JEREMIA 52:17 - Biblia Ilagho Jiboie Kwa Wandu Wose

¹⁷ Wababuloni wikarichikanya vipande vipande rija nguro ra shaba rerekoghe andenyi ya Hekalu ya BWANA, na chija kilambo cha shaba chewadia beseni ekuoghosha, na ija beseni mbaa ya shaba, wikaviduka; wikaghenja shaba yose cha Babuloni.

JEREMIA 52:17 ပူးပေါင်းရင်းမြစ်များ

1 WAZURI 7:50

vikombe, mawutambi gha taa, bakuli, dishi refukira marumba, chuwigha reduka maka gha modo, na bahaba ra minyango ya Andu kwa Wueli Kuchumbie, na minyango ya shighadi ya Hekalu. Vilambo ivo vose vedeeka va dhahabu.

2 WAZURI 20:17

Ngelo ichacha vilambo vako viko andenyi ya ngome yako, na ivo vose verewikiloghe ni weke ndeyo hata idime, vichadukwa hata Babuloni, na kindo chingi ndechichaasigharika.

2 MALAGHO GHA NGELO 36:18

Ukawada vilambo vose va Hekalu, vibaa na vitini, na mali ya Hekalu, na mali ya mzuri, na wanjama wake, ukavidwa cha Babuloni.

JEREMIA 52:20

Iro nguro iwi rerebonyeroghe ni Mzuri Solomoni kwa wundu ghwa Hekalu, itangi ibaa, na fwana ra njau ikumi na iwi rewadia ijo itangi, rerekoghe rilemere nandighi risedukikagha;

KILILO CHA JEREMIA 1:10

Wamaiza wawisokie mali rawo rose. Werewiwonieghe wikingia Hekalunyi cheni tiki, andu BWANA orewighirieghe wandu wa mbari zima wisengie.

EZEKIELI 40:49

Wulacha ghwa lukumbi ghorekoghe meta ikumi, na wushapa ghwaro meta irandadu. Korekoghe na viluwatiro ikumi vejoka nokoighu, na nguro kula luwaru mbai na mbai ya kula kizingiti.

DANIELI 1:2

BWANA ukamngira Jehoiakimu mzuri wa Juda mikonunyi kwake chiaimweri na vilambo vimu va Hekalunyi. Ukavireda isanga ja Babuloni kwa nyumba ya mlungu ghwake, na vilambo va hekalunyi ukaviranganya na vilambo va mlungu ghwake.