JEREMIA 51:57 - Biblia Ilagho Jiboie Kwa Wandu Wose

⁵⁷ Nichawiwongera wabaa wake na wandu wake wa hikima, wabonyi nguma wake, na wabaa wake wa majeshi, na masikari ghake; wichalala putu wisechaawuka sena, Ini Mzuri, niwangwagha BWANA wa majeshi, naghamba.

JEREMIA 51:57 ပူးပေါင်းရင်းမြစ်များ

ISAYA 37:36

Nao malaika wa BWANA ukaghenda kambinyi ya Waashuru, na kuwibwagha wandu elfu ighana na mirongo wunyanya na wasanu. Hata iji wandu werewukieghe nakesho, wikakua awo wandu wose wifue.

ISAYA 44:25

Ni ini nifunukuagha tee ra walaghui, na kuwimenya awo walodi wa tee; ni ini niwighaluagha awo wiwadie hikima, na kubonya kumanya kwawo kuwue duu.

ISAYA 6:5

Niko ngaghamba, “Ni bugha kwapo, angu nalagharie, kwa kukaia ini ne mundu uko na memu ilue; nani nadakaia aghadi ya wandu wiko na memu ilue, na meso ghapo ghammbona Mzuri, Uo BWANA wa majeshi.”

JEREMIA 13:13

Niko aho kuchawizera, “BWANA waghamba, olenyi nichawiwongera wandu wose wikaiagha iji isanga. Wazuri wiseriagha kifumbi cha nguma cha Daudi, na wakohani, na walodi, na wandu wose wikaiagha Jerusalemu.

JEREMIA 25:27

BWANA ukanizera, “Zera wandu kukaia, Ini BWANA Uwadie Ndighi-Rose, uo Mlungu wa Israeli nawilaghira winyo hata wiwongie na kudaika; wigho hata wisedime kuwuka kwa wundu ghwa ugho wuda nighudumagha kwawo.

JEREMIA 46:18

“Mzuri, uo uwangwaghwa BWANA wa majeshi waghema, Sa iji koni nikaiagha moyo, waghamba Mzuri, mndumu uchacha sa Mghondi ghwa Tabori aghadi ya mighondi, na sa Mghondi ghwa Karmeli ghuko mbai na mbai ya bahari.

JEREMIA 48:15

Moabu chiaimweri na mizi yake wameria kuchelwa ni Mnoni; wandu wake wa irika orewisaghueghe wasea kubwaghonyi, ini Mzuri, niwangwagha BWANA wa majeshi naghamba.

JEREMIA 50:30

Kwa wundu ugho wandu wake wa irika wichabwaghwa awazenyi kwake, na ituku ijo masikari ghake ghose ghichatoteshwa, ini BWANA naghamba.

JEREMIA 51:39

Wikawawa, nichawibonyera karamu na kuwiwongera hata wiboilo; wichalala dilo wisechaawuka sena.

EZEKIELI 20:33

“Sa iji ini Bwana MLUNGU nikaiagha moyo, naghamba, kwa loli nicham'bonyera nguma kwa kudima kwapo, na kwa ndighi, na kwa machu ghapo.

NAHUMU 1:10

Inyo wawongeri, mkeduaranganywa sa minjwa na matasa, mchakorwa na modo mmerelo.

NAHUMU 3:18

Ee mzuri wa Ashuru, wabonyi nguma wako wafwa; wandu wako wa ishima wameria kufwa. Wandu wako wasaghisika aighu mighondinyi; wasowa mndungi owitumbanya.

MALAKI 1:14

Wawasirwa njowe uo mundu unifunyira kizongona chizamie ingelo uko na nyamandu iboie oreilaghirieghe kwa kukaia ini ne Mzuri m'baa, na wandu wa mbari rose wadaniobua ini.”

WUFUNUO 18:9

Na awo wazuri wa ndoenyi werekoghe wikilaka na kubonya wumalaya nao, wichamlilia na kukema mchungu iji waghuwona mosi ghwa modo ghumkoragha;