JEREMIA 52:13 - Biblia Ilagho Jiboie Kwa Wandu Wose

¹³ Ukaikora Hekalu ya BWANA, na ngome ya mzuri, na nyumba rose ra Jerusalemu; orekorieghe kula nyumba erekoghe mbaa.

JEREMIA 52:13 ပူးပေါင်းရင်းမြစ်များ

1 WAZURI 9:8

Hekalu ihi ichawuya kifungu cha ighacho. Kula mundu uchaaida chienyi uchaaturukia na kushinika ukikotia, ‘Kwaki BWANA ujibonyere iji isanga na ihi Hekalu huwu?’

2 WAZURI 25:9

Ukaikora Hekalu na ngome ya mzuri, na nyumba rose ra wabaa rerekoghe andenyi ya muzi ghwa Jerusalemu.

2 MALAGHO GHA NGELO 36:19

Wikaikora Hekalu, na kughuchikanya wurigha ghwa Jerusalemu; wikakora ngome raro, na kunona vilambo vose va zoghori mbaa.

ZABURI 79:1

Ee Mlungu, wandu wa mbari zima wangia isanga jako; wameria kuilusha Hekalu yako ya Wueli, na kuibonya Jerusalemu iwuye ighacho.

JEREMIA 19:13

Na nyumba ra Jerusalemu na nyumba ra wazuri wa Juda, iro nyumba rose rerefukiriloghe marumba kwa majeshi gha mlungunyi aighu ya mapaa gharo, na vizongona venywa vose verediriloghe kwa milungu mizima, aighu yaro, richanonwa kara kara na Tofethi.’”

JEREMIA 21:10

Kwa kukaia namerie kughudumbuya ughu muzi ilagho jeghubonya kiwiwi, nichaghungira mikonunyi kwa mzuri wa Babuloni, nao uchaghukora na modo.’

JEREMIA 21:14

Nichakukaba kunughana na mabonyo ghako ghizamie, nichakora modo andenyi ngome yako na kutotesha kula kilambo chiko mbai-mbai yake.”

JEREMIA 22:14

uo ughambagha, ‘Nichakuaghia nimoni nyumba mbaa, na vumba vibaa va naighu;’ na kuibonyera madirisha, ukiibonyera wurigha ghwa mbau ra sida, na kughushinga rangi ya ngundu.

JEREMIA 32:29

Awo Wababuloni wawuyalwa na ughu muzi wichacha na kughukora, wichaghukoranya chiaimweri na nyumba iro wandu waro werekoghe wikimfukiria Baali marumba aighu ya mapaa gharo; wikifunya mafunyo gha kunywa kwa kughidiria milungu mizima, eri winivavire na kuniwusira machu.

JEREMIA 34:22

Olenyi nichawilaghira, nani nichawiwunja kwa ughu muzi wipate kulwa nagho, wighusime, na kughukora. Nichaibonya mizi ya Juda iwuye miduu isene wandu.”

JEREMIA 38:23

Waka wose na wana wako wichafunywa na kughenjwa kwa Wababuloni, hata oho kumoni ndekuchaafufunuka kusewadilo, ela kuchawadwa ni mzuri wa Babuloni, na ughu muzi ghuchakorwa.”

JEREMIA 6:5

Kwa huwo wukenyi diwikabe nakio, dipate kuritotesha ngome ra mizi yawo.”

JEREMIA 7:14

Kwa wundu ugho, sa iji koni nerebonyereghe Shilo, nichaibonyera wokoni iyo Hekalu iwangilo kwa irina japo, iyo muko na irumirio nayo, na andu aho nerekunekieghe weke ndeyo na inyo.

KILILO CHA JEREMIA 2:5

BWANA waitoteshere Israeli sa m'maiza; wabonyere ngome rake rose riwuye maghacho; wawiredia wandu wa Juda wasi ghusesiagha.

KILILO CHA JEREMIA 2:6

Wainona Hekalu yake andu derekoghe dikimtasa, waribonya ndima na sabato risekaie. Mzuri na mkohani wawona seji uko na ndighi.

KILILO CHA JEREMIA 2:7

BWANA waileghie madhabahu yake na kuisigha Hekalu yake ya wueli. Warumiria m'maiza ukavuchua mawurigha gharo. M'maiza ukakema kwa wusimi andu derekoghe dikitasa kwa kuboilwa.

KILILO CHA JEREMIA 2:8

BWANA odewona mawurigha gha Jerusalemu ghigho. Waghipimie na kuhakikisha kukaia ghanoneka putu. Idana minara na mawurigha ghose gheewuya maghacho.

EZEKIELI 16:41

Wichakora nyumba rako na kukutanya imbiri ya waka wengi; nani nichakusighisha ugho wumalaya ghwako, hata ndekuchaafunya malipo ghangi kwa wakundwa wako sena.

EZEKIELI 24:21

‘Kuwizere wandu wa Israeli, ini Bwana MLUNGU naghamba huwu: Ola nichakulusha Andu kwapo kwa Wueli, andu mukukasire nako sa saghi yenyu, andu kumghokiagha na kukukunda ngolonyi konyu; nani nichabonya wana wenyu wa womi na wa waka muwisighie nanyuma, wibwagho kwa lufu.

AMOSI 2:5

Kwa huwo nichaduma modo aighu ya Juda, nagho ghuchakora ngome ra Jerusalemu.”

AMOSI 6:11

BWANA ukafunya momu, nyumba mbaa na ndini richachikanywa vipande vipande.

MIKA 3:12

Kwa huwo Sioni ichalimwa sa mbuwa, na Jerusalemu ichawuya kitungasi, na mghondi ghwa Hekalu ghuwuye msidu.

ZEKARIA 11:1

Rughua minyango yako ee Lebanoni, modo ghukore misida yako!

MATHAYO 24:2

Ela uo ukawitumbulia, “Mwaghiwona agha ghose? Namghoria loli, ndekuwadie igho jingi jichaasigharika aighu ya mmbao jiseghushiro andoenyi anduangi.”