JEREMIA 52:20 - Biblia Ilagho Jiboie Kwa Wandu Wose

²⁰ Iro nguro iwi rerebonyeroghe ni Mzuri Solomoni kwa wundu ghwa Hekalu, itangi ibaa, na fwana ra njau ikumi na iwi rewadia ijo itangi, rerekoghe rilemere nandighi risedukikagha;

JEREMIA 52:20 ပူးပေါင်းရင်းမြစ်များ

1 WAZURI 7:25

Ijo itangi jerewikiriloge aighu ya njau richanilo ra shaba ikumi na iwi. Njau idadu rilangayagha cha kaskazinyi, na idadu rilangayagha cha magharibi, na idadu rilangayagha cha kusinyi, na idadu rilangayagha cha mashariki.

1 WAZURI 7:47

Solomoni ukavisigha ivo vilambo visepimilo kwa kukaia verekoghe vingi na ndighi; kwa huwo wulemeri ghwa shaba ndeghoremanyikieghe.

2 WAZURI 25:16

Iro nguro iwi ra shaba, na ijo itangi ja shaba, na icho kilambo chewadia itangi verebonyeroghe ni Mzuri Solomoni verekoghe vilemere nandighi visedukikagha.

1 MALAGHO GHA NGELO 22:14

Ini nakufungishire ndighi ngapata vilambo veagha nyumba ya BWANA; tani ra kimetriki elfu idadu na maghana ana ra dhahabu, tani ra kimetriki richumbagha elfu mirongo idadu na inya ra feza, shaba na chuma iro nderine mtalo; angu ni nyingi nandighi; nafunyire mbau na magho wori. Suti kuchurie.

2 MALAGHO GHA NGELO 4:18

Solomoni orebonyereghe vilambo ivi vose kwa wungi, hata ndeeremanyikieghe ni shaba ya wulemeri ghung'ane wada eretumiloghe.

JEREMIA 52:17

Wababuloni wikarichikanya vipande vipande rija nguro ra shaba rerekoghe andenyi ya Hekalu ya BWANA, na chija kilambo cha shaba chewadia beseni ekuoghosha, na ija beseni mbaa ya shaba, wikaviduka; wikaghenja shaba yose cha Babuloni.