JEREMIA 51:53 - Biblia Ilagho Jiboie Kwa Wandu Wose

⁵³ Hata ngera Babuloni wakujosa hata mlungunyi, na kuagha ngome rake rimange koighu, ela sena nichamdumia wandu wemtotesha, ini BWANA naghamba.”

JEREMIA 51:53 ပူးပေါင်းရင်းမြစ်များ

KUZOYA 11:4

Nao wikaghamba, “Idana ndedikuaghie muzi na mnara, na wuighu ghwaro ghujoke hata ghuvike mlungunyi, nesi dikubonyere diweni irina, eri disakesaghiswa ii chia na ii chia aighu ndoenyi.”

AYUBU 20:6

Ukeduakujosa uvike mawingunyi, na chongo chake chiadadeghe marundu,

ISAYA 13:17

BWANA waghora huwu, “Nichawinyavura Wamedi, wandu wisena bea na feza hata dhahabu, wipate kuikaba Babuloni.

ISAYA 41:25

“Namnyavurisha mndumu kufuma kaskazinyi, nao wamerie kucha; na umu kufuma mashariki andu iruwa jibukiagha, nao uchajiwangia irina japo kwa malombi. Uo uchawiwadia-wadia awo wibonyagha nguma karakara na mazozo, uchawiwadia-wadia sa iji koni mvimbi ufashagha wongo.

ISAYA 47:5

BWANA waghamba “Sea kidombo kunyame chui kirenyi ee muzi ghwa Babuloni, kwa kukaia ndekuchaawangwa sena malkia wa mawuzuri.

ISAYA 47:7

Na oho koreghambieghe, ‘Nichakaia malkia kwa kala na kala;’ kwa huwo ndekoretalieghe malagho agha ngolonyi kwako hata ndekoregheshereghe ghikaia gha wada kutua kwaro.

JEREMIA 49:16

Kuobosha kwako na lukaso lwa ngolo yako lwamerie kukukalia, ee, oho kukaiagha mbangenyi ra magho, na aighu ya mghondi. Hata ngera kwabonyere kijungu chako ighu sa cha indu, BWANA uchakusera andonyi.

JEREMIA 50:21

BWANA waghamba, “Joka kukabe isanga ja Merathaimu, na wandu wikaiagha Pekodi. Bwagha, kunone putu; kubonye ghose nikulaghirie.

JEREMIA 50:25

Ini BWANA narughue nyumba yapo ya maswagha, ngafunya maswagha gha machu ghapo, kwa kukaia ini Bwana MLUNGU wa majeshi neko na kazi ebonya andenyi ya isanga ja Wababuloni.

JEREMIA 50:45

Kwa huwo sikira mpango ghwapo ini BWANA nighubonyere aighu ya Babuloni, na makusudi ghapo nighibonyere aighu ya isanga ja Wababuloni. Loli wana wawo watini wichadwalwa noko, na kula umu uchaoboshwa.

JEREMIA 51:11

Kalishenyi mawanu, mmbwade ngao! Ini BWANA narinyavurishire roho ra wazuri wa Wamedi, kwa kukaia makusudi ghapo aighu ya Babuloni ni kutotesha ugho muzi; angu icho nicho kisasi chapo kwa wundu ghwa Hekalu yapo.

JEREMIA 51:25

Ola nichalwa na oho ee Babuloni Mnoni kuko sa mghondi ghototesha, nagho ghwadatotesha ndoenyi kose; nichaghorua mkonu ghwapo aighu yako, nani nichakung'arisha kufuma mchombololonyi ghwa igho, nikughushe andoenyi na kukubonya sa mghondi ghukorelo.

JEREMIA 51:48

Aho niko mlungunyi na ndoenyi, na vose viko andenyi yaro, vichabora kwa kuboilwa aighu Babuloni: kwa kukaia wanoni wichawichea kufuma kaskazinyi.

JEREMIA 51:56

Mtoteshi wameria kucha aighu ya Babuloni; masikari ghake ghawadwa, na ndana rawo rachikanywa-chikanywa, kwa kukaia ini BWANA ne Mlungu olipia, nani kwa loli nichalipia kisasi.

JEREMIA 51:58

Wurigha mshapa ghwa Babuloni ghuchaghushwa hata andoenyi, na mbenge rake riko ighu richakorwa, wandu wichadumika duu, na kazi rawo rose wawuyabonya richakorwa, Ini BWANA wa majeshi naghamba.”

DANIELI 4:30

Mzuri ukaghamba, “Welee, ugho sighoghoni muzi ghwa Babuloni m'baa nighuaghie kwa kudima kwapo ghukaie malalo gha kiwuzuri ghwa wubaa na nguma?”

AMOSI 9:2

Hata ngera wakota wiendekaia Andu kwa Wafu, sena mkonu ghwapo ghuchavika aho na kuwiwada; wikajoka mlungunyi, nichawisera andonyi kufuma aho.

AMOSI 9:4

Hata widwalo wunyika na kukaia kwa wamaiza wawo nichaduma wandu aho wiwibwaghe. Nia yapo ni kuwibwagha si kuwikira anduangi.”

HABAKUKI 2:9

Ni bugha kwako kuredagha mali ra wuwiwi nyumbenyi kwako na kwa iro kutima kuwika muzi ghwako nicha ghusepato ni mawiwi.