JEREMIA 52:6 - Biblia Ilagho Jiboie Kwa Wandu Wose

⁶ Ituku ja ikenda ja mori ghwa kana, njala ikabia andenyi ya ugho muzi hata wandu wa ijo isanga wikasowa kindo chingi cheja.

JEREMIA 52:6 ပူးပေါင်းရင်းမြစ်များ

2 WAZURI 25:3

Ituku ja ikenda ja mori ghwa kana, njala erekoghe mbaa nandighi andenyi ya muzi, hata wandu ndewerewadieghe kindo chingi cheja anduangi.

ISAYA 3:1

Olenyi Bwana, uo BWANA wa majeshi, uchainja kula kilambo chisuwirilwagha ni wadamu, kufuma Jerusalemu na kufuma Juda; ikaiagha ni vindo, ikaiagha ni machi.

JEREMIA 15:2

Nawo wikakukotia, ‘Welee, dighende hao?’ Kuchawitumbulia, ‘BWANA naghamba huwu: “Wandu webwaghwa ni saka izamie, wichafwa kwa saka izamie, na awo webwaghwa wudenyi, wichafwa wudenyi, na awo webwaghwa ni njala, wichabwaghwa ni njala, na awo webarishwa, wichabarishwa.” ’

JEREMIA 19:9

Nani nichawibonya wije nyama ra wana wawo wa womi na wa waka. Kula mundu uchaja nyama ya mmbao kwa wundu ghwa wasi ghwa uko kurughailwa ni awo wabwaghi wawo wighilolagha marangi ghawo.’

JEREMIA 21:9

Uo ose uchaakaia andenyi ya ughu muzi, uchabwaghwa wudenyi, na kwa njala, na saka izamie; ela uo uchaafuma na kukungira mikonunyi kwa Wakaldayo awo wamrughaia, uchakira irangi jake, nao uchapata irangi jake sa zawadi ya wuda.

JEREMIA 25:10

Nichawiinjira chwaka ra kuboilwa; lwaka lwa bwana-arusi na bibi-arusi, lwaka lwa magho ghishagha, na mwengere ghwa taa.

JEREMIA 37:21

Kwa huwo Mzuri Zedekia ukafunya momu, wikaniwika wazenyi ya mlindiri, wikanineka mkate kula ituku ghufumagha chienyi ya waochi mikate, hata mikate yose ikasia. Kwa huwo ngakaia aho wazenyi ya mlindiri.

JEREMIA 38:9

“Bwana wapo mzuri, wandu awa wabonya wuwiwi ghuchumbie ghomkumba mlodi Jeremia andenyi ya kisima; nao uchabwaghwa ni njala aho, kwa kukaia ndekuwadie vindo vingi visigharikie mzinyi.”

JEREMIA 39:2

Ituku ja ikenda ja mori ghwa kana, mwaka ghwa ikumi na imweri ghwa kubonya nguma kwa Zedekia, wurigha ghwa muzi ghorechikanyiroghe.

KILILO CHA JEREMIA 1:11

Wandu wa Jerusalemu wasirimika wikilola kindo chingi cheja, wabadilisha mali rawo na vindo eri wikaie moyo. Wandu wa muzi walila, “Wona seji dakaia na wasi ee BWANA.”

KILILO CHA JEREMIA 5:10

Njala yadishekerie dikapatwa ni iruke ja homa, mimbi yedu ehia shuu sa iriko jedekia.

EZEKIELI 14:13

“Mwana wa mdamu, isanga jikanibonyera kaung'a na kulemwa ni kukaia mloli kwapo, nao nighoruo mkonu ghwapo kuwiima vindo, na kureda njala aighu ya isanga, na kubwagha wandu na nyamandu.

EZEKIELI 14:21

Bwana MLUNGU waghamba huwu, “Welee, maza rizama saki ngaghudumia muzi ghwa Jerusalemu makabo ghapo ana; wuda ghwa lufu, njala, nyamandu rizamie, na saka izamie, eri nipate kubwagha mdamu na nyamandu!

EZEKIELI 31:1

Ituku ja imbiri, ja mori ghwa kadadu, mwaka ghwa ikumi na imweri ghwa kudwalwa wunyika kodu, BWANA oreghorieghe nani ukighamba,

EZEKIELI 5:16

Nichakuredia njala ikaie sa mawanu ghapo ghekubwagha na kukunona, iyo nichaaireda ekunona oho. Nichachuria kureda njala aighu yako, na kuinja vindo vako.

EZEKIELI 7:15

“Cha shighadi ni wuda ghwa lufu, na cha nandenyi ni saka izamie na njala. Uo uko cha mbuwenyi uchabwaghwa kwa lufu, na uhu uko mzinyi uamerelwa ni njala na saka izamie.

WALAWI 26:26

Nichapunguza vindo venyu, hata ikaie waka ikumi wioche mkate ghonyu andenyi ya iriko jimweri; wichaghuwagha ugho mkate, nenyo mchaghuja na kulemwa ni kughuda.

ZEKARIA 8:19

“Kufunga tumu kubonyero mori ghwa kana, na ghwa kasanu, na ghwa mfungade, na ghwa ikumi, kuchawuya ndima ra kuseka na kuboilwa kwa wandu wa Juda. Muikunde loli na sere.”

WUKUMBUSO 32:24

Wichafwa kwa njala na homa; wichamerelwa ni makongo ghizamie. Nichawidumia nyamandu ra isakenyi riwibwaghe, na choka riko na wusungu riwilume.