JEREMIA 51:7 - Biblia Ilagho Jiboie Kwa Wandu Wose

⁷ Babuloni edeeka sa kikombe cha dhahabu mkonunyi kwapo, chibonywaghwa wurumwengu ghose ghuwongie; iro mbari rerenyueghe divei yake rikakaia seji raawukwa ni isu.

JEREMIA 51:7 ပူးပေါင်းရင်းမြစ်များ

ISAYA 14:4

mchamseka mzuri wa Babuloni mkighamba; “Mkorongi watua! Lung'eto lwa kubia kwake lwasia!

JEREMIA 13:13

Niko aho kuchawizera, “BWANA waghamba, olenyi nichawiwongera wandu wose wikaiagha iji isanga. Wazuri wiseriagha kifumbi cha nguma cha Daudi, na wakohani, na walodi, na wandu wose wikaiagha Jerusalemu.

JEREMIA 25:9

ola nichaduma malagho kwa mbari rose rikaiagha cha kaskazinyi, na kwa mdumiki wapo Nebukadnezari mzuri wa Babuloni, wipate kucha na kulwa na wandu wikaiagha iji isanga; na wandu wose wikaiagha mbai mbai yaro. Nani nichawitotesha putu na kuwibonya kilambo cheobosha kusholelwa, wikaie winonekie kwa kala na kala.

JEREMIA 50:38

Isanga ndejiome hata jiomere machi! Kwa kukaia ni isanga ja milimu, nawo weeikunda hata ikaawikelesha.

EZEKIELI 23:42

Ndoghoi ya izungu ja wandu wisetalagha eresikirikieghe kwawo, na wawongeri wereredeloghe kufuma kireti, wikawirusha awo wana wa waka bangili vikotonyi kwawo, na virumbu vighokie vongonyi kwawo.

DANIELI 2:32

Chongo cha fwana iyo cherekoghe cha dhahabu ieleshero; lagha yake na mikonu erekoghe ya feza; kifu chake hata barenyi, erekoghe ya shaba;

DANIELI 2:38

Sena wakunekie wadamu andu kose wiko, na nyamandu ra isakenyi, na nyonyi ra mbeonyi, kupate kubonya nguma aighu yawo wose. Oho ko icho chongo cha dhahabu.

WUFUNUO 14:8

Na malaika umu wa kawi ukanugha ukighamba, “Ghwaghue, ghwaghue ugho muzi m'baa ghwa Babuloni! Ugho ghorewibonyereghe wandu wa mbari rose kunywa divei ya bea ra wulaki ghwake.”

WUFUNUO 17:2

ijo wazuri wa ndoenyi wibonyere wulaki najo, na wandu wa ndoenyi wiwongerie kwa divei ya wulaki ghwake.”

WUFUNUO 17:4

Uo muka orekoghe na marwao gha zambarau, na ghamu ghitinikie na kufinikirwa na mapambo gha dhahabu, almasi, na lulu. Orekoghe na kikombe cha dhahabu mkonunyi kwake chichue maza rizamie, na ugho wuchafu ghwa wulaki ghwake.

WUFUNUO 18:23

na mwengere ghwa taa, ndeghuchaang'ala-ng'ala andenyi kwako, hata lwaka lwa mmbusi muka na uo ulowolwagha, ndeluchaasikirika andenyi kwako sena anduangi. Angu washami wako werekoghe wandu wabaa wa ndoenyi, na wandu wa mbari rose werekaliloghe kwa wusawi ghwako.

WUFUNUO 18:3

angu mbari rose ramerie kunywa iyo divei ya bea rake riseelie, na wazuri wa ndoenyi wabonyere wulaki nao, na washami wa ndoenyi wapatire mali kwa wumalaya ghwake.”

WUFUNUO 19:2

angu kutanya kwake ni kwa loli na hachi; nao wamerie kujitanya ijo ilaya ibaa jerenonieghe ndoenyi kwa wulaki ghwake, ukalipa ngenga kwa wundu ghwa iyo bagha ya wadumiki wake.”