni mzuri wa Babuloni, na ughu muzi ghuchakorwa.”

JEREMIA 7:20

Ola machu ghapo na lubio lwapo luchakaia aighu ya Hekalu ihi, aighu ya mundu na nyamandu, aighu ya midi ya mbuwenyi na aighu ya mavalo ghose gha isanga. Machu ghapo ghichaaka sa modo ghuserimikagha.”

JEREMIA 8:10

Kwa wundu ugho, waka wawo nichawineka wandu wazima; na mbuwa rawo nicharineka wandu wiwisimie; kwa kukaia kufuma mtini wawo hata m'baa wawo, kula umu wawo oochulwa ni bea ya fwaida iseko ya hachi; kufuma mlodi hata mkohani, kula umu uakalia wandu.

KILILO CHA JEREMIA 2:8

BWANA odewona mawurigha gha Jerusalemu ghigho. Waghipimie na kuhakikisha kukaia ghanoneka putu. Idana minara na mawurigha ghose gheewuya maghacho.

KILILO CHA JEREMIA 3:3

Wanikabie sena na sena kuseko na wughoma.

KILILO CHA JEREMIA 5:11

Waka wedu wadidikilo aighu ya Mghondi ghwa Sioni ghoni; wai wedu wadidikilo andenyi ya mizi ya Juda.

KILILO CHA JEREMIA 5:2

Mali redu ranekelo waghenyi; waghenyi waawuyakaia andenyi ya nyumba redu.

KILILO CHA JEREMIA 5:3

Weke aba wabwaghilo ni m'maiza, na idana weke mao weewuya waka wakiwa.

EZEKIELI 35:3

kughuzere, Bwana MLUNGU waghamba huwu: Ola ne m'maiza wako oho Mghondi ghwa Edomu; nichaghorua mkonu ghwapo, na kukukaba, nani nichakubonya kusigho mduu.

EZEKIELI 7:24

Nichareda mbari ya wandu wizamie kuchumba, wipate kuriwusa nyumba rawo, na kunyamirisha uko kukukasa kwawo na kudima kwawo, na kukulusha andu kwawo kuelie.

MIKA 2:4

Ngelo iyo ikavika, wandu wichatumia lughano lukaie mfwano ghwa wasi, nawo wichabora lumbo ulu lofwa ngolo kwa agho mughiwonie wikighamba, ‘Dameria kunonwa putu, BWANA wamerie kuwusa isanga jedu, na kujineka wandu wididwae wunyika.’”

ZEFANIA 1:13

Mali rawo richadwalwa wunyika; nyumba rawo richatoteshwa. Hata ngera wariagha, ndewichaarikaia, hata wikeduawa mizabibu, ndewichaanywa divei yaro anduangi.”

ZEFANIA 1:4

“Nichawikaba wandu wa Juda na wandu wa Jerusalemu. Nichatotesha wutasi ghwa Baali chiaimweri na wakohani waro wetasa milimu.