JEREMIA 52:8 - Biblia Ilagho Jiboie Kwa Wandu Wose

⁸ Ela ijeshi ja Wababuloni jikamnugha mzuri; wikammbwada Zedekia aho wurindinyi cha Jeriko, na ijeshi jake jose jikasaghiswa kufuma kwake.

JEREMIA 52:8 ပူးပေါင်းရင်းမြစ်များ

JEREMIA 21:7

Konyuma, nichamfunya Zedekia mzuri wa Juda, chiaimweri na wadumiki wake, na wandu wiko andenyi ya ughu muzi; awo wichaasigharika wisebwaghilo ni saka izamie, wuda angu njala; wingie mikonunyi kwa Nebukadnezari mzuri wa Babuloni, na kwa wamaiza wawo, awo wilolagha marangi ghawo. Uchawibwagha kwa lufu, ndechaawiwonia wughoma, kuwilekeria hata kuwifuya wughoma ghungi.’

JEREMIA 32:4

na Zedekia mzuri wa Juda ndechaafufunuka usewadilo ni Wababuloni, ela kwa loli uchangirwa mikonunyi kwa mzuri wa Babuloni; nao uchadedanya nao wushu kwa wushu wikizighanana;

JEREMIA 34:21

Nani nichamngira Zedekia na wabaa wake mikonunyi kwa wamaiza wake, na mikonunyi kwa awo wilolagha kutotesha marangi ghawo, ijo ijeshi ja mzuri wa Babuloni wiwisighie na kughenda chia rawo.

JEREMIA 37:17

Mzuri Zedekia ukaduma niredo kwake. Mzuri ukanikotia kivisonyi ngomenyi kwake ukighamba, “Ilagho jingi jeko jafuma kwa BWANA?” Ngatumbulia, “Jeko.” Niko ngamzera, “Kuchangirwa mikonunyi kwa mzuri wa Babuloni.”

JEREMIA 37:18

Ngachuria kumzera Mzuri Zedekia, “Ni ikosaki nibonyere kwako, angu kwa wabaa wako wa kazi, angu kwa awa wandu hata mkaningira kifungonyi?

JEREMIA 38:23

Waka wose na wana wako wichafunywa na kughenjwa kwa Wababuloni, hata oho kumoni ndekuchaafufunuka kusewadilo, ela kuchawadwa ni mzuri wa Babuloni, na ughu muzi ghuchakorwa.”

JEREMIA 39:5

Ela ijeshi ja Wababuloni jikawinugha, wikammbwada Zedekia aho wurindinyi ghwa Jeriko, nawo wikamreda kwa Nebukadnezari mzuri wa Babuloni aho Ribla isanga ja Hamathi. Nebukadnezari ukamtanya aho.