JEREMIA 6:1 - Biblia Ilagho Jiboie Kwa Wandu Wose

¹ Kimbirienyi wusalama inyo wandu wa Benjamini! Fumenyi Jerusalemu! Kabenyi tarumbeta aho Tekoa, wonyerenyi alama aho Beth-Hakeremu, kwa kukaia wuwiwi ghwa kunoneka m'baa nandighi ghwaawuyacha kufuma kaskazinyi.

JEREMIA 6:1 ပူးပေါင်းရင်းမြစ်များ

2 SAMUELI 14:2

Niko ukaduma muka umu uko na akili uredo kufuma Tekoa; uendacha ukamzera, “Nakunda kukubonye sa mundu uko na wasi ghofuilwa, kuro marwao ghefuilwa; kusekushinge mavuda, ela kukubonye sa muka udue wasinyi ghofuilwa kwa matuku mengi;

2 MALAGHO GHA NGELO 11:6

Ukaagha Bethlehemu, Etamu, Tekoa,

NEHEMIA 3:14

Malkija mwana wa Rekabu m'bonyi nguma wa isanga ja Beth-hakeremu oreiaghieghe Mbenge ya Wuchafu, na kuingiria minyango na vuma varo verugha.

NEHEMIA 3:5

Wandu wa Tekoa wereaghieghe luwaru lunughie; ela vilongozi vawo wikalegha kubonya iyo kazi werenekeloghe ni wabaa.

JEREMIA 10:22

Sikirenyi malagho ghacha! Ndoghoi ya wandu wichagha kufuma kaskazinyi, wipate kuibonya mizi ya Juda iwuye miduu, andu kokailwa ni mizozo.

JEREMIA 25:9

ola nichaduma malagho kwa mbari rose rikaiagha cha kaskazinyi, na kwa mdumiki wapo Nebukadnezari mzuri wa Babuloni, wipate kucha na kulwa na wandu wikaiagha iji isanga; na wandu wose wikaiagha mbai mbai yaro. Nani nichawitotesha putu na kuwibonya kilambo cheobosha kusholelwa, wikaie winonekie kwa kala na kala.

JEREMIA 4:29

Kwa kusikira tiri ra wandu wa farasi, na ra wandu wa ndana, kula mundu uko mzinyi uchakimbia cha isakenyi, wamu wichajoka cha maghambenyi; na mizi yose ichasighwa miduu, na mndungi ndechaasigharika ukikaia andenyi yaro anduangi.

JEREMIA 6:22

BWANA waghamba huwu, “Olenyi wandu wichacha kufuma isanga ja kaskazinyi, mbari mbaa yanyavurika kufuma isanga ja kula nandighi ja ndoenyi kubonya wuda.

AMOSI 1:1

Agha ni malagho gha Amosi, uo orekoghe umu wa walisha wa Tekoa. Miaka iwi imbiri ya msughusiko ghwa ndoe, Mlungu oremfunukueghe Amosi maza aighu ya Israeli iji Uzia orekoghe mzuri wa Juda, na Jeroboamu mwana wa Joashi orekoghe mzuri wa Israeli.

AMOSI 3:6

Tarumbeta yadima kukabwa mzinyi nao wandu wilemo ni kuobua? Welee wuwiwi ghwadima kungia mzinyi ghuselaghirilo ni BWANA?

ZEKARIA 6:6

Igare jerekokotwagha ni farasi ra chilu, jadaghenda cha isanga ja kaskazinyi aho Babuloni; ijo ja farasi ra chokwa jadaghenda cha isanga ja magharibi, na ijo ja farasi ra maboli gha fusi fusi jadaghenda cha isanga ja kusinyi.

JOSHUA 15:63

Ela wandu wa Juda ndeweredimieghe kuwiwinga Wajebusi awo werekoghe andenyi ya Jerusalemu, kwa huwo Wajebusi wekwanye na Wajuda hata linu.

WATANYI 1:21

Ela wandu wa Benjamini ndewerewingieghe Wajebusi awo werekoghe wikikaia Jerusalemu, na kufuma aho Wajebusi wikakaianya na wandu wa Benjamini hata idime.