JEREMIA 51:51 - Biblia Ilagho Jiboie Kwa Wandu Wose

⁵¹ Nenyo mwaghamba, ‘Isi daawuyafushwa waya, angu dimenyero na kufushwa waya; kwa kukaia wandu wa kighenyi wachee, na kungia andenyi ya andu kwa wueli, andenyi ya Hekalu.’

JEREMIA 51:51 ပူးပေါင်းရင်းမြစ်များ

ZABURI 109:29

Washitaki wapo ndewiinjiro ishima, wiro waya ghwawo sa ikoti.

ZABURI 71:13

Washitaki wapo, ndewifusho waya na kusia putu, na awo wilolagha kunibonya kiwiwi, ndewifusho waya na kuinjirwa ishima.

ZABURI 79:1

Ee Mlungu, wandu wa mbari zima wangia isanga jako; wameria kuilusha Hekalu yako ya Wueli, na kuibonya Jerusalemu iwuye ighacho.

ZABURI 79:12

Kuwilipe wandu wa mbari zima mando mfungade, kwa wundu ghwa iro seko wikusekie naro ee BWANA.

ZABURI 79:4

Wandu wa mbari zima wiko mbai-mbai yedu waawuyadisholia; waawuyadimenya na kudiseka.

ZABURI 89:46

Kukuvisa hata lii ee BWANA? Machu ghako ghiaka sa modo hata lii?

ISAYA 13:1

Ughu ni wufunuo ugho Isaya mwana wa Amozi oreghupatireghe kufuma kwa Mlungu aighu ya Babuloni.

ISAYA 14:1

BWANA uchakaia na wughoma kwa wandu wa Israeli, na kuwisaghua sena; nao uchawiwunja isangenyi jawo jeni, na waghenyi wichacha kukaianya nawo.

ISAYA 21:1

Agha ni malagho aighu ya kireti cha baharinyi. Wuwiwi ghuchacha karakara na kiremba kibaa chiwetagha Negebu.

ISAYA 47:1

BWANA waghamba, “Sea, kusee kidombo a terinyi ee muzi ghwa Babuloni; seria andonyi kuseko na kifumbi cha nguma, ee muzi ghwa Wakaldayo! Kwa kukaia ndekuchaawangwa sena, ughokie, ufwano.

JEREMIA 14:3

Wandu wa ishima wiaduma wadumiki wawo kulola machi, wivika kisimenyi wikaasowa machi, wikaawuya na mitungi miduu. Wafwa ngolo na kukambwa ni chongo, nawo wawadia idumbu kwa wasi.

JEREMIA 25:26

wazuri wose wa masanga gha kaskazinyi kula na kaavui; na mawuzuri ghose gha wurumwengunyi wiko ndoenyi, wose kwa kunughishirana wikakaia winyo icho kikombe. Na kutua kwa wose, mzuri wa Babuloni uchachinywa.

JEREMIA 31:19

Diendaghaluka na mbai, dawurie dikahea; na diendafundishwa, dikakukaba diweni barenyi; derefueghe waya dikafwa ngolo, kwa kukaia deredukieghe waya ghwa wanake ghodu.’

JEREMIA 52:13

Ukaikora Hekalu ya BWANA, na ngome ya mzuri, na nyumba rose ra Jerusalemu; orekorieghe kula nyumba erekoghe mbaa.

KILILO CHA JEREMIA 1:10

Wamaiza wawisokie mali rawo rose. Werewiwonieghe wikingia Hekalunyi cheni tiki, andu BWANA orewighirieghe wandu wa mbari zima wisengie.

KILILO CHA JEREMIA 2:20

Zighana ee BWANA kupime: Kwabonyere mndungi huwu jingi? Ni hachi waka wije wana wawo aweni werewilindiagha? Welee, ni hachi wakohani na walodi wibwagho andenyi ya Hekalu yako?

KILILO CHA JEREMIA 5:1

Kumbuka agho ghidipatire ee BWANA; zighana kuwone seji disowelo ishima.

EZEKIELI 24:21

‘Kuwizere wandu wa Israeli, ini Bwana MLUNGU naghamba huwu: Ola nichakulusha Andu kwapo kwa Wueli, andu mukukasire nako sa saghi yenyu, andu kumghokiagha na kukukunda ngolonyi konyu; nani nichabonya wana wenyu wa womi na wa waka muwisighie nanyuma, wibwagho kwa lufu.

EZEKIELI 36:30

Midi yenyu ya matunda ichava kwa wungi, na mavalo gha mbuwenyi; eri msekaie na wasi ghungi ghwa njala sena ghommenyesha aghadi ya iro mbari ra wandu.

EZEKIELI 7:18

Wachulwa ni kiture, na kuwona waya; wakufunga weni nguwo ra magunia, na kuara vongo vawo kwa wasi.

EZEKIELI 9:7

Niko Mlungu ukawizera, “Lushenyi iyo Hekalu, mchure waza raro na gharia; zoenyi kazi.” Niko wikafuma na kuzoya kubwagha wandu mzinyi.

DANIELI 11:31

Masikari ghifumagha kwake wichacha na kuilusha Hekalu na ngome. Wichaghiria vizongona va nakesho na va nakenyi visefunyo, nawo wichammbika uja Mmbiwi Mnoni andenyi ya Hekalu.

AMOSI 7:9

Aho andu wandu wa kivalwa cha Isaaka weretasiragha kuchatoteshwa. Andu kwa Wueli kwa Israeli kuchanoneka. Nicharimeria nguma ra Mzuri Jeroboamu.”

MIKA 6:16

Kuchapatwa ni agha malagho angu kwaawuyanugha mafundisho gha Mzuri Omri, na gha mwana wake Mzuri Ahabu. Kwanughie njama rawo, nani nichakunona putu, na kula mundu uchakumenya. Kuchamenywa ni wandu kula andu.”

MIKA 7:10

Niko m'maiza wapo uchawona na kufwa waya; uo oreghambagha, “BWANA Mlungu wake oko hao?” Nichammbona ukiwadilwa andonyi sa mazozo gha chienyi.